完整藏文原文 · 德格版页 当前仅加载第 52 函德格 81b 版页；藏文 NFD、目录标记与异常页序保留在来源切片中，重复版页行以稳定序号区分。
པར་གྲོལ་བ་སྟེ། ཡང་དག་པར་རྣམ་པར་གྲོལ་བ་ནི་དེ་བཞིན་གཤེགས་པའོ། །གཞན་ཡང་རྣམ་པར་གྲོལ་བ་ནི་གདོན་མི་ཟ་བའོ། །དཔེར་ན་མེ་ཏོག་པ་ཤི་ཀའི་དྲི་ནི་འདབ་མ་བདུན་པོ་ལ་མེད་དོ། །རྣམ་པར་གྲོལ་བ་ཡང་དེ་དང་འདྲ་སྟེ། དེ་ལྟར་རྣམ་པར་གྲོལ་བ་ནི་དེ་བཞིན་གཤེགས་
D119.052.0081b01.01པའོ། །གཞན་ཡང་རྣམ་པར་གྲོལ་བ་ནི་ཆུའི་ཁམས་དང་འདྲའོ། །འདི་ལྟ་སྟེ་ཆུའི་ཁམས་ནི་ཆེན་པོ་བཞིའི་ནང་ན་མཆོག་སྟེ། རྩི་ཤིང་དང་འབྲས་བུ་ཐམས་ཅད་རླན་ཅིང་སྣུམ་པར་བྱེད་དོ། །རྣམ་པར་གྲོལ་བ་ཡང་དེ་དང་འདྲ་སྟེ། སྐྱེ་བ་ཐམས་ཅད་རླན་པར་བྱེད་དོ། །དེ་ལྟར་
D119.052.0081b02.01རྣམ་པར་གྲོལ་བ་ནི་དེ་བཞིན་གཤེགས་པའོ། །གཞན་ཡང་རྣམ་པར་གྲོལ་བ་ནི་འཇུག་པ་ཞེས་བྱའོ། །དཔེར་ན་སྒོ་ཡོད་ན་འཇུག་པ་ཡོད་པ་དང་། གསེར་གྱི་འབྱུང་ཁུངས་ན་གསེར་ཡོད་པ་དང་འདྲ་བར་རྣམ་པར་གྲོལ་བ་ཡང་དེ་དང་འདྲ་སྟེ། བདག་མེད་པ་སྒོམ་པའི་རྣམས་
D119.052.0081b03.01འཇུག་པར་བྱེད་དོ། །དེ་ལྟར་རྣམ་པར་གྲོལ་བ་ནི་དེ་བཞིན་གཤེགས་པའོ། །གཞན་ཡང་རྣམ་པར་གྲོལ་བ་ནི་དགེ་བའོ། །དཔེར་ན་སློབ་མ་ཞིག་སློབ་དཔོན་གྱི་རྗེས་སུ་འབྲང་ཞིང་བསྒོ་བ་མཉན་ན་དགེ་བ་ཞེས་བྱའོ། །རྣམ་པར་གྲོལ་བ་ཡང་དེ་དང་འདྲ་སྟེ། དེ་ལྟར་རྣམ་པར་གྲོལ་
D119.052.0081b04.01བ་ནི་དེ་བཞིན་གཤེགས་པའོ། །གཞན་ཡང་རྣམ་པར་གྲོལ་བ་ནི་འཇིག་རྟེན་ལས་འདས་པའི་ཆོས་ཏེ་ཆོས་ཐམས་ཅད་ཀྱི་ཕུལ་དུ་འགྱུར་བའོ། །དཔེར་ན་རོ་བྲོ་བ་ཐམས་ཅད་ཀྱི་ནང་ན་མར་དང་འོ་མ་ནི་མཆོག་གོ། །རྣམ་པར་གྲོལ་བ་ཡང་དེ་དང་འདྲ་སྟེ། དེ་ལྟར་རྣམ་པར་གྲོལ་
D119.052.0081b05.01བ་ནི་དེ་བཞིན་གཤེགས་པའོ། །གཞན་ཡང་རྣམ་པར་གྲོལ་བ་ནི་མི་གཡོ་བ་ཞེས་བྱའོ། །དཔེར་ན་སྒོའི་ཐེམ་པ་ནི་རླུང་གིས་བསྐྱོད་མི་ནུས་སོ། །ཡང་དག་པར་རྣམ་པར་གྲོལ་བ་ཡང་དེ་དང་འདྲ་སྟེ། །དེ་ལྟར་རྣམ་པར་གྲོལ་བ་ནི་དེ་བཞིན་གཤེགས་པའོ། །གཞན་ཡང་རྣམ་
D119.052.0081b06.01པར་གྲོལ་བ་ནི་དབའ་རླབས་མེད་པའོ། །དཔེར་ན་རྒྱ་མཚོའི་ཆུ་ནི་དབའ་རླབས་རྒོད་པའོ། །རྣམ་པར་གྲོལ་བ་ནི་དེ་ལྟ་མ་ཡིན་ཏེ། དེ་ལྟར་རྣམ་པར་གྲོལ་བ་ནི་དེ་བཞིན་གཤེགས་པའོ། །གཞན་ཡང་རྣམ་པར་གྲོལ་བ་ནི་རྒྱལ་པོའི་ཕོ་བྲང་ལྟ་བུའོ། །རྣམ་པར་གྲོལ་བ་ཡང་དེ་དང་འདྲ་
D119.052.0081b07.01