完整藏文原文 · 德格版页 当前仅加载第 52 函德格 94b 版页；藏文 NFD、目录标记与异常页序保留在来源切片中，重复版页行以稳定序号区分。
གསུངས་པ་ནི་མ་ཡིན་ནོ། །རིགས་ཀྱི་བུ་ངས་སྔོན་གསུངས་པ་ལྟར་ན་དམ་པའི་ཆོས་རྣམ་པར་འཇིག་ཅིང་ཚུལ་ཁྲིམས་ངན་པ་ཅན་དག་སྤྱོད་པ་ན། ཚུལ་ཁྲིམས་ངན་པ་ཅན་དག་འབྱུང་ཞིང་ཆོས་མ་ཡིན་པ་སྤྱོད་པ་ན། འཕགས་པ་ཐམས་ཅད་མངོན་པར་མི་
D119.052.0094b01.01འབྱུང་བ་ན། བྲན་ཕོ་དང་། བྲན་མོ་དང་། མ་བརྟགས་པའི་དངོས་པོ་དག་འཆང་ཞིང་སྤྱོད་པའི་དུས་ན། སྐྱེས་བུ་རྣམ་པ་བཞི་པོ་ལས་གཅིག་ཙམ་ཞིག་མངོན་པར་འབྱུང་སྟེ། སྐྲ་དང་ཁ་སྤུ་བྲེགས་ནས་རབ་ཏུ་བྱུང་སྟེ། ལམ་ལ་ནན་ཏན་བྱེད་དོ། །དེས་དགེ་སློང་
D119.052.0094b02.01དག་སོ་སོ་ནས་བྲན་ཕོ་དང་། བྲན་མོ་དང་། ལས་བྱེད་པའི་མི་མ་བརྟགས་པའི་དངོས་པོ་འཆང་སྟེ། བརྟགས་སམ་མ་བརྟགས་པ་ཡང་མི་ཤེས། འདུལ་བ་དང་། འདུལ་བ་མ་ཡིན་པ་ཡང་མི་ཤེས་པ་དེ་དག་མཐོང་ནས། སྐྱེས་བུ་དེས་དགེ་སློང་དེ་དག་གདུལ་
D119.052.0094b03.01བའི་ཕྱིར། ཚུལ་ཁྲིམས་འདྲ་བར་བྱེད་ཀྱང་སྤྱོད་པ་མི་འཐུན་ཏེ། བདག་གིས་སྤྱོད་པའི་གནས་དང་། སངས་རྒྱས་ཀྱི་སྤྱོད་ཡུལ་ཡང་ཤིན་ཏུ་རྟོགས་ཤིང་ཤེས་ལ་ཕ་རོལ་པོས་ཕས་ཕམ་པའི་ཉེས་པ་བྱུང་བར་མཐོང་ཡང་ཅང་མི་སྨྲ་སྟེ་མི་གླེང་ངོ་། །དེ་ཅིའི་
D119.052.0094b04.01ཕྱིར་ཞེ་ན། བདག་འཇིག་རྟེན་དུ་བྱུང་བ་ནི་དམ་པའི་ཆོས་སྲུང་ཞིང་རྣམ་པར་གཞག་པའི་ཕྱིར་ཏེ། དེ་བས་ན་ཅང་མི་སྨྲ་སྟེ་མི་གླེང་ངོ་། །རིགས་ཀྱི་བུ་དེ་ལྟར་སྐྱེས་བུ་དེས་ཆོས་བསྲུང་བའི་ཕྱིར་ཉེས་པ་ཡོད་ཀྱང་ཚུལ་ཁྲིམས་ཞིག་པ་ཞེས་མི་བྱའོ། །རིགས་ཀྱི་བུ་དཔེར་
D119.052.0094b05.01ན་རྒྱལ་པོ་ཞིག་ནད་ཀྱིས་བཏབ་སྟེ་ཤི་ལ་རྒྱལ་ཚབ་ནི་ན་གཞོན་ཏེ། སྲིད་ཀྱི་ལས་མི་ནུས་པའི་སྐབས་སུ་རེས་འགའ་ནི་གདོལ་པ་ནོར་རིན་པོ་ཆེ་ཤིན་ཏུ་མང་ཞིང་རབ་ཏུ་ཕྱུག་པོ་ལོངས་སྤྱོད་དང་ལྡན་པ་འཁོར་རབ་ཏུ་མང་བ་ཞིག་མཐུ་བསྙེམས་ཏེ། རྒྱལ་པོའི་སྲིད་ཕྲོགས་ཏེ། རྒྱལ་
D119.052.0094b06.01པོར་ཞུགས་ན་ཡུལ་དེ་ན་གནས་པའི་ཁྱིམ་བདག་དང་། བྲམ་ཟེ་ལ་སོགས་པ་ཕལ་ཆེར་ཡུལ་གཞན་དུ་འབྱེར་ཞིང་འབྲོས་སོ། །ཅི་སྟེ་དེ་ན་གནས་ན་ཡང་རྒྱལ་པོ་ཆེན་པོ་དེ་ལ་ལྟ་ཡང་མི་འདོད་དོ། །གལ་ཏེ་ཁྱིམ་བདག་དང་། ཚོང་དཔོན་དང་། བྲམ་ཟེ་ལ་སོགས་
D119.052.0094b07.01