完整藏文原文 · 德格版页 当前仅加载第 52 函德格 159b 版页；藏文 NFD、目录标记与异常页序保留在来源切片中，重复版页行以稳定序号区分。
སྤྱོད་པ། །དེ་བཞིན་གཤེགས་པ་རྟག་པ་སྒོམ། །དེ་ལྟར་དམ་ཆོས་དེ་ཉིད་ཀྱང་། །མི་འགྱུར་རྟག་ཏུ་གནས་པར་རྟོགས། །གཞན་ཡང་དཀོན་མཆོག་གསུམ་དག་ལ། །རྟག་ཏུ་གནས་པར་འདུ་ཤེས་སྐྱེད། །དེ་ལ་ཤིན་ཏུ་སྲུང་བ་ན། །སྔགས་ཀྱི་མཐུ་དབང་ཤིང་སྐམ་ལ། །མེ་ཏོག་
D119.052.0159b01.01དག་ཀྱང་སྐྱེ་བ་བཞིན། །དེ་ནི་དཀོན་མཆོག་གསུམ་པོ་ལ། །འཁོར་རྣམ་བཞི་སྟེ་ལེགས་པར་ཉོན། །ཐོས་ནས་ཤིན་ཏུ་དགའ་བཞིན་དུ། །བྱང་ཆུབ་ཏུ་ནི་སེམས་བསྐྱེད་ཅིང་། །གང་ཞིག་དཀོན་མཆོག་གསུམ་པོ་ལ། །དོན་དམ་བདེན་པར་རྟག་འཛིན་ན། །དེ་ནི་སངས་རྒྱས་མང་
D119.052.0159b02.01པོ་ཡི། །སྨོན་ལམ་ཕུལ་གྱི་མཆོག་ཡིན་ནོ། །དེ་ལ་དགེ་སློང་ངམ། དགེ་སློང་མའམ། དགེ་སྙེན་ནམ། དགེ་བསྙེན་མ་གང་ཞིག་དེ་བཞིན་གཤེགས་པའི་སྨོན་ལམ་མཆོག་གི་སྨོན་ལམ་བཏབ་པ་ནི་གླེན་པའམ་གཏི་མུག་ཅན་མ་ཡིན་ཏེ། མཆོད་པའི་གནས་ཡིན་པར་རིག་པར་བྱའོ། །
D119.052.0159b03.01སྨོན་ལམ་དེའི་མཐུས་ཡོན་ཏན་གྱི་འབྲས་བུ་སྨིན་པ་ནི་དགྲ་བཅོམ་པ་ལྟར་འཇིག་རྟེན་གྱི་ཕུལ་གྱི་མཆོག་ཏུ་འགྱུར་རོ། །གང་ཞིག་དེ་ལྟར་དཀོན་མཆོག་གསུམ་ལ་རྟག་པ་ཉིད་དུ་མི་ཤེས་ན་དེ་ནི་རིགས་ངན་ཡིན་པར་རིག་པར་བྱའོ། །གང་ཞིག་ཆོས་རྣམ་པ་གསུམ་པོ་རྟག་པ་ཉིད་དུ་ཤེས་ན་ཆོས་
D119.052.0159b04.01བདེན་པའི་རྐྱེན་གྱིས་སྡུག་བསྔལ་བ་དང་འབྲལ་ཞིང་རབ་ཏུ་བདེ་བར་འགྱུར། གནོད་པ་མེད་པར་འགྱུར། བར་ཆད་བྱེད་པ་མེད་པར་འགྱུར་རོ། །དེའི་ཚེ་ལྷ་དང་མི་དང་། ལྷ་མ་ཡིན་ལ་སོགས་པ་འཁོར་དེ་དག་གིས་དེ་སྐད་ཅེས་གསུངས་པ་ཐོས་ནས་རབ་ཏུ་དགའ་མགུ་རངས་པའི་
D119.052.0159b05.01སེམས་སྐྱེས་ཏེ། ཤིན་ཏུ་དུལ་ཞིང་དེས་པའི་སེམས་སུ་གྱུར། སྒྲིབ་པ་ཀུན་ཤིན་ཏུ་བསལ་བའི་སེམས་སུ་གྱུར། མཐོན་དམན་མེད་པའི་སེམས་སུ་གྱུར་ཏེ། གཟི་བརྗིད་རྣམ་པར་དང་བ་དང་། འཛུམ་པའི་མདངས་ཅན་དུ་གྱུར་ནས་དེ་བཞིན་གཤེགས་པ་རྟག་པ་ཉིད་དུ་ཤེས་ཏེ། དེ་
D119.052.0159b06.01བས་ན་ལྷ་རྫས་ཀྱི་མཆོད་པ་རྣམ་པ་མང་པོས་མཆོད་དེ། ལྷ་རྫས་ཀྱི་མེ་ཏོག་དང་། སྤོས་དང་། ཕྱེ་མ་དང་། བྱུག་སྤོས་དང་། ལྷ་རྫས་ཀྱི་རོལ་མོས་ཡོངས་སུ་མཆོད་དོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་འོད་སྲུང་ལ་བཀའ་སྩལ་པ། རིགས་ཀྱི་བུ་ཁྱོད་ཀྱིས་འཁོར་
D119.052.0159b07.01