完整藏文原文 · 德格版页 当前仅加载第 52 函德格 97b 版页；藏文 NFD、目录标记与异常页序保留在来源切片中，重复版页行以稳定序号区分。
མི་བྱེད་པའི་ཚེ་ན་ཤའི་མིག་གིས་བརྟགས་པས་རྟོགས་པར་དཀའ་སྟེ། ཉེས་པ་མངོན་དུ་བྱུང་ན་ཤེས་པར་སླ་བ་ནི་ཇི་ལྟར་ཁྲེ་རྒོད་དག་ཤེས་ཤིང་རྟོགས་པར་སླ་བ་བཞིན་ནོ། །དགེ་འདུན་ཡང་དེ་དང་འདྲ་སྟེ། མ་བརྟགས་པའི་དངོས་པོ་བརྒྱད་སྦྲུལ་གདུག་པ་དང་
D119.052.0097b01.01འདྲ་བར་ཡོངས་སུ་སྤངས་ནས་དེ་ནི་ཡོངས་སུ་དག་པའི་འཕགས་པའི་དགེ་འདུན་བསོད་ནམས་ཀྱི་ཞིང་ཞེས་བྱ་སྟེ། ལྷ་དང་མིས་མཆོད་པར་འོས་པའི་གནས་སུ་ཡོངས་སུ་དག་པའི་འབྲས་བུ་སྨིན་པར་འགྱུར་བ་སྟེ། ཤའི་མིག་ཅན་དག་གིས་རྟོགས་པ་མ་ཡིན་ནོ། །
D119.052.0097b02.01རིགས་ཀྱི་བུ་གཞན་ཡང་ཤིང་ཀཱ་ལ་ཀའི་ཚལ་ན། ཤིང་ཀཱ་ལ་ཀ་ནི་རབ་ཏུ་མང་སྟེ། ཤིང་ཙིན་ཏ་ཀ་ནི་དྲུང་གཅིག་ལས་མེད་དོ། །ཤིང་ཀཱ་ལ་ཀ་དང་ཙིན་ཏ་ཀའི་འབྲས་བུ་འདྲ་སྟེ། བྱེ་བྲག་མི་ཕྱེད་པས་འབྲས་བུ་སྨིན་པ་ན་བུད་མེད་གཅིག་གིས་ཀུན་བཏུས་སོ། །ཚལ་
D119.052.0097b03.01དེ་ན་ཙིན་ཏ་ཀའི་འབྲས་བུ་ནི་བཅུ་ཆ་གཅིག་ཙམ་ཀཱ་ལ་ཀའི་འབྲས་བུ་ནི་བཅུ་ཆ་བས་མང་སྟེ། བུད་མེད་དེས་མི་ཤེས་པས་བཏུས་ནས་ཚོང་དུས་སུ་བཙོངས་སོ། །བྱིས་པ་ཆུང་ངུ་གླེན་པ་དག་ངོ་མ་ཤེས་ནས་ཀཱ་ལ་ཀའི་འབྲས་བུ་ཉོས་ཏེ་ཟོས་སོ། །ཟོས་མ་ཐག་ཏུ་ཤི་བར་
D119.052.0097b04.01གྱུར་ཏོ། །མཁས་པ་ཤེས་རབ་ཅན་དག་དེ་ལྟར་གྱུར་པ་ཐོས་ནས་བུད་མེད་དེ་ལ་འདི་སྐད་དུ་ཆེ་ཞེ་ཤིང་ཏོག་འདི་ག་ལས་འོངས་ཞེས་དྲིས་ན། བུད་མེད་དེས་ཕྱོགས་དང་གནས་འདི་ནས་འོངས་ཞེས་སྨྲའོ། །དེ་ལ་ཀུན་གྱིས་གནས་དང་ཕྱོགས་དེ་ན་ཤིང་ཀཱ་ལ་ཀ་མང་རབ་སྟེ། ཙིན་
D119.052.0097b05.01ཏ་ཀ་ནི་དྲུང་གཅིག་ལས་མེད་དོ། །ཞེས་བགད་ནས་འགྲོའོ། །རིགས་ཀྱི་བུ་དགེ་འདུན་གྱི་ནང་ན་མ་བརྟགས་པ་རྣམ་པ་བརྒྱད་ལ་སྤྱོད་པ་ཡང་དེ་དང་འདྲ་སྟེ། དགེ་འདུན་གྱི་ནང་ན་མ་བརྟགས་པའི་ཆོས་རྣམ་པ་བརྒྱད་ལ་སྤྱོད་པ་ནི་མང་རབ་ཀྱི། ཚུལ་ཁྲིམས་ཡོངས་སུ་སྲུང་ཞིང་
D119.052.0097b06.01མ་བརྟགས་པའི་ཆོས་བརྒྱད་ལ་མི་སྤྱོད་པ་ནི་གཅིག་ཙམ་མོ། །དེ་ལྟར་མ་བརྟགས་པའི་ཆོས་མ་ཡིན་པ་འཆང་ཞིང་སྤྱོད་པར་ཤེས་ཀྱང་དེ་དང་ལས་ལྷན་ཅིག་ཏུ་བྱེད་དོ། །མི་འབྲལ་བ་ནི་ཇི་ལྟར་ཀཱ་ལ་ཀའི་ཚལ་ན་ཙིན་ཏ་ཀ་དྲུང་གཅིག་སྐྱེས་པ་བཞིན་ནོ། །དགེ་བསྙེན་གཅིག་གིས་
D119.052.0097b07.01