完整藏文原文 · 德格版页 当前仅加载第 52 函德格 108a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་བྱང་ཆུབ་ཏུ་མངོན་པར་སངས་རྒྱས་ནས་སངས་རྒྱས་ཞེས་བྱ་བ་ཐུགས་རྗེ་ཆེན་པོ་དང་ལྡན་པར་གྱུར་ཏོ། །གང་འདི་སྐད་དུ་སྨྲ་བའི་མདོ་སྡེ་དང་འདུལ་བ་ནི་སངས་རྒྱས་ཀྱིས་བསྟན་པ་ཞེས་བྱའོ། །དེ་ལ་གང་བསྟན་པ་འདིའི་རྗེས་སུ་མི་འཇུག་པ་ནི་
D119.052.0108a01.01བདུད་ཀྱི་རིས་སུ་གཏོགས་པ་ཞེས་བྱའོ། །བསྟན་པ་འདིའི་རྗེས་སུ་འཇུག་པ་ནི་བྱང་ཆུབ་སེམས་དཔའ་ཞེས་བྱའོ། །གཞན་ཡང་འདི་སྐད་དུ་ཕས་ཕམ་པ་བཞི་ཡང་མེད་ལ་དགེ་འདུན་གྱི་ལྷག་མ་བཅུ་གསུམ་དང་། མ་ངེས་པའི་ཆོས་གཉིས་དང་། སྤང་བའི་ལྟུང་བ་སུམ་
D119.052.0108a02.01ཅུ་དང་། ལྟུང་བ་དགུ་བཅུ་རྩ་གཅིག་དང་། སོ་སོར་བཤགས་པའི་ཆོས་བཞི་དང་། བསླབ་པ་མང་པོ་དང་། བདུན་ཤིན་ཏུ་ཞི་བར་བྱེད་པ་ལ་སོགས་པ་ཡང་མེད། སྦོམ་པོ་དང་མཚམས་མེད་པ་ལྔ་ལ་སོགས་པ་དང་། ལོག་སྲེད་ཅེས་བྱ་བ་ཐམས་ཅད་མེད་དོ། །
D119.052.0108a03.01གལ་ཏེ་དགེ་སློང་དག་དེ་དག་ལ་སོགས་པ་ཉམས་པས་སེམས་ཅན་དམྱལ་བར་ལྟུང་ན་མུ་སྟེགས་ཅན་ཐམས་ཅད་ལྟ་མཐོ་རིས་ཀྱི་ལྷར་སྐྱེས་མོད། དེ་ཅིའི་ཕྱིར་ཞེ་ན། མུ་སྟེགས་ཅན་ལ་སོགས་པ་ལ་ཚུལ་ཁྲིམས་ཞེས་བྱ་བ་ཉམས་པ་མེད་པའི་ཕྱིར་རོ། །དེ་བས་ན་དེ་བཞིན་
D119.052.0108a04.01གཤེགས་པས་གང་ཟག་དག་གདུལ་བའི་ཕྱིར་ཚུལ་ཁྲིམས་ཞེས་བྱ་བ་གསུངས་སོ། །སངས་རྒྱས་ཀྱིས་གསུངས་པ་ལས་ཀྱང་ངའི་དགེ་སློང་དག་གལ་ཏེ་མི་ཚངས་པར་སྤྱོད་འདོད་ན་ཆོས་གོས་བཞག་སྟེ། ཁྱིམ་པའི་གོས་གྱོན་ལ་མི་ཚངས་པར་སྤྱོད་ཅིག །གཞན་ཡང་
D119.052.0108a05.01འདི་སྙམ་དུ་མི་ཚངས་པར་སྤྱོད་པ་འདི་བདག་ཅག་འབའ་ཞིག་གི་སྐྱོན་མ་ཡིན་ཏེ། དེ་བཞིན་གཤེགས་པ་བཞུགས་པའི་ཚེ་ཡང་དགེ་སློང་དག་མི་ཚངས་པར་སྤྱོད་དེ། རྣམ་པར་གྲོལ་བ་ཡང་ཡོད། ཚེ་འཕོས་ནས་མཐོ་རིས་ཀྱི་ལྷར་སྐྱེ་བ་ཡང་ཡེ་ནས་ཡོད་དེ། བདག་འབའ་
D119.052.0108a06.01ཞིག་གིས་སྤྱོད་པ་མ་ཡིན། ལ་ལ་ཕས་ཕམ་པ་བཞི་ཉམས་པ་དང་། ལ་ལ་ཚུལ་ཁྲིམས་ལྔ་ཉམས་པ་དང་། ལ་ལ་ནི་མ་བརྟགས་པ་སྤྱོད་ལམ་མ་ཡིན་པའི་ལས་ཐམས་ཅད་བྱས་ཀྱང་ཡང་དག་པར་རྣམ་པར་གྲོལ་བ་ཡོད་དེ། དེ་བཞིན་གཤེགས་པས་ཉེས་པ་གཅིག་བྱས་
D119.052.0108a07.01