完整藏文原文 · 德格版页 当前仅加载第 10 函德格 303b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་པོས་དེ་ལ་ཟོང་བྱིན་པ་དང་། དེས་རྫས་དག་བསགས་ཏེ་ཚོང་ཟོང་བཀྲམ་པ་དང་། བ་ལང་སྐྱོང་གི་སྒྱུག་མོའི་བྲན་མོ་ཞིག་ཡོད་པ་དེ་ཟོང་ཁྱེར་ནས་སྤོས་ཀྱི་ཕུར་མ་ཉོར་འོངས་སོ། །ས་འཛིན་པས་བུ་མོ་དེ་ལ་བུ་མོ་སྤོས་ཀྱི་ཕུར་མ་འདི་སུ་འིར་བྱ་ཞེས་དྲིས་པ་དང་། དེས་སྨྲས་
D6.010.0303b01.01པ། གཞོན་ནུ་བ་ལང་སྐྱོང་གི་སྒྱུག་མོའིའོ། །དེ་མིང་ཅི་ཞིག །མིང་འདི་ཞེས་བྱའོ། །བུ་མོ་ངའི་མ་དེ་ཡང་མིང་ནི་དེ་སྐད་ཅེས་བྱ་བས་དེ་ནི་ངའི་མ་དང་འདྲའོ་ཞེས་སྨྲས་ནས་དེས་དེ་ལ་སྤོས་ཀྱི་ཕུར་མ་རིན་བསྐྱུངས་ནས་མང་དུ་བྱིན་ནོ། །བ་ལང་སྐྱོང་གི་སྒྱུག་མོས་བུ་མོ་དེ་ལ་དྲིས་
D6.010.0303b02.01པ། བུ་མོ་སྔོན་ཆད་ནི་རིན་འདི་ཙམ་གྱིས་རྫས་ཉུང་ངུ་ཁུགས་ལ། ད་ནི་ཤིན་ཏུ་མང་དུ་ཁུགས་པ་འདི་ལ་རྒྱུ་ཅི་ཡོད། །དེས་ཀྱང་ཇི་ལྟར་གྱུར་པ་ཐམས་ཅད་བརྗོད་དོ། །དེས་སྨྲས་པ། ལེགས་ཏེ། དེ་ནི་ངའི་བུ་དང་འདྲའོ། །དེ་བཞིན་དུ་ལན་གཉིས་ལན་གསུམ་དུ་བྱས་པ་དང་། དེ་དེ་ལ་
D6.010.0303b03.01དགའ་བར་གྱུར་ཏོ། །དུས་གཞན་ཞིག་ན་ས་འཛིན་པས་སྨྲས་པ། བུ་མོ་མ་ལ་འདི་སྐད་དུ་མའི་ཞལ་ལྟར་མཆིའོ་ཞེས་གྱིས་ཤིག །དེས་དེ་ལ་བྱས་པ་དང་། དེས་སྨྲས་པ། ལེགས་ཀྱིས་ཚུར་ཤོག་ཤིག་ཅེས་གྱིས་ཤིག །དེས་དེ་ལ་སྨྲས་པ་དང་། དེས་སྐྱེས་སུ་དྲིའི་རྫས་
D6.010.0303b04.01དག་ཁྱེར་ཏེ་འོངས་ནས་དེས་དེ་ལ་བྲང་སྤྲད་དེ་ངུས་པ་དང་། དེས་སྨྲས་པ། བུ་ཅིའི་ཕྱིར་ངུ་། དེས་སྨྲས་པ། ཡུམ་ཅི་འདྲ་བ་བདག་གི་མའི་དབྱིབས་ཀྱང་དེ་འདྲ་བས་དེའི་སླད་དུ་བདག་མཆི་མ་བྱུང་ངོ་། །དེས་བུ་ང་ཉིད་ཁྱོད་ཀྱི་མ་དེ་ཡིན་ཏེ། ཁྱོད་ངའི་བུ་ཡིན་གྱིས་མ་ངུ་ཤིག་ཅེས་
D6.010.0303b05.01སྨྲས་ནས་དེ་དེ་ལ་ལྷག་པར་དགའ་བར་གྱུར་ཏོ། །ཇི་ཙམ་ཞིག་ན་ཕྱོགས་ཤིག་ཏུ་བ་ལང་སྐྱོང་གི་ཆུང་མ་སོང་བ་ལས་དེས་དེ་བོས་ནས་བུ་མོ་ཚུར་མིང་པོའི་ཞབས་ལ་ཕྱག་གྱིས་ཤིག་ཅེས་བྱས་པ་དང་། དེ་འོངས་སོ། །མ་གཅིག་བུ་མོ་འདིའི་མིང་ཅི་ལགས། བུ་མིང་འདི་ཞེས་བྱའོ། །
D6.010.0303b06.01མ་གཅིག་བདག་གི་མནའ་མ་ཡང་མིང་ཡང་འདི་དང་འདྲ། དབྱིབས་ཀྱང་འདི་དང་འདྲ་བས་འདི་ནི་བདག་གི་མནའ་མ་ལགས་སོ། །དེས་བུ་ལེགས་སོ་ཞེས་སྨྲས་སོ། །གང་གི་ཚེ་དེ་དག་ཕན་ཚུན་གཅུགས་པར་གྱུར་པ་དེའི་ཚེ་དེས་གཡོ་ཐབས་སུ་ན་བ་ལྟར་བཅོས་ནས་
D6.010.0303b07.01