完整藏文原文 · 德格版页 当前仅加载第 10 函德格 43a 版页；藏文 NFD、目录标记与异常页序保留在来源切片中，重复版页行以稳定序号区分。
དེས་ཇི་བདེར་བཞག་པ་དང་། དེ་རྒྱལ་བྱེད་ཀྱི་ཚལ་ལོགས་སུ་སོང་ནས་ཁད་ཀྱིས་ཁད་ཀྱིས་རྒྱལ་བྱེད་ཀྱི་ཚལ་དུ་ཕྱིན་པ་དང་། རྒྱལ་བྱེད་ཀྱི་ཚལ་གྱི་སྒོ་ན་རྣ་བླགས་ཏེ་སྡོད་དོ། །ཚེ་དང་ལྡན་པ་སྙན་པ་བཟང་ལྡན་གྱིས་སྐད་ཀྱི་གཏང་རག་གིས་ཆོས་དག་སྨྲས་པའི་མཇུག་ཏུ། འབྱུང་པོ་
D6.010.0043a01.01གང་དག་འདིར་ནི་ལྷགས་གྱུར་ཏེ། །ས་འམ་འོན་ཏེ་བར་སྣང་གནས་པ་དག །སེམས་ཅན་རྣམས་ལ་རྟག་ཏུ་བྱམས་བྱེད་ཅིང་། །ཉིན་དང་མཚན་དུ་ཆོས་ཀྱང་སྤྱོད་པར་ཤོག །ཅེས་ཡོངས་སུ་བསྔོ་བ་བྱས་པ་དང་། དེ་ནས་གླང་པོ་ཆེའི་གཙོ་བོ་པད་མ་དཀར་པོ་གཅིག་པས་ཚེ་དང་ལྡན་པ་སྙན་པ་
D6.010.0043a02.01བཟང་ལྡན་གྱིས་སྐད་ཀྱི་གཏང་རག་གིས་ཆོས་དག་སྨྲས་པ་མཐའ་ཕྱིན་པར་ཤེས་ནས་ཡིད་དང་མཐུན་པར་གང་དང་གང་དུ་བསྐྱོད་པ་དེ་དང་དེར་སོང་ངོ་། །རྒྱལ་པོས་སྨྲས་པ། དཔལ་འཕེལ་རྒྱུ་གང་གིས་འདིར་གང་དང་གང་དུ་བསྐྱོད་པ་དེ་དང་དེར་འགྲོ། དེས་སྨྲས་པ་ལྷ་མ་འཚལ་ཏེ། འཕགས་
D6.010.0043a03.01པ་ཞིག་གིས་སྐད་ཀྱི་གཏང་རག་གིས་ཆོས་སྨྲས་པའི་སྒྲ་གང་ལགས་པ་དེ་དག་ཐོས་ནས་གླང་པོ་ཆེ་འདི་ཡིད་ཕྲོགས་ཏེ་དབང་མ་མཆིས་པར་གྱུར་ཏོ། །རྒྱལ་པོས་སྨྲས་པ། དཔལ་འཕེལ་གླང་པོ་ཆེ་ཕྱིར་ཟློག་ཤིག་དང་། འཕགས་པ་དེ་བཙལ་ལ་ན་བཟའ་ཞིག་དབུལ་ཞིང་སང་ནང་པར་རི་བྲགས་
D6.010.0043a04.01སུ་འདོང་ངོ་། །ལྷ་དེ་བཞིན་འཚལ་ལོ། །དེ་ཕྱིར་ལོག་སྟེ་ཁྱིམ་དུ་སོང་བ་དང་། བཙུན་མོ་ཕྲེང་ལྡན་མས་དྲིས་པ། ལྷ་ཅིའི་སླད་དུ་སླར་གཤེགས། དེས་ཇི་ལྟར་གྱུར་པ་བརྗོད་ནས་འདི་སྐད་ཅེས་ཀྱང་སྨྲས་སོ། །ཕྲེང་ལྡན་མ་ང་ལ་གོས་བྱིན་ཅིག་དང་སོང་ལ་འཕགས་པ་དེ་ལ་དབུལ་
D6.010.0043a05.01ལོ། །དེས་བསམས་པ། འཕགས་པ་སྙན་པ་བཟང་ལྡན་གྱིས་སྐད་ཀྱི་གཏང་རག་གིས་ཆོས་སྨྲས་པར་གྱུར་པ་ལྟ་ཞིག་ན། དེ་ནི་མདོག་ངན་ཞིང་ལུས་ཆུང་ལ་རྒྱལ་པོ་འདི་ནི་རྒྱ་ཆེན་པོ་ལ་མོས་པ་ཡིན་པས་འདིས་དེ་མཐོང་ན་གལ་ཏེ་མ་དད་པར་འགྱུར་བའི་གནས་ཡོད་པར་འགྱུར་སྲིད་ཀྱིས་ཐབས་ཀྱི་
D6.010.0043a06.01རྣམ་པ་ཞིག་བྱའོ་སྙམ་ནས་སྨྲས་པ། ལྷ་ནི་རི་བྲགས་སུ་གཤེགས་ཤིག །བདག་གིས་ནི་འཕགས་པ་དེ་ལ་ན་བཟའ་དབུལ་ལོ། །དེས་སྨྲས་པ། ཕྲེང་ལྡན་མ་ཁྱོད་ཀྱིས་ཀྱང་གོས་གཞན་ཕུལ་ཅིག །ཅི་གོས་གཉིས་ཀྱིས་ཀོ་ས་ལའི་ཕོ་བྲང་དབུལ་པོར་འགྱུར་རམ་དེ་ཅང་མི་སྨྲ་བར་འདུག་པ་དང་།
D6.010.0043a07.01