完整藏文原文 · 德格版页 当前仅加载第 52 函德格 273a 版页；藏文 NFD、目录标记与异常页序保留在来源切片中，重复版页行以稳定序号区分。
མ་མཐོང་མོད་ཀྱི་{བརྫུན་,རྫུན་}མ་ཡིན་ནོ། །དཔེར་ན་མེ་ཏོག་དང་ལོ་མ་མཐོང་ན་རྩྭ་བ་མཐོང་ཞེས་བྱའོ། །རྩྭ་བ་མ་མཐོང་མོད་ཀྱི་དེ་ཡང་{བརྫུན་,རྫུན་}མ་ཡིན་ནོ། །དཔེར་ན་མི་ཞིག་ར་བའི་རྒྱབ་ན་རྭ་མཐོང་ན་བ་ལང་མཐོང་བ་ཞེས་བྱ་སྟེ། བ་ལང་ཉིད་མ་མཐོང་ཡང་{བརྫུན་,རྫུན་}ནི་མ་ཡིན་ནོ། །
D119.052.0273a01.01དཔེར་ན་བུད་མེད་སྦྲུམ་མ་མཐོང་ན་སྐྱེས་པ་དང་ཉལ་བར་མཐོང་ངོ་ཞེས་བྱས་ཀྱང་ཉལ་བ་ཉིད་མ་མཐོང་མོད་ཀྱི་{བརྫུན་,རྫུན་}ནི་མ་ཡིན་ནོ། །དཔེར་ན་སྐྱེད་ཤིང་གི་ལོ་མ་མཐོང་བས་ཆུ་མཐོང་ངོ་ཞེས་བྱས་ཀྱང་ཆུ་ཉིད་མ་མཐོང་མོད་ཀྱི་{བརྫུན་,རྫུན་}ནི་མ་ཡིན་ནོ། །དཔེར་ན་སྤྲིན་མཐོང་བས་ཆར་པ་མཐོང་ངོ་
D119.052.0273a02.01ཞེས་བྱས་ཀྱང་། ཆར་པ་ཉིད་མ་མཐོང་མོད་ཀྱི་{བརྫུན་,རྫུན་}ནི་མ་ཡིན་ནོ། །དཔེར་ན་ལུས་ཀྱི་ལས་དང་ངག་གི་ལས་མཐོང་བས་ཡིད་ཀྱི་ལས་མཐོང་ངོ་ཞེས་བྱས་ཀྱང་། ཡིད་ཀྱི་ལས་ནི་མ་མཐོང་མོད་ཀྱི་{བརྫུན་,རྫུན་}དུ་སྨྲ་བ་ནི་མ་ཡིན་ཏེ། དེ་ནི་མཚན་མས་མཐོང་བ་ཞེས་བྱའོ། །དེ་ལ་ཇི་
D119.052.0273a03.01ལྟར་ན་མངོན་སུམ་དུ་གསལ་བར་མཐོང་ཞེ་ན། དཔེར་ན་མིག་གིས་གཟུགས་མཐོང་བ་ལྟ་བུ་སྟེ། རིགས་ཀྱི་བུ་དཔེར་ན་གང་ཟག་མིག་གི་དབང་པོ་མ་ཉམས་ཤིང་ཡོངས་སུ་དག་པས་ལག་མཐིལ་དུ་ཨ་མྲའི་འབྲས་བུ་གཞག་པ་དང་འདྲ་བར། བྱང་ཆུབ་སེམས་དཔའ་སེམས་དཔའ་
D119.052.0273a04.01ཆེན་པོས་ལམ་དང་བྱང་ཆུབ་དང་མྱ་ངན་ལས་འདས་པ་མངོན་སུམ་དུ་གསལ་བར་མཐོང་བ་ཡང་དེ་དང་འདྲའོ། །དེ་ལྟར་མཐོང་མོད་ཀྱི་ཐོག་མ་ནས་མཐོང་བའི་མཚན་ཉིད་མེད་དོ། །རིགས་ཀྱི་བུ་དེའི་རྒྱུ་དེའི་རྐྱེན་གྱིས་ངས་སྔོན་ཤཱ་རིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་
D119.052.0273a05.01རིའི་བུ་འཇིག་རྟེན་དུ་བཅས་པ་དགེ་སྦྱོང་དང་། བྲམ་ཟེ་དང་། ལྷ་དང་། བདུད་དང་། ཚངས་པ་དང་། མི་ལ་སོགས་པ་ཐམས་ཅད་ཀྱིས་མི་ཤེས་པ་དང་། མི་མཐོང་བ་དང་། མི་རྟོགས་པ་ཐམས་ཅད་དེ་བཞིན་གཤེགས་པས་ཐམས་ཅད་མཁྱེན་ཅིང་གཟིགས་ཏེ་རྟོགས་སོ། །བྱང་
D119.052.0273a06.01ཆུབ་སེམས་དཔའ་རྣམས་ཀྱང་དེ་བཞིན་ནོ། །ཤཱ་རིའི་བུ་འཇིག་རྟེན་དུ་བཅས་པ་རྣམས་ཀྱིས་ཤེས་པ་དང་། མཐོང་བ་དང་། རྟོགས་པ་ནི་ང་དང་བྱང་ཆུབ་སེམས་དཔའ་རྣམས་ཀྱིས་མཁྱེན་ཅིང་གཟིགས་ཏེ་རྟོགས་སོ། །འཇིག་རྟེན་དུ་བཅས་པ་ཐམས་ཅད་ཀྱིས་མི་ཤེས་པ་དང་། མི་
D119.052.0273a07.01