完整藏文原文 · 德格版页 当前仅加载第 10 函德格 90a 版页；藏文 NFD、目录标记与异常页序保留在来源切片中，重复版页行以稳定序号区分。
པ་མཽད་གལ་གྱི་བུ་ཆེན་པོས་འདི་སྐད་ཅེས་གསོལ་ཏོ། །བཙུན་པ་བདག་གིས་སྐྱེས་བུ་གཏི་མུག་འཕགས་སྐྱེས་པོ་དཔུང་གི་ཚོགས་ཡན་ལག་བཞི་པ་གླང་པོ་ཆེའི་ཚོགས་དང་། རྟ་པའི་ཚོགས་དང་། ཤིང་རྟའི་ཚོགས་དང་། དཔུང་བུ་ཆུང་གི་ཚོགས་གོ་བསྐོན་ནས་སེར་སྐྱ་ན་གནས་
D6.010.0090a01.01པའི་ཤཱཀྱ་རྣམས་དགུམ་པའི་སླད་དུ་སེར་སྐྱའི་གཞིར་མཆིས་ཞེས་ཐོས་ཏེ། དེའི་སླད་དུ་བདག་དེ་དཔུང་དང་བཞོན་པ་དང་བཅས་ཏེ། འཇིག་རྟེན་གྱི་ཁམས་གཞན་དུ་བསྐུར་བའམ། ཁོར་ཡུག་གི་སླད་རོལ་དུ་འཕང་བའམ། སེར་སྐྱའི་གཞིའི་གྲོང་ཁྱེར་ལྕགས་ཀྱི་ར་བས་བསྐོར་བའམ། ལྕགས་ཀྱི་
D6.010.0090a02.01དྲ་བས་བསྐོར་བར་སྤྲོ་ལགས་སོ། །མཽད་གལ་གྱི་བུ་དེ་དེ་བཞིན་ནོ། །དེ་དེ་བཞིན་ཏེ། ཁྱོད་ཀྱིས་སྔ་མ་བཞིན་དུ་བསྐོར་བ་ཞེས་བྱ་བའི་བར་ནུས་མོད་ཀྱི། འོན་ཀྱང་སེར་སྐྱའི་གཞི་ན་གནས་པའི་ཤཱཀྱ་རྣམས་ཉིད་ཀྱིས་ལས་ཚོགས་རྙེད་པ། རྐྱེན་ཡོངས་སུ་བསྒྱུར་བ། དབའ་རྒལ་བཞིན་ཉེ་བར་གནས་
D6.010.0090a03.01པ། གདོན་མི་ཟ་བར་འབྱུང་བར་འགྱུར་བ་དག་བྱས་ཤིང་བསགས་པ་རྣམས་གཞན་སུ་ཞིག་གིས་མྱོང་བར་འགྱུར་ཏེ། དགེ་སློང་དག་ལས་བྱས་ཤིང་བསགས་པ་རྣམས་ནི་ཕྱིའི་སའི་ཁམས་ལ་རྣམ་པར་སྨིན་པར་མི་འགྱུར། མེའི་ཁམས་ལ་མ་ཡིན། ཆུའི་ཁམས་ལ་མ་ཡིན། རླུང་གི་ཁམས་ལ་མ་ཡིན་
D6.010.0090a04.01གྱི། འོན་ཀྱང་ལས་དགེ་བ་དང་མི་དགེ་བ་བྱས་ཤིང་བསགས་པ་རྣམས་ནི་ཟིན་པའི་ཕུང་པོ་དང་། ཁམས་དང་། སྐྱེ་མཆེད་དག་ཁོ་ན་ལ་རྣམ་པར་སྨིན་པར་འགྱུར་ཏེ། བསྐལ་པ་བརྒྱ་ཕྲག་རྣམས་སུ་ཡང་། །ལས་རྣམས་ཆུད་ཟར་མི་འགྱུར་ཏེ། །ཚོགས་ཤིང་དུས་དང་ལྡན་པ་ན། །ལུས་ཅན་རྣམས་
D6.010.0090a05.01ལ་འབྲས་བུར་སྨིན། །མཽད་གལ་གྱི་བུ་འཇིག་རྟེན་ནི་ལས་བདག་གིར་བྱ་བ། ལས་ཀྱི་སྐྱེ་གནས་པ། ལས་ཀྱི་བགོ་སྐལ་ལ་སྤྱོད་པ། ལས་ལ་རྟོན་པ་ཡིན་པས་གང་གིས་ལས་དགེ་བའམ་སྡིག་པ་བྱས་པ་དེ་ནི་ལས་དེའི་སྐལ་བ་ཅན་དུ་འགྱུར་རོ། །མཽད་གལ་གྱི་བུ་དེ་ལྟ་བས་ན་ལས་ལ་གཞོལ་བར་བྱའོ། །
D6.010.0090a06.01དེ་ནས་ཚེ་དང་ལྡན་པ་མཽད་གལ་གྱི་བུ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་སོང་ངོ་། །སེར་སྐྱའི་གཞི་ན་གནས་པའི་ཤཱཀྱ་རྣམས་ཀྱིས་སྐྱེས་བུ་གཏི་མུག་འཕགས་སྐྱེས་པོ་དཔུང་གི་ཚོགས་ཡན་ལག་བཞི་པ་གླང་པོ་ཆེའི་ཚོགས་དང་། རྟ་པའི་ཚོགས་དང་། ཤིང་རྟའི་ཚོགས་དང་། དཔུང་བུ་
D6.010.0090a07.01