完整藏文原文 · 德格版页 当前仅加载第 10 函德格 135a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་ན་སྐྱེ་བོ་གཞན་གྱིས་ལྟ་སྨོས་ཀྱང་ཅི་དགོས་ཏེ། དེས་འཇིག་རྟེན་ལ་ལུས་དང་། ངག་དང་། ཡིད་ཀྱིས་གང་ཅུང་ཟད་བསྒྲུབས་པ་དེ་ཐམས་ཅད་ཀྱང་འཇིག་རྟེན་ལ་གཟུང་བར་འོས་པ་དང་། མངོན་པར་མི་འགྱུར་རོ། །དགའ་བོ་དེ་ཅིའི་ཕྱིར་ཞེ་ན། འདི་ལྟར་དེ་ནི་སྡིག་པ་མི་དགེ་
D6.010.0135a01.01བའི་ལས་བྱས་པ་དང་བསགས་པའི་ཕྱིར་དེ་ལྟ་བུར་འགྱུར་རོ། །དགའ་བོ་གལ་ཏེ་དེས་སེར་སྣའི་དྲི་མ་སྤངས་ཤིང་གཏོང་བ་དང་ལྡན་པ་དང་། བླ་མ་ལ་གུས་པར་ཉན་པས་ལུས་དང་ངག་དང་ཡིད་ཀྱི་ལས་དགེ་བ་བྱས་ཤིང་བསགས་ལ་དེ་ཡང་གལ་ཏེ་རྣམ་པར་སྨིན་པའི་ཕྱིར་མངོན་དུ་གྱུར་ན་དེ་བརྒྱ་ལ་མི་རྣམས་
D6.010.0135a02.01དང་སྐལ་བ་མཉམ་པ་འདི་ལྟ་བུར་འོང་ན་ཡང་དེ་ཡན་ལག་རིང་ན་མཛེས་པ་གང་དག་ཡིན་པ་དེ་དག་ནི་དེ་ལ་རིང་པོར་འགྱུར་ལ། ཐུང་ན་མཛེས་པ་གང་དག་ཡིན་པ་དེ་དག་ནི་དེ་ལ་ཐུང་ངུར་འགྱུར། ཡན་ལག་སྦོམ་ན་མཛེས་པ་གང་དག་ཡིན་པ་དེ་དག་ནི་དེ་ལ་སྦོམ་པོར་འགྱུར། ཡན་ལག་ཕྲ་ན་མཛེས་པ་གང་
D6.010.0135a03.01དག་ཡིན་པ་དེ་དག་ནི་དེ་ལ་ཕྲ་མོར་འགྱུར། འབྲེལ་ན་མཛེས་པ་གང་དག་ཡིན་པ་དེ་དག་ནི་དེ་ལ་འབྲེལ་བར་འགྱུར། མ་འབྲེལ་ན་མཛེས་པ་གང་ཡིན་པ་དེ་དག་ནི་དེ་ལ་མ་འབྲེལ་བར་འགྱུར། མང་ན་མཛེས་པ་གང་ཡིན་པ་དེ་དག་ནི་དེ་ལ་མང་བར་འགྱུར། མི་མང་ན་མཛེས་པ་གང་ཡིན་པ་དེ་དག་ནི་དེ་ལ་མི་
D6.010.0135a04.01མང་བར་འགྱུར། མཉམ་ན་མཛེས་པ་གང་ཡིན་པ་དེ་དག་ནི་དེ་ལ་མཉམ་པར་འགྱུར། མི་མཉམ་ན་མཛེས་པ་གང་ཡིན་པ་དེ་དག་ནི་དེ་ལ་མི་མཉམ་པར་འགྱུར། ཡངས་ན་མཛེས་པ་གང་ཡིན་པ་དེ་དག་ནི་དེ་ལ་ཡངས་པར་འགྱུར། མི་ཡངས་ན་མཛེས་པ་གང་ཡིན་པ་དེ་དག་ནི་དེ་ལ་མི་ཡངས་པར་འགྱུར།
D6.010.0135a05.01(མཁྲགས་,མཁྲེགས་)ན་མཛེས་པ་གང་ཡིན་པ་དེ་དག་ནི་དེ་ལ་མཁྲེགས་པར་འགྱུར། མ་མཁྲེགས་ན་མཛེས་པ་གང་ཡིན་པ་དེ་དག་ནི་དེ་ལ་མ་མཁྲེགས་པར་འགྱུར། དམའ་ན་མཛེས་པ་གང་ཡིན་པ་དེ་དག་ནི་དེ་ལ་དམའ་བར་འགྱུར། མཐོ་ན་མཛེས་པ་གང་ཡིན་པ་དེ་དག་ནི་དེ་ལ་མཐོ་བར་འགྱུར། གནག་ན་མཛེས་པ་
D6.010.0135a06.01གང་ཡིན་པ་དེ་དག་ནི་དེ་ལ་ནག་པོར་འགྱུར། དཀར་ན་མཛེས་པ་གང་ཡིན་པ་དེ་དག་ནི་དེ་ལ་དཀར་པོར་འགྱུར་རོ། །ཡང་དགའ་བོ་དེས་ཇི་ལྟ་ཇི་ལྟར་དགེ་བའི་ལས་བྱས་ཤིང་བསགས་པ་དེ་ལྟ་དེ་ལྟར་གཟུགས་བཟང་བ་དང་། མཛེས་པ་དང་། བལྟ་ན་སྡུག་པ་དང་། ཁ་དོག་རྒྱས་པ་མཆོག་དང་ལྡན་པར་འགྱུར་ཞིང་
D6.010.0135a07.01