完整藏文原文 · 德格版页 当前仅加载第 52 函德格 114a 版页；藏文 NFD、目录标记与异常页序保留在来源切片中，重复版页行以稳定序号区分。
པ་བཞི་བསྒོམ་པ་ལ་ནན་ཏན་བྱེད་པ་ཞེས་བྱའོ། །བྱང་ཆུབ་སེམས་དཔའ་འོད་སྲུང་གིས་བཅོམ་ལྡན་འདས་ལ་གསོལ་པ། བདག་ནི་གདོད་འཕགས་པའི་བདེན་པ་བཞི་ཤིན་ཏུ་ནན་ཏན་བྱ་བའི་ཆོས་འཚལ་བར་གྱུར་ཏོ། །བཅོམ་ལྡན་འདས་ཀྱིས་
D119.052.0114a01.01འོད་སྲུང་ལ་བཀའ་སྩལ་པ། རིགས་ཀྱི་བུ་དེ་ལ་ཕྱིན་ཅི་ལོག་བཞི་ཞེས་བྱ་བ་ནི་འདི་ལྟ་སྟེ། སྡུག་བསྔལ་མ་ཡིན་པ་ལ་སྡུག་བསྔལ་དུ་འདུ་ཤེས་བསྐྱེད་པ་ནི་ཕྱིན་ཅི་ལོག་ཅེས་བྱའོ། །སྡུག་བསྔལ་མེད་པ་ནི་དེ་བཞིན་གཤེགས་པ་ཞེས་བྱའོ། །སྡུག་བསྔལ་བར་འདུ་ཤེས་
D119.052.0114a02.01བསྐྱེད་པ་ནི་དེ་བཞིན་གཤེགས་པ་ལ་མི་རྟག་པའམ། འགྱུར་ཞིང་འཕོ་བར་སེམས་པའོ། །གང་དེ་བཞིན་གཤེགས་པ་ལ་མི་རྟག་ཅེས་སྨྲ་བ་ནི་ཁ་ན་མ་ཐོ་བ་ཆེན་པོའི་སྡུག་བསྔལ་ལོ། །གང་འདི་སྐད་དུ་དེ་བཞིན་གཤེགས་པ་ནི་སྡུག་བསྔལ་བའི་སྐུ་བོར་ཏེ། ཤིང་
D119.052.0114a03.01ཟད་མེ་ཤི་བ་བཞིན་དུ་མྱ་ངན་ལས་འདས་སོ་ཞེས་སྨྲ་ན་དེ་ནི་སྡུག་བསྔལ་མེད་པ་ལ་སྡུག་བསྔལ་དུ་འདུ་ཤེས་བསྐྱེད་པ་སྟེ། ཕྱིན་ཅི་ལོག་ཅེས་བྱའོ། །ཅི་སྟེ་ངས་དེ་བཞིན་གཤེགས་པ་རྟག་ཅེས་གསུངས་ན། དེ་ནི་བདག་ཏུ་ལྟ་བ་སྟེ། བདག་ཏུ་ལྟ་ན་ཚད་མེད་པའི་
D119.052.0114a04.01ཁ་ན་མ་ཐོ་བར་འགྱུར་ཏེ། དེ་བས་ན་དེ་བཞིན་གཤེགས་པ་ནི་མི་རྟག་ཅེས་གསུངས་པའི་རིགས་སོ། །གང་དེ་སྐད་དུ་སྨྲ་ན་བདག་ཅེས་བྱ་བ་བདེ་བ་མྱོང་ངོ་། །དེ་བཞིན་གཤེགས་པ་མི་རྟག་ཅེས་སྨྲ་ན་སྡུག་བསྔལ་བའོ། །ཅི་སྟེ་སྡུག་བསྔལ་བ་ཡིན་ན་ཅིའི་ཕྱིར་བདེ་
D119.052.0114a05.01བར་འགྱུར་ཞེ་ན། སྡུག་བསྔལ་ལ་བདེ་བར་འདུ་ཤེས་པས་ཕྱིན་ཅི་ལོག་གོ། །བདེ་བ་ལ་སྡུག་བསྔལ་བར་འདུ་ཤེས་ན་ཡང་ཕྱིན་ཅི་ལོག་གོ། །བདེ་བ་ནི་དེ་བཞིན་གཤེགས་པའོ། །སྡུག་བསྔལ་བ་ནི་དེ་བཞིན་གཤེགས་པ་མི་རྟག་ཅེས་སྨྲ་བའོ། །ཅི་སྟེ་དེ་བཞིན་གཤེགས་
D119.052.0114a06.01པ་མི་རྟག་ཅེས་སྨྲ་ན། དེ་ནི་བདེ་བ་ལ་སྡུག་བསྔལ་དུ་འདུ་ཤེས་པ་ཞེས་བྱའོ། །དེ་བཞིན་གཤེགས་པ་རྟག་ཅེས་བྱ་བ་ནི་བདེ་བའོ། །ཅི་སྟེ་ངས་གསུངས་པ་ལྟར་དེ་བཞིན་གཤེགས་པ་རྟག་པ་ཡིན་ན་ཅིའི་ཕྱིར་མྱ་ངན་ལས་འདའ། གལ་ཏེ་དེ་བཞིན་གཤེགས་པ་
D119.052.0114a07.01