德格《甘珠尔》D6

༄༅༅། །རྒྱ་གར་སྐད་དུ། བི་ན་ཡ་ཀྵུ་དྲ་ཀ་བསྟུ། བོད་སྐད་དུ། འདུལ་བ་ཕྲན་ཚེགས་ཀྱི་གཞི། བམ་པོ་དང་པོ། ཐམས་ཅད་མཁྱེན་པ་ལ་ཕྱག་འཚལ་ལོ། །ཕྲན་

ཚེགས་ཀྱི་གཞིའི་སྡོམ་ནི། སོ་ཕག་ཆན་པ་ཆོས་གོས་དང་། །ཤིང་ཚད་དང་ནི་གནས་བརྟན་ལུས། །རྒྱུས་པ་འགྱོད་པ་དབྱུང་བ་ཉིད། །ཕྲན་ཚེགས་གཞིར་ནི་ཡང་དག་བཤད། །

བསྡུས་པའི་སྡོམ་ནི། སོ་ཕག་སེན་མོ་བཅོས་པ་དང་། །ལྷུང་བཟེད་ཡན་ལག་མེ་ལོང་སྐྱེས། །ལམ་ཕྲན་ཆུ་ཚགས་མོན་སྲན་སྡེའུ། །རྐང་པ་བཀྲུ་དང་གོས་མདུད་དོ། །སྡོམ་ནི།

སོ་ཕག་དང་ནི་ས་དཀར་དང་། །ཉ་ཕྱིས་དྲི་ཡི་ལག་རིས་དང་། །ཀ་བ་དང་ནི་སྐུད་པ་གཉིས། །ལག་རྒྱན་དང་ནི་སོར་གདུབ་རྒྱ། །སངས་རྒྱས་བཅོམ་ལྡན་འདས་ཡངས་པ་ཅན་ན་

སྤྲེའུ་རྫིང་གི་འགྲམ་ཁང་པ་བརྩེགས་པ་ན་བཞུགས་སོ། །དྲུག་སྡེ་རྣམས་སྔ་དྲོ་ཤམ་ཐབས་དང་ཆོས་གོས་བགོས། ལྷུང་བཟེད་ཐོགས་ཏེ་ཡངས་པ་ཅན་དུ་བསོད་སྙོམས་ཀྱི་ཕྱིར་ཞུགས་པ་