完整藏文原文 · 德格版页 当前仅加载第 52 函德格 297a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ལས་བྱུང་གི། ཆེན་པོ་བཞི་ལས་བྱུང་བ་མ་ཡིན་པས་འདི་ལ་འགྲོ་བ་གང་ཡང་གསོ་བའི་གནས་སུ་འགྱུར་བ་མེད་དོ། །དེའི་ཚེ་ན་བློན་པོ་ཆེན་པོ་ཉི་ཟླ་གྲགས་པ་ཞེས་བྱ་བ་ཞིག་རྒྱལ་པོ་གང་ན་བར་འོངས་ནས་ཕྱོགས་གཅིག་ཏུ་འགྲེང་བཞིན་དུ་འདི་སྐད་ཅེས་
D119.052.0297a01.01སྨྲས་སོ། །རྒྱལ་པོ་ཆེན་པོ་ལུས་མི་བདེ་བ་དང་། སེམས་མི་བདེ་བར་གྱུར་ན་ཅིའི་ཕྱིར་འདི་ལྟར་ངོ་འཛུམ་གནག་ཅིང་མྱ་ངན་བྱེད་པ་བདག་ལ་སྨྲོས་ཤིག །རྒྱལ་པོས་སྨྲས་པ། བདག་གི་ལུས་དང་སེམས་བདེ་བའི་གཏོལ་ག་ལ་ཞིག་ཡོད། བདག་གིས་ཕ་ཉེས་པ་མེད་པར་བསད་
D119.052.0297a02.01དེ། བདག་གིས་སྔོན་མཁས་པ་དག་ལས་ཐོས་ན་འཇིག་རྟེན་ན་མཚམས་མེད་པ་ལྔ་བྱས་པ་དག་ནི་སེམས་ཅན་དམྱལ་བ་ལས་ཐར་བའི་དུས་མེད་དོ་ཞེས་ཐོས་ལ་བདག་གིས་ཁ་ན་མ་ཐོ་བ་མཐའ་ཡས་དཔག་ཏུ་མེད་པ་གྲངས་མེད་པ་བྱས་པས་བདག་གི་ལུས་དང་སེམས་ན་བ་གསོ་
D119.052.0297a03.01བའི་སྨན་པ་མཁས་པ་ཡང་མེད་ན། ལུས་དང་སེམས་མི་ན་བའི་གཏོལ་ག་ལ་ཡོད། བློན་པོ་དེས་སྨྲས་པ། རྒྱལ་པོ་ཆེན་པོ་མྱ་ངན་ཆེར་མ་བྱེད་ཅིག་ཅེས་ཚིགས་སུ་བཅད་དེ་སྨྲས་པ། རྟག་ཏུ་མྱ་ངན་གང་བྱེད་པ། །མྱ་ངན་ཕྱིར་ཞིང་སྐྱེ་བར་འགྱུར། །ཇི་ལྟར་གཉིད་ལ་དགའ་བ་
D119.052.0297a04.01ཡང་། །ཕྱིར་ཞིང་དེ་བཞིན་གཉིད་ཆེར་འགྱུར། །དེ་བཞིན་འདོད་ཆགས་སྲེད་པ་དང་། །ཆང་དད་ཆེ་བའང་རིག་པར་བྱ། །རྒྱལ་པོ་གསུང་བ་ལྟར་འཇིག་རྟེན་ན་མཚམས་མེད་པ་ལྔ་བྱས་པའི་གང་ཟག་ནི་སེམས་ཅན་དམྱལ་བ་ལས་ཐར་བའི་དུས་མེད་དོ་ཞེས་བྱ་བ་དེ་སུ་ཞིག་
D119.052.0297a05.01གིས་མྱོང་ཞིང་མཐོང་ནས་རྒྱལ་པོ་ལ་གཏམ་དུ་སྨྲས། སེམས་ཅན་དམྱལ་བ་ཞེས་བྱ་བ་ནི་འཇིག་རྟེན་ན་ཤེས་པ་མང་བ་ཅིག་གིས་རང་བཟོར་གཏམ་དུ་སྨྲས་པར་ཟད་དོ། །རྒྱལ་པོ་གསུང་བ་ལྟར་འཇིག་རྟེན་ན་ལུས་དང་སེམས་གསོ་བའི་སྨན་པ་མཁས་པ་མེད་དོ་ཞེས་བྱར་མི་རུང་
D119.052.0297a06.01སྟེ། ད་ལྟར་སྨན་པ་ཆེན་པོ་འོད་སྲུང་རྫོགས་བྱེད་ཅེས་བྱ་བ་ཐམས་ཅད་མཁྱེན་པ། ཐམས་ཅད་གཟིགས་པ། དབང་དུ་གྱུར་པའི་ཏིང་ངེ་འཛིན་ཐོབ་པ། ཚངས་པར་སྤྱོད་པ་ཡོངས་སུ་དག་པའི་མཐར་ཕྱིན་པ། སེམས་ཅན་ཚད་མེད་མཐའ་ཡས་པ་ལ་བླ་ན་མེད་པའི་མྱ་
D119.052.0297a07.01