完整藏文原文 · 德格版页 当前仅加载第 52 函德格 223a 版页；藏文 NFD、目录标记与异常页序保留在来源切片中，重复版页行以稳定序号区分。
པ་མ་ཡིན། བྱས་པ་མ་ཡིན། འདུས་བྱས་ཀྱི་ཆོས་མ་ཡིན་ནོ། །དེ་བཞིན་གཤེགས་པ་ཡང་དེ་དང་འདྲ་སྟེ། སྐྱེ་བ་མ་ཡིན། སྐྱེས་པ་མ་ཡིན། བྱེད་པ་མ་ཡིན། བྱས་པ་མ་ཡིན། འདུས་བྱས་ཀྱི་ཆོས་མ་ཡིན་ནོ། །དེ་བཞིན་གཤེགས་པ་ཇི་ལྟ་
D119.052.0223a01.01བ་བཞིན་དུ་སངས་རྒྱས་ཀྱི་རང་བཞིན་ཡང་དེ་དང་འདྲ་སྟེ། སྐྱེ་བ་མ་ཡིན། སྐྱེས་པ་མ་ཡིན། བྱེད་པ་མ་ཡིན། བྱས་པ་མ་ཡིན། འདུས་བྱས་ཀྱི་ཆོས་མ་ཡིན་ནོ། །རིགས་ཀྱི་བུ་སངས་རྒྱས་བཅོམ་ལྡན་འདས་ཀྱི་གསུང་ནི་རྣམ་པ་གཉིས་ཏེ། འཇིག་རྟེན་གྱི་གསུང་དང་།
D119.052.0223a02.01འཇིག་རྟེན་ལས་འདས་པའི་གསུང་ངོ་། །རིགས་ཀྱི་བུ་དེ་བཞིན་གཤེགས་པས་ཉན་ཐོས་དང་རང་སངས་རྒྱས་ལ་ནི་འཇིག་རྟེན་གྱི་གསུང་གིས་གསུང་ངོ་། །བྱང་ཆུབ་སེམས་དཔའ་རྣམས་ལ་ནི་འཇིག་རྟེན་ལས་འདས་པའི་གསུང་གིས་གསུང་ངོ་། །རིགས་ཀྱི་བུ་འཁོར་
D119.052.0223a03.01གྱི་དཀྱིལ་འཁོར་ལ་ཡང་རྣམ་པ་གཉིས་ཏེ། ཐེག་པ་ཆུང་ངུ་ཚོལ་བ་དང་། ཐེག་པ་ཆེན་པོ་ཚོལ་བའོ། །ང་སྔོན་བཱ་རཱ་ཎ་སཱིར་ཉན་ཐོས་རྣམས་ལ་ཆོས་ཀྱི་འཁོར་ལོ་བསྐོར་ཏེ་ད་ཡང་རྩྭ་མཆོག་གི་གྲོང་ཁྱེར་འདིར་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་ཆོས་ཀྱི་
D119.052.0223a04.01འཁོར་ལོ་བསྐོར་ཏོ། །རིགས་ཀྱི་བུ་གཞན་ཡང་གང་ཟག་ལ་རྣམ་པ་གཉིས་ཏེ། དབང་པོ་འབྲིང་དང་། དབང་པོ་རབ་བོ། །དབང་པོ་འབྲིང་པོ་ལ་ནི་བཱ་རཱ་ཎ་སཱིར་ཆོས་ཀྱི་འཁོར་ལོ་བསྐོར་ཏོ། །དབང་པོ་རབ་ནི་མིའི་ནང་ན་ཁྱུ་མཆོག་གི་རྒྱལ་པོ་ལྟ་བུ་བྱང་ཆུབ་སེམས་དཔའ་འོད་
D119.052.0223a05.01སྲུང་ལ་སོགས་པ་ལ་རྩྭ་མཆོག་གི་གྲོང་ཁྱེར་འདིར་ཆོས་ཆེན་པོའི་འཁོར་ལོ་བསྐོར་ཏོ། །རིགས་ཀྱི་བུ་དབང་པོ་ཐ་མ་ལ་ནི་དེ་བཞིན་གཤེགས་པ་ཆོས་ཀྱི་འཁོར་ལོ་མི་བསྐོར་ཏེ། དབང་པོ་ཐ་མ་ཞེས་བྱ་བ་ནི་ལོག་སྲེད་ཅན་དག་གོ། །རིགས་ཀྱི་བུ་གཞན་ཡང་སངས་རྒྱས་
D119.052.0223a06.01ཀྱི་བྱང་ཆུབ་ཚོལ་བ་ལ་ཡང་རྣམ་པ་གཉིས་ཏེ། བརྩོན་འགྲུས་འབྲིང་པོ་དང་། བརྩོན་འགྲུས་རབ་བོ། །བཱ་རཱ་ཎ་སཱིར་ནི་བརྩོན་འགྲུས་འབྲིང་པོ་རྣམས་ལ་ཆོས་ཀྱི་འཁོར་ལོ་བསྐོར་ཏོ། །རྩྭ་མཆོག་གི་གྲོང་ཁྱེར་འདིར་ནི་བརྩོན་འགྲུས་རབ་རྣམས་ལ་ཆོས་ཆེན་པོའི་འཁོར་ལོ་བསྐོར་ཏོ། །
D119.052.0223a07.01