完整藏文原文 · 德格版页 当前仅加载第 52 函德格 71a 版页；藏文 NFD、目录标记与异常页序保留在来源切片中，重复版页行以稳定序号区分。
རྟག་ཅེས་ཟེར་ན་དེའི་ལྕེ་ཅི་སྟེ་ཆད་པར་མ་གྱུར། འོད་སྲུང་གིས་ཡང་གསོལ་པ། བཅོམ་ལྡན་འདས་ཀྱིས་ཡང་ཚིགས་སུ་བཅད་པ་ལ་འདི་སྐད་ཅེས་མ་གསུངས་སམ། ཅི་ཡང་སོགས་པ་མེད་ཅིང་། །ཟས་ཀྱི་ཚོད་ཀྱང་ཤེས་པ། །མཁའ་ལ་བྱ་འཕུར་བཞིན་ཏེ། །རྗེས་ནི་
D119.052.0071a01.01སུས་ཀྱང་མི་ཆོད། །ཅེས་བགྱི་བའི་དོན་ཇི་ལྟ་བུ་ལགས། བཅོམ་ལྡན་འདས་ཀྱིས་དཀྱིལ་འཁོར་འདིའི་ནང་ན་ཅི་ཡང་མི་སོགས་ཞེས་བགྱི་བ་ནི་གང་ལགས། ཟས་ཀྱི་ཚོད་འཛིན་པ་ནི་གང་ལགས། ནམ་མཁའ་ལ་བྱ་འཕུར་བ་ལྟར་རྗེས་མི་རྙེད་པ་དེ་ལྟ་བུ་ནི་སུ། སོང་བ་དེ་ཡང་ཕྱོགས་གང་
D119.052.0071a02.01དུ་ཕྱིན་པར་གྱུར། བཅོམ་ལྡན་འདས་ཀྱིས་འོད་སྲུང་ལ་བཀའ་སྩལ་པ། སོགས་པ་ཞེས་བྱ་བ་ནི་ནོར་བུ་རིན་པོ་ཆེའོ། །རིགས་ཀྱི་བུ་སོགས་པ་ལ་རྣམ་པ་གཉིས་ཏེ། འདུས་བྱས་དང་འདུས་མ་བྱས་པའོ། །འདུས་བྱས་ཀྱི་སོགས་པ་ནི་ཉན་ཐོས་ཀྱི་སྤྱོད་པ་ལ་བྱའོ། །འདུས་མ་བྱས་པའི་
D119.052.0071a03.01སོགས་པ་ནི་དེ་བཞིན་གཤེགས་པའི་སྤྱོད་པའོ། །རིགས་ཀྱི་བུ་དགེ་འདུན་ལ་ཡང་རྣམ་པ་གཉིས་ཏེ། འདུས་བྱས་དང་འདུས་མ་བྱས་པའོ། །འདུས་བྱས་ཀྱི་དགེ་འདུན་ཞེས་བྱ་བ་ནི་ཉན་ཐོས་སོ། །ཉན་ཐོས་ཀྱི་དགེ་འདུན་ཞེས་བྱ་བ་ནི་སོགས་པ་མེད་པའོ། །ཅི་མི་སོགས་ཞེ་ན་བྲན་ཕོ་དང་
D119.052.0071a04.01བྲན་མོ་དང་། ཆོས་མ་ཡིན་པའི་དངོས་པོ་བང་མཛོད་དང་ཁྲེ་འབྲས་དང་། ཏིལ་དང་ཟར་མ་དང་། སྲན་མ་ཆེ་ཆུང་ལ་སོགས་པ་མི་སོགས་པའོ། །དེ་ལ་གང་ཞིག་གིས་འདི་སྐད་དུ་དེ་བཞིན་གཤེགས་པས་བྲན་ཕོ་དང་། བྲན་མོ་དང་ལས་བྱེད་པའི་མི་ལ་སོགས་པ་འཆང་དུ་གནང་ངོ་ཞེས་ཟེར་ན།
D119.052.0071a05.01དེའི་ལྕེ་ལྐུགས་པར་འགྱུར་བའི་རིགས་སོ། །ངའི་ཉན་ཐོས་ཀྱི་ཉེ་གནས་དག་ནི་མི་སོགས་པ་ཞེས་ཀྱང་བྱ། ཟས་ཀྱི་ཚོད་ཤེས་པ་ཞེས་ཀྱང་བྱ་སྟེ། གང་ཟས་ལ་ཆགས་པ་ནི་ཆོག་མི་ཤེས་པ་ཞེས་བྱ། གང་ཟས་ལ་མ་ཆགས་པ་ནི་ཆོག་ཤེས་པ་ཞེས་བྱའོ། །རྗེས་མི་ཆོད་ཅེས་བྱ་བ་
D119.052.0071a06.01ནི་བླ་ན་མེད་པའི་བྱང་ཆུབ་ལ་བསྙེན་པ་སྟེ། གང་ཟག་དེ་ནི་ངས་གསུངས་པ་ལྟར་སོང་མོད་ཀྱི། ཕྱིན་པའི་གནས་མེད་དོ། །འོད་སྲུང་གིས་ཡང་གསོལ་པ། འདུས་བྱས་ཀྱི་དགེ་འདུན་ལ་ཡང་མི་སོགས་པ་ཞེས་བགྱི་ན། འདུས་མ་བྱས་པའི་དགེ་འདུན་ལྟ་ཅི་སྨོས་ཏེ། དེ་ནི་དེ་བཞིན་
D119.052.0071a07.01