完整藏文原文 · 德格版页 当前仅加载第 10 函德格 277a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། འོང་བར་བྱེད་དོ། །རྒྱལ་པོས་སྨྲས་པ། འཚོ་བྱེད་དཔྱད་གྱིས་ཤིག །དེས་སྨྲས་པ། ལྷ་རེ་ཞིག་ཁྲུས་མཛོད་ཅིག །དེས་བཀྲུས་ནས། ཡང་སྨྲས་པ། འཚོ་བྱེད་ངས་ཁྲུས་བྱས་ན་ཅི་སྡོད། དེས་སྨྲས་པ། ལྷ་རེ་ཞིག་གདུགས་ཚོད་གསོལ་ཅིག །དེས་ཟན་བཟའ་
D6.010.0277a01.01བར་བརྩམས་པ་དང་། འཚོ་བྱེད་ཀྱིས་སྨྲས་པ། ལྷ་བདག་གིས་ཡུལ་མ་ག་དྷཱའི་སྐྱེམས་ཤིན་ཏུ་བདའ་བ་ཞིག་འཚལ་ཏེ་མཆིས་ཀྱིས། གལ་ཏེ་ལྷ་གསོལ་ན་ཅུང་ཟད་ཅིག་གསོལ་ལོ། །རྒྱལ་པོས་སྨྲས་པ། འཚོ་བྱེད་ལེགས་ཀྱིས་འོ་ན་ཅིག་བལྟའོ། །དེས་སྨན་པའི་ཁྱེའུ་དེ་ལ་དེ་ཙམ་
D6.010.0277a02.01གྱི་ཚོད་ཅིག་བྱིན་ཅིག་པའི་བརྡ་བྱས་པ་དང་། དེས་དེ་ཙམ་གྱི་ཚོད་ཅིག་བྱིན་ནས་རྒྱལ་པོས་འཐུངས་སོ། །འཐུངས་མ་ཐག་ཏུ་གཉིད་ཀྱིས་ལོག་པ་དང་། འཚོ་བྱེད་གླང་པོ་ཆེ་མོ་བཟང་ལྡན་ལ་ཞོན་ཏེ་བྲོས་སོ། །རྒྱལ་པོ་ཡང་ནམ་ཕྱེད་ན་སད་དོ། །ཇི་ཙམ་ན་དེ་ལ་མར་གྱི་སྒྲེགས་པ་བྱུང་བ་དང་།
D6.010.0277a03.01དེས་མི་ཞིག་ལ་བོས་ཏེ་ཀྭའེ་སྐྱེས་བུ་འཚོ་བྱེད་བོས་ཤིག །དེས་ང་ལ་མར་བླུད་ཀྱིས་མགོ་དྲུངས་ནས་བཅད་དེ་ས་ལ་དོར་རོ། །དེས་ཀུན་ཏུ་བཙལ་བར་བརྩམས་ན་མི་སྣང་ནས་དེས་དེ་ལ་སྨྲས་པ། ལྷ་མི་གདའ་སྟེ། དེ་གདོན་མ་འཚལ་བར་བྲོས་སོ། །རྒྱལ་པོ་ཇེ་ཁྲོས་ནས་སྨྲས་པ། ཀྭའེ་སྐྱེས་བུ་
D6.010.0277a04.01འཕར་མ་པ་ཁྭ་བོས་ཤིག་ཅེས་བསྒོ་བ་དང་། དེས་དེ་བོས་སོ། །དེས་ཀྱེ་འཕར་མ་པ་ཁྭ་སོང་ལ་མྱུར་དུ་གླང་པོ་ཆེ་འདམ་བུའི་རི་ལ་ཞོན་ཏེ་འཚོ་བྱེད་སྐེ་ནས་ཐོགས་ལ་ཁྲིད་དེ་ཤོག་ཤིག །དེའི་མགོ་དྲུངས་ནས་བཅད་དོ། །གལ་ཏེ་སྒྱུ་མཁན་དེས་ཁྱོད་ལ་ཅུང་ཟད་ཅིག་བྱིན་ན་ཁྱོད་ཀྱིས་བླང་བར་མི་བྱའོ། །
D6.010.0277a05.01ལྟ་དེ་ལྟར་འཚལ་ལོ་ཞེས་འཕར་མ་ཁྭས་རྒྱལ་པོ་གཏུམ་པོ་རབ་སྣང་གི་ལྟར་མཉན་ནས་མྱུར་བར་གླང་པོ་ཆེ་འདམ་བུའི་རི་ལ་ཞོན་ཏེ་རྗེས་བཞིན་དུ་སོང་ངོ་། །དེས་དེ་སྐྱུ་རུ་རའི་ཚལ་དུ་ཞུགས་པ་མཐོང་ནས་སྨྲས་པ། འཚོ་བྱེད་ལྷ་གསུང་གིས་ཚུར་ཤོག་འདོང་། དེས་སྨྲས་པ། ཀྱེ་ཁྭ་ཅི་{རིངས་,རིང་}ཚུར་རེ་ཞིག་
D6.010.0277a06.01སྐྱུ་རུ་ར་ཟོ་ཤིག །དེས་སྨྲས་པ། ལྷས་ང་ལ་དེ་སྒྱུ་མཁན་ཡིན་པས་ཁྱོད་ཀྱིས་དེ་ལས་ཅུང་ཟད་ཀྱང་མ་ལེན་ཅིག་ཅེས་བསྒོའོ། །འཚོ་བྱེད་ཀྱིས་སྨྲས་པ། ཀྭའེ་ཁྭ་གལ་ཏེ་དེ་ལྟ་ན་ཁྱོད་ཀྱིས་ཕྱེད་ཟོ། །ངས་ཀྱང་ཕྱེད་བཟའོ། །དེས་བསམས་པ། ཕྱེད་བཟའ་སྟེ་ཕྱེད་ལ་སྒྱུ་ཇི་ལྟ་བུ་ཞིག་བྱར་ཡོད་སྙམ་དུ་རིག་
D6.010.0277a07.01