完整藏文原文 · 德格版页 当前仅加载第 52 函德格 334b 版页；藏文 NFD、目录标记与异常页序保留在来源切片中，重复版页行以稳定序号区分。
མི་མཇེད་ཅེས་བྱ་བ་ཡོད་དོ། །འཇིག་རྟེན་གྱི་ཁམས་དེ་ན་རི་དང་བྲག་དང་ཅོང་རོང་དང་ཁྲད་ཁྲོད་དང་། གསེག་མ་དང་ཚེར་མ་མ་རུངས་པས་ཀུན་ཏུ་ཡོངས་སུ་གང་སྟེ། རྟག་ཏུ་བཀྲེས་པ་དང་། སྐོམ་པ་དང་། གྲང་བ་དང་ཚ་བའི་སྡུག་བསྔལ་གྱིས་རྣམ་པར་
D119.052.0334b01.01གཟིར་ཏོ། །ཞིང་དེའི་མི་དག་དགེ་སྦྱོང་དང་བྲམ་ཟེ་དང་ཕ་མ་དང་སློབ་དཔོན་དང་། བླ་མ་ལ་བཀུར་སྟི་མི་བྱེད་དེ། ཆོས་མ་ཡིན་པ་ལ་ཞེན་པ་དང་། ཆོས་མ་ཡིན་པ་ལ་འདོད་ཅིང་ཆགས་པ་དང་ལོག་པ་དང་ཆོས་སྤྱོད་པ་དང་། དམ་པའི་ཆོས་ལ་ཡིད་མི་ཆེས་པ་
D119.052.0334b02.01དང་། ཚེའི་ཚད་རབ་ཏུ་ཐུང་བ་དང་། ཉེས་པ་བྱེད་པ་དག་ཡོད་ན་རྒྱལ་པོས་ཆད་པས་གཅོད་པ་དང་། རྒྱལ་པོ་དག་ཡུལ་དང་སྲིད་ཡོད་བཞིན་དུ་ཆོག་ཅིང་ངོམས་མི་ཤེས་ཏེ། གཞན་གྱི་བདོག་པ་ལ་འདོད་པའི་སེམས་བསྐྱེད་ནས། དམག་གིས་བཏབ་པས་
D119.052.0334b03.01གློ་བུར་དུ་ཤི་བ་མང་ངོ་། །རྒྱལ་པོས་དེ་ལྟར་ཆོས་མ་ཡིན་པ་སྤྱོད་པས་རྒྱལ་ཆེན་བཞིའི་ལྷ་དགེ་བ་དག་མི་དགའ་བས་ཐན་ཆེན་བྱུང་བ་དང་ནས་འབྲས་མི་སྐྱེ་བ་དང་། མི་ནད་མང་བ་དང་། སྡུག་བསྔལ་ཚད་མེད་པ་མང་པོས་གདུང་བ་དེ་ན་བཅོམ་ལྡན་འདས་ཤཱཀྱ་ཐུབ་པ་
D119.052.0334b04.01ཞེས་བྱ་བ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པ་མཁྱེན་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་རིག་པ། བླ་ན་མེད་པ། སྐྱེས་བུ་འདུལ་ཞིང་ཁ་ལོ་སྒྱུར་བ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་
D119.052.0334b05.01འདས་ཐུགས་རྗེ་ཆེན་པོ་ལྷག་པར་ཆེ་བས། སེམས་ཅན་ལ་ཐུགས་བརྩེ་བའི་ཕྱིར་གྲོང་ཁྱེར་རྩྭ་མཆོག་ཏུ་སཱ་ལའི་ཤིང་དྲུང་ན། འཁོར་མང་པོ་རྣམས་ལ་མྱ་ངན་ལས་འདས་པ་ཆེན་པོའི་མདོ་སྡེ་འདི་སྟོན་ཏོ། །དེ་ནས་བྱང་ཆུབ་སེམས་དཔའ་ཀུན་ཏུ་སྣང་བ་མཐོ་བཙུན་
D119.052.0334b06.01དཔལ་གྱི་རྒྱལ་པོ་ཞེས་བྱ་བ་ཡང་འདི་ཉིད་ལ་བརྩམས་ནས་ཞུས་ཏེ། ཁྱོད་དང་ཐ་དད་པ་མེད་དོ། །བཅོམ་ལྡན་འདས་དེས་ཀྱང་འདི་བཞིན་དུ་བཀའ་སྩལ་གྱིས་ཁྱེད་མྱུར་དུ་སོང་ཤིག་དང་། ཐོས་པར་འགྱུར་ཞེས་གསུང་ངོ་། །བཅོམ་ལྡན་འདས་བྱང་ཆུབ་
D119.052.0334b07.01