完整藏文原文 · 德格版页 当前仅加载第 10 函德格 190a 版页；藏文 NFD、目录标记与异常页序保留在来源切片中，重复版页行以稳定序号区分。
བདེ་བར་བཞུགས་པར་རིག་ནས་རང་གི་ལག་དར་ཏེ་བཟའ་བ་དང་བཅའ་བ་གཙང་ཞིང་བསོད་པས་ཀུན་ཏུ་ཚིམ་པར་བྱེད། ཀུན་ཏུ་སྟོབས་པར་བྱེད་དོ། །རྣམ་གྲངས་དུ་མར་རང་གི་ལག་དར་ཏེ་བཟའ་བ་དང་བཅའ་བ་གཙང་ཞིང་བསོད་པས་ཀུན་ཏུ་ཚིམ་པར་བྱས། ཀུན་ཏུ་
D6.010.0190a01.01བསྟབས་ནས་བཅོམ་ལྡན་འདས་གདུགས་ཚོད་གསོལ་ཏེ་ཕྱག་བཅབས་ལྷུང་བཟེད་གྱུ་བར་རིག་ནས་སྟན་ཆེས་དམའ་བ་ཞིག་བླངས་ཏེ་ཆོས་མཉན་པའི་ཕྱིར་བཅོམ་ལྡན་འདས་ཀྱི་སྤྱན་སྔར་འདུག་གོ། །དེ་ནས་བཅོམ་ལྡན་འདས་ཀྱིས་སྦྱིན་པ་དེ་ལ་རྗེས་སུ་ཡི་རང་བ་འདིས་རྗེས་
D6.010.0190a02.01སུ་ཡི་རང་བ་མཛད་དོ། །མཆོད་སྦྱིན་ནང་ན་སྦྱིན་སྲེག་མཆོག །བསྡེབས་སྦྱར་ནང་ན་སྐྱོང་བྱེད་མཆོག །མི་ཡི་ནང་ན་རྒྱལ་པོ་མཆོག །ཆུ་བོའི་ནང་ན་རྒྱ་མཚོ་མཆོག །སྐར་མའི་ནང་ན་ཟླ་བ་མཆོག །གསལ་བའི་ནང་ན་ཉི་མ་མཆོག །སྟེང་དང་འོག་དང་ཐད་ཀར་ཡང་། །
D6.010.0190a03.01སྐྱེ་བོའི་འགྲོ་བ་ཇི་སྙེད་པ། །ལྷ་དང་བཅས་པའི་འཇིག་རྟེན་ན། །མཆོད་བྱ་དམ་པ་རྫོགས་སངས་རྒྱས། །ཞེས་བྱ་བ་ནས་ཡང་དག་པར་རབ་ཏུ་དགའ་བར་མཛད་ནས་གདན་ལས་བཞེངས་ཏེ་བཞུད་དོ་ཞེས་བྱ་བའི་བར་སྔ་མ་བཞིན་ནོ། །དེས་ཡང་སངས་རྒྱས་ལ་སོགས་པ་
D6.010.0190a04.01དགེ་སློང་གི་དགེ་འདུན་ཁྱིམ་དུ་བཤོས་ལ་སྤྱན་དྲངས་ནས་དེས་རྒན་རིམས་བཞིན་རྡོ་ཕྲུ་སར་པ་བྲིམས་ནས་སྤྱད་སྤྱད་པ་དེ་དག་ཉིད་ཀྱང་བྲིམ་པར་བརྩམས་པ་དང་། དགེ་སློང་རྣམས་འགྱོད་དེ་ལེན་པར་མི་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་པས་ཡོངས་སུ་དག་
D6.010.0190a05.01གོ་ཞེས་བྱས་ནས་བླང་བར་བྱ་སྟེ། འདི་ལ་འགྱོད་པར་མི་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་ཚོན་གྱི་ལས་བྱའོ་ཞེས་བཀའ་སྩལ་པ་དང་། དགེ་སློང་དག་
D6.010.0190a06.01གིས་ཚོན་གཤེར་བར་བསྐོལ་བ་དང་། དེ་ཞོ་ཅན་ཡིན་པའི་ཕྱིར་བཙོས་པ་དང་མི་སྡུག་པར་གྱུར་ཅིང་དེ་དག་ཀྱང་མ་རུང་ནས། བཅོམ་ལྡན་འདས་ཀྱིས་བཀའ་སྩལ་པ། བསྐམས་ནས་བསྐོལ་བར་བྱའོ། །དགེ་སློང་དག་གིས་ཉི་མ་ལ་བསྐམས་ཏེ་ནོན་ཆུང་བར་གྱུར་ནས།
D6.010.0190a07.01