完整藏文原文 · 德格版页 当前仅加载第 52 函德格 4b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ལ་འདི་ལྟ་སྟེ། སྤོས་ཀྱི་ཤིང་ཙན་དན་དང་། ཨ་ག་རུ་དང་། གོ་ཤིར་ཥ་ཙན་དན་དང་། ལྷའི་ཤིང་བསུང་ཅན་ལ་སོགས་པའོ། །ཤིང་དེ་དག་ཀྱང་མཛེས་པའི་རི་མོ་དང་ལྡན་ཞིང་རིན་པོ་ཆེ་སྣ་བདུན་གྱིས་རྣམ་པར་བརྒྱན་པ། འོད་ཤིན་ཏུ་འཚེར་ཞིང་གསལ་བ་ནི་དཔེར་ན་རི་མོ་མཁན་གྱིས་
D119.052.0004b01.01ཚོན་སྣ་ཚོགས་བཀྱེ་བ་དང་འདྲ་སྟེ། སངས་རྒྱས་ཀྱི་བྱིན་གྱི་བརླབས་ཀྱིས་ཁ་དོག་སྔོན་པོ་དང་། སེར་པོ་དང་། དམར་པོ་དང་། དཀར་པོ་དང་ལྡན་ཏེ། འགྲོ་བ་མང་པོས་མཐོང་ན་དགའ་བར་འགྱུར་བ་ཤ་སྟག་གོ། །ཤིང་རྣམ་པ་མང་པོ་དེ་དག་ལ་གཞན་ཡང་རྣམ་པ་སྣ་ཚོགས་ཀྱི་སྤོས་ཀྱི་ལྡེ་གུ་
D119.052.0004b02.01དང་། གུར་གུམ་དང་། ཨ་ག་རུ་དང་། པོག་ལ་སོགས་པས་ཡོངས་སུ་བསྐུས་ལ། མེ་ཏོག་རྣམ་པ་སྣ་ཚོགས་ཀྱིས་གཏོར་ཅིང་བརྒྱན་པ་ནི་འདི་ལྟ་སྟེ། མེ་ཏོག་ཨུད་པ་ལ་དང་། མེ་ཏོག་ཀུ་མུ་ད་དང་། མེ་ཏོག་པད་མོ་དང་། མེ་ཏོག་པུན་ད་རཱི་ཀ་ལ་སོགས་པའོ། །ཤིང་དེ་དག་ལ་གཞན་ཡང་ཚོན་
D119.052.0004b03.01རྣམ་པ་ལྔ་དང་ལྡན་པའི་བ་དན་ཤིན་ཏུ་འཇམ་ཞིང་མཛེས་པ་ཡོངས་སུ་སྤྱངས་པ་ནི་དཔེར་ན་ལྷའི་ན་བཟའ་ཀེའུ་ཤ་ཡའམ། ཤུ་མ་ལྟ་བུའོ། །སྤོས་ཀྱི་ཤིང་དེ་དག་ཀྱང་རིན་པོ་ཆེའི་ཤིང་རྟས་བསྐྱས་ཏེ། རིན་པོ་ཆེའི་ཤིང་རྟ་དེ་དག་ལས་ཀྱང་འོད་རྣམ་པ་སྣ་ཚོགས་བྱུང་བ་ནི་འདི་ལྟ་སྟེ། སྔོན་པོ་དང་།
D119.052.0004b04.01སེར་པོ་དང་། དམར་པོ་དང་། དཀར་པོའོ། །ཤིང་རྟའི་གཉའ་ཤིང་དང་། བར་གདང་ལ་སོགས་པ་ཡང་རིན་པོ་ཆེ་སྣ་བདུན་གྱིས་རྣམ་པར་སྤྲས་ཏེ། ཤིང་རྟ་དེ་རེ་རེ་ཡང་རྟ་བཞི་བཞིས་དྲངས་སོ། །རྟ་དེ་དག་ཀྱང་མགྱོགས་ཁྱད་རླུང་དང་འདྲའོ། །ཤིང་རྟ་དེ་རེ་རེའི་མདུན་ན་རིན་པོ་ཆེ་སྣ་
D119.052.0004b05.01བདུན་གྱི་རྒྱལ་མཚན་ལྔ་བཅུ་སྙེད་དངར་ཏེ། གསེར་གྱི་དྲ་བས་བླ་རེར་བྲེས་སོ། །རིན་པོ་ཆེའི་ཤིང་རྟ་དེ་རེ་རེའི་སྟེང་སྟེང་ཡང་རིན་པོ་ཆེའི་གདུགས་ལྔ་བཅུ་སྙེད་བྲེས་སོ། ཤིང་རྟ་དེ་རེ་རེ་ལ་ཡང་མེ་ཏོག་གི་ཕྲེང་བ་སྤྱངས་པ་ནི་འདི་ལྟ་སྟེ། མེ་ཏོག་ཨུད་པ་ལ་དང་། མེ་ཏོག་ཀུ་མུ་ད་དང་།
D119.052.0004b06.01མེ་ཏོག་པད་མོ་དང་། པུན་ད་རཱི་ཀ་རྣམས་ཏེ། འདབ་མ་ནི་གསེར། གེ་སར་ནི་རྡོ་རྗེ་ལས་བྱས་ཏེ། མེ་ཏོག་གེ་སར་དེ་དག་གི་ནང་ན་ཡང་བུང་བ་ནག་པོ་ལྡིང་ཞིང་རྩེའོ། །གཞན་ཡང་སྒྲ་སྐད་ཤིན་ཏུ་སྙན་པ་དང་། དེ་མ་ཡིན་པ་མི་རྟག་པ་དང་། སྡུག་བསྔལ་བ་དང་། སྟོང་པ་ཉིད་དང་། བདག་མེད་
D119.052.0004b07.01