完整藏文原文 · 德格版页 当前仅加载第 52 函德格 109b 版页；藏文 NFD、目录标记与异常页序保留在来源切片中，重复版页行以稳定序号区分。
ཅིག་ནི་བདག་མེད་ཅེས་བྱ་བ་ཆད་པར་ཡང་སྨྲའོ། །དེ་བཞིན་གཤེགས་པ་ནི་དེ་ལྟ་མ་ཡིན་ཏེ། བདག་ཡོད་པར་ཡང་གསུངས་ལ། བདག་མེད་པར་ཡང་གསུངས་པས་དབུ་མ་ཞེས་བྱའོ། །དེ་ལ་གང་ཞིག་སངས་རྒྱས་ཀྱིས་དབུ་མར་གསུངས་པ་ལས་སེམས་ཅན་ཐམས་ཅད་ལ་
D119.052.0109b01.01སངས་རྒྱས་ཀྱི་རང་བཞིན་ཡོད་དེ། ཉོན་མོངས་པས་བསྒྲིབས་པས་མི་ཤེས་མི་མཐོང་ངོ་། །དེ་བས་ན་ཉོན་མོངས་པ་གཅོད་པའི་ཐབས་ལ་ནན་ཏན་བྱའོ། །ཞེས་གང་དེ་སྐད་དུ་སྨྲ་ན་དེ་ནི་ཕས་ཕམ་པ་བཞི་མ་ཉམས་པ་ཡིན་པར་རིག་པར་བྱའོ། །གང་འདི་སྐད་དུ་མི་སྨྲ་བ་དེ་ནི་
D119.052.0109b02.01ཕས་ཕམ་པ་ཉམས་པ་ཞེས་བྱའོ། །དེ་ལ་གང་ཞིག་འདི་སྐད་དུ་བདག་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་སངས་རྒྱས་སོ། །དེ་ཅིའི་ཕྱིར་ཞེ་ན། སངས་རྒྱས་ཀྱི་རང་བཞིན་ཡོད་པའི་ཕྱིར་རོ། །སངས་རྒྱས་ཀྱི་རང་བཞིན་ཡོད་པ་ནི་གདོན་མི་ཟ་བར་
D119.052.0109b03.01བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་འཚང་རྒྱ་སྟེ། དེ་བས་ན་བདག་ནི་བྱང་ཆུབ་ཏུ་མངོན་པར་སངས་རྒྱས་སོ་ཞེས་སྨྲ་ན་གང་ཟག་དེ་ནི་ཕས་ཕམ་པ་བྱུང་བ་རིག་པར་བྱའོ། །དེ་ཅིའི་ཕྱིར་ཞེ་ན། སངས་རྒྱས་ཀྱི་རང་བཞིན་ཡོད་མོད་ཀྱི་སྒྲུབ་པའི་
D119.052.0109b04.01ཐབས་ལ་ནན་ཏན་མ་བྱས་ན་མཐོང་བར་མི་འགྱུར་རོ། །མི་མཐོང་བས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་འཚང་མི་རྒྱའོ། །རིགས་ཀྱི་བུ་དེ་ལྟ་བས་ན་སངས་རྒྱས་ཀྱི་ཆོས་ནི་ཤིན་ཏུ་ཟབ་སྟེ། བསམ་གྱིས་མི་ཁྱབ་བོ། །དེ་ནས་ཡང་བཅོམ་ལྡན་འདས་ལ་
D119.052.0109b05.01བྱང་ཆུབ་སེམས་དཔའ་འོད་སྲུང་གིས་འདི་སྐད་ཅེས་གསོལ་ཏོ། །བཅོམ་ལྡན་འདས་རྒྱལ་པོ་ཞིག་གིས་ཇི་ལྟར་ན་དགེ་སློང་དག་བླ་མ་མིའི་ཆོས་ལས་ཉམས་པ་ལགས་ཞེས་འདྲི་ན་དེ་ལ་ཇི་སྐད་བགྱི། བཅོམ་ལྡན་འདས་ཀྱིས་འོད་སྲུང་ལ་བཀའ་སྩལ་པ། དགེ་སློང་གང་ཞིག་རྙེད་
D119.052.0109b06.01པ་དང་བསོད་སྙོམས་ཀྱི་ཕྱིར་གཡོ་དང་སྒྱུས་འཚོ་ཞིང་། འདི་སྙམ་དུ་བདག་ལ་འཇིག་རྟེན་དུ་བཅས་པས་དགེ་སློང་དུ་ཤེས་པར་འགྱུར་སྙམ་དུ་སེམས་ཏེ། བདག་ཇི་ལྟར་ན་རྙེད་པ་ཆེར་རྙེད་ཅིང་གྲགས་པར་འགྱུར་སྙམ་ནས་དགེ་སློང་གླེན་པ་གཏི་མུག་ཅན་དག་ཉིན་མཚན་དུ་འདི་སྙམ་
D119.052.0109b07.01