完整藏文原文 · 德格版页 当前仅加载第 10 函德格 190b 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ཀྱིས་བཀའ་སྩལ་པ། ཉི་མ་ལ་བསྐམ་པར་མི་བྱའོ། །དགེ་སློང་དག་གྲིབ་མ་ལ་སྐེམས་ཏེ་རླམས་ཁྱེར་ནས། བཅོམ་ལྡན་འདས་ཀྱིས་བཀའ་སྩལ་པ། གྲིབ་མ་ལ་བསྐམ་པར་མི་བྱའི་འོན་ཀྱང་ཉི་མ་ཕྱེད་ཡོད་པ་ལ་བསྐམ་པར་བྱའོ། །དགེ་སློང་དག་གིས་ཚོན་
D6.010.0190b01.01དང་ཆོས་གོས་དག་གཅིག་ཆར་ཆུར་བཅུག་སྟེ་བཙོས་པ་དང་། དེ་དག་མ་རུང་བར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ཚོན་ལོགས་ཤིག་ཏུ་བསྐོལ་བར་བྱའོ། །དགེ་སློང་དག་ལན་གཅིག་ཁོ་ན་བསྐོལ་ཏེ་འདོར་བར་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། ལན་
D6.010.0190b02.01གསུམ་གྱི་བར་དུ་བསྐོལ་ནས་དོར་བར་བྱའོ། །དགེ་སློང་དག་གིས་ལན་གསུམ་གྱི་བར་དུ་བསྐོལ་ན་གཅིག་ཁོ་ནར་བཞག་པ་དང་། བཅོམ་ལྡན་འདས་ཀྱིས་བཀའ་སྩལ་པ། སྣོད་སོ་སོར་གཞག་པར་བྱའོ། །དགེ་སློང་དག་གིས་དང་པོ་ནི་གང་ཡིན། གཉིས་པ་ནི་གང་ཡིན།
D6.010.0190b03.01གསུམ་པ་ནི་གང་ཡིན་མ་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། འདི་ནི་དང་པོའོ། །འདི་ནི་གཉིས་པའོ། །འདི་ནི་གསུམ་པའོ་ཞེས་ཡི་གེ་བྲི་བར་བྱའོ། །དགེ་སློང་དག་གིས་ཚོན་ཉིད་དུ་ཆོས་གོས་དག་བཅུག་པ་དང་། བཅོམ་ལྡན་འདས་ཀྱིས་བཀའ་སྩལ་
D6.010.0190b04.01པ། ཚོན་ཉིད་དུ་ཆོས་གོས་དག་གཞུག་པར་མི་བྱའི་འོན་ཀྱང་གཞོང་ཁུང་དུ་ཚོན་བླུགས་ལ་བསུག་པར་བྱའོ། །དགེ་སློང་གིས་ཧ་ཅང་གཤེར་བ་ལ་བསུགས་པས་དེ་འཁྲུས་ནས་བཅོམ་ལྡན་འདས་ཀྱིས་བཀའ་སྩལ་པ། ཧ་ཅང་གཤེར་བ་ལ་བསུག་པར་མི་བྱའོ། །དགེ་སློང་དག་
D6.010.0190b05.01གིས་ཧ་ཅང་སྐམ་པ་ལ་བསུགས་པས་ཆོས་གོས་དག་ཁྲ་བོར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། ཧ་ཅང་སྐམ་པོ་ལ་བསུག་པར་མི་བྱའི་འོན་ཀྱང་རན་ཙམ་ལ་བསུག་པར་བྱའོ། །དགེ་སློང་རྣམས་ཆོས་གོས་དག་ས་ལ་སྐེམས་པར་བྱེད་དེ། དེ་དག་རྡུལ་གྱིས་དྲི་
D6.010.0190b06.01མ་ཅན་དུ་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། ས་ལ་བསྐམ་པར་མི་བྱའོ། །དགེ་སློང་དག་གིས་རྩྭ་བཏིང་ནས་བསྐམས་ཏེ་ཚོན་ཕྱོགས་གཅིག་ཏུ་སོང་ནས། བཅོམ་ལྡན་འདས་ཀྱིས་བཀའ་སྩལ་པ། གཟར་ཐག་ལ་བཏགས་ལ་དེར་བསྐམ་པར་བྱའོ། །དགེ་
D6.010.0190b07.01