完整藏文原文 · 德格版页 当前仅加载第 52 函德格 52b 版页；藏文 NFD、目录标记与异常页序保留在来源切片中，重复版页行以稳定序号区分。
པོ་ཞེས་བྱའོ། །དམ་པའི་ཆོས་སྲུང་ན་ལག་ན་མཚོན་ཆ་ཐོགས་ཏེ། ཆོས་སྨྲ་བ་ལ་བསྲུང་བར་བྱའོ། །བཅོམ་ལྡན་འདས་ལ་འོད་སྲུང་གིས་ཡང་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གང་དེ་ལྟར་དགེ་བསྙེན་མཚོན་ཆ་ཐོགས་པ་དང་ལྷན་ཅིག་འགྲོགས་
D119.052.0052b01.01བརྟེན་ན་དེ་ལ་སྟོན་པ་ཞེས་བགྱིའམ། སྟོན་པ་ཞེས་མི་བགྱི། དེ་ཚུལ་ཁྲིམས་བསྲུང་བ་ལགས་སམ། ཚུལ་ཁྲིམས་ཉམས་པ་ལགས། བཅོམ་ལྡན་འདས་ཀྱིས་འོད་སྲུང་ལ་བཀའ་སྩལ་པ། དེ་དག་ལ་ཚུལ་ཁྲིམས་ཉམས་པའོ། །སྙམ་དུ་མ་སེམས་ཤིག །
D119.052.0052b02.01རིགས་ཀྱི་བུ་ང་ཡོངས་སུ་མྱ་ངན་ལས་འདས་ནས་རྙོག་པ་ཅན་གྱི་འཇིག་རྟེན་ན་ཡུལ་འཁྲུགས་ཏེ། གཅིག་ལ་གཅིག་འཕྲོག་པས་མུ་གེས་ཉེན་པར་འགྱུར་རོ། །དེའི་ཚེ་ན་མང་དུ་འཚོ་བས་ཕོངས་པའི་ཕྱིར་རབ་ཏུ་བྱུང་བར་རྩོལ་ཏེ་དེ་དག་ནི་མགོ་རེག་ཅེས་བྱའོ། །གང་ཟག་
D119.052.0052b03.01མགོ་རེག་དེ་དག་གང་དགེ་སློང་ཚུལ་ཁྲིམས་འཛིན་ཅིང་སྤྱོད་ལམ་དང་ལྡན་པ་ཡོངས་སུ་དག་པ་དམ་པའི་ཆོས་སྲུང་བ་ཡོད་ན་སྐྲོད་དོ། །གསོད་དོ། །གནོད་པ་བྱེད་དོ། །ཡང་བཅོམ་ལྡན་འདས་ལ་བྱང་ཆུབ་སེམས་དཔའ་འོད་སྲུང་གིས་འདི་སྐད་ཅེས་གསོལ་ཏོ། །དགེ་སློང་
D119.052.0052b04.01ཚུལ་ཁྲིམས་སྲུང་ཞིང་དམ་པའི་ཆོས་ཡོངས་སུ་འཛིན་པ་དག་ཇི་ལྟར་གྲོང་ཁྱེར་དང་ལྗོངས་སུ་སེམས་ཅན་གདུལ་བའི་ཕྱིར་རྒྱུ་ཞིང་མཆི་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་བས་ན་གང་ཚུལ་ཁྲིམས་འཛིན་པ་དག་ཁྱིམ་པ་མཚོན་ཆ་ཐོགས་པ་
D119.052.0052b05.01ལ་བརྟེན་ཅིང་འགྲོགས་ཤིག་ཅེས་ངས་གནང་བ་ཡིན་ནོ། །གལ་ཏེ་རྒྱལ་པོའམ། བློན་པོ་འམ། ཁྱིམ་བདག་གམ། དགེ་བསྙེན་ལ་སོགས་པ་ཆོས་བསྲུང་བའི་ཕྱིར་མཚོན་ཆ་ཐོགས་ཀྱང་དེ་ནི་ཚུལ་ཁྲིམས་སྲུང་བ་ཞེས་བྱ་སྟེ། མཚོན་ཆ་ཐོགས་མོད་ཀྱི། སྲོག་མི་གཅོད་
D119.052.0052b06.01པས་དེ་ནི་ཚུལ་ཁྲིམས་སྲུང་བའི་མཆོག་ཅེས་བྱའོ། །འོད་སྲུང་གིས་ཡང་གསོལ་པ། བཅོམ་ལྡན་འདས་ཆོས་སྲུང་བ་ནི་ཡང་དག་པར་ལྟ་བ་དང་ལྡན་ཏེ། ཐེག་པ་ཆེན་པོའི་མདོ་སྡེ་རྒྱས་པར་སྟོན་པ་ནི་རྒྱལ་པོའི་རིན་པོ་ཆེའི་གདུགས་དང་། མར་སྣོད་དང་། ཁྲེ་འབྲས་
D119.052.0052b07.01