完整藏文原文 · 德格版页 当前仅加载第 10 函德格 56b 版页；藏文 NFD、目录标记与异常页序保留在来源切片中，重复版页行以稳定序号区分。
ཅུང་ཟད་ཡོད་དམ་སྙམ་པ་དང་། ཡོད་པར་མཐོང་ངོ་། །སུ་ལ་རག་ལས་སྙམ་པ་དང་། བདག་ཁོ་ན་ལ་སྟེ། དེས་འདམ་ནས་ཕྱུང་ནས་ལག་པས་ཕྱིས་སོ། །དེ་ནས་བཞིན་{བཟངས་,བཟང་}འདི་ལྟར་འདུ་བྱེད་ཐམས་ཅད་ནི་མི་རྟག་པའོ། །ཆོས་ཐམས་ཅད་ནི་བདག་མེད་པའོ། །མྱ་ངན་ལས་འདས་པ་ནི་ཞི་
D6.010.0056b01.01བའོ་ཞེས་ཆོས་ཚིག་གསུམ་བཤད་དེ་ང་ལ་དད་པར་ཡང་གྱིས་ཤིག་དང་། དེ་ལྟ་ན་བྱོལ་སོང་གི་སྐྱེ་གནས་ལས་འདོད་ཆགས་དང་བྲལ་བར་འགྱུར་རོ་ཞེས་སྨྲས་ནས་སོང་ངོ་། །དེ་ཡང་ཝ་དག་གིས་ཟོས་པ་དང་། དེ་ཝ་དག་གིས་ཟ་བའི་ཚེ་བསམས་པ། གལ་ཏེ་འཕགས་པ་དེ་འདིར་མ་ཕྱིན་ན་བདག་འདི་
D6.010.0056b02.01འདྲ་བའི་གནས་སྐབས་སུ་མི་འགྱུར་རོ་སྙམ་ནས། དེ་ཚེ་དང་ལྡན་པ་ཤཱ་རིའི་བུ་ལ་སེམས་མངོན་པར་དང་བར་བྱས་ནས་དུས་ལས་འདས་ཏེ། མཉན་ཡོད་ན་བྲམ་ཟེ་ལས་དྲུག་ལ་བརྩོན་པའི་རིགས་ཞིག་ཏུ་སྐྱེས་སོ། །ཚེ་དང་ལྡན་པ་ཤཱ་རིའི་བུས་གླང་དེའི་གནས་སྐབས་དེ་ཇི་ལྟ་བུ་ཞིག་ཡིན་བསམས་པ་
D6.010.0056b03.01དང་། ཇི་ཙམ་ན་དུས་ལས་འདས་པར་མཐོང་ངོ་། །ཡང་གར་སྐྱེས་བསམས་པ་དང་། མཉན་ཡོད་ཉིད་དུ་བྲམ་ཟེ་ལས་དྲུག་ལ་བརྩོན་པའི་རིགས་སུ་སྐྱེས་པར་མཐོང་ནས་དེ་ཁྱིམ་དེར་ཡང་དང་ཡང་དུ་སོང་ཞིང་དེས་བྲམ་ཟེ་དེ་ཆུང་མ་དང་བཅས་ཏེ་སྐྱབས་སུ་འགྲོ་བ་དང་། བསླབ་པའི་གཞི་དག་ལ་
D6.010.0056b04.01བཀོད་དོ། །དེ་དུས་གཞན་ཞིག་ན་ཕྱི་བཞིན་འབྲང་བའི་དགེ་ཚུལ་མེད་པར་སོང་བ་དང་། བྲམ་ཟེ་དེས་སྨྲས་པ། འཕགས་པ་ཅི་ཕྱི་བཞིན་འབྲང་བའི་དགེ་ཚུལ་མི་མངའ་འམ། དེས་སྨྲས་པ། བཞིན་{བཟངས་,བཟང་}ཅི་ཁོ་བོའི་ཕྱི་བཞིན་འབྲང་བའི་དགེ་ཚུལ་དག་རྩྭ་ཀུ་ཤ་ལས་བཟུང་བ་འམ། རྩྭ་ཀུ་ཤ་
D6.010.0056b05.01ལ་བཟུང་བས་འབྱུང་ངམ། ཁྱོད་ལྟ་བུ་ལས་རྙེད་པ་གང་ཡིན་པ་དེ་ཁོ་བོའི་ཕྱི་བཞིན་འབྲང་བའི་དགེ་ཚུལ་དུ་འགྱུར་མོད། འཕགས་པ་བདག་གི་མཆིས་འབྲང་འདི་ལ་སེམས་ཅན་ཞུགས་ཏེ་གལ་ཏེ་ཁྱེའུར་བཙས་ན་དེ་ཁྱོད་ཀྱི་ཕྱི་བཞིན་འབྲང་བའི་དགེ་ཚུལ་བགྱིའོ། །བཞིན་{བཟངས་,བཟང་}ནད་མེད་ཅིག་བླངས་སོ་ཞེས་
D6.010.0056b06.01སྨྲས་ནས་སོང་ངོ་། །དེ་ཟླ་བ་བརྒྱད་དམ་དགུ་འདས་ནས་བུ་བ་ལང་གི་ཤ་ཚུགས་ལྟ་བུ་ཞིག་བཙས་པ་དང་། དེའི་ཉེ་དུ་རྣམས་ལྷགས་ཏེ་འདུས་ནས་ཞག་བདུན་གསུམ་ཉི་ཤུ་གཅིག་ཏུ་བཙས་པའི་བཙས་སྟོན་རྒྱ་ཆེར་བྱས་ནས་མིང་འདོགས་པར་བྱེད་དེ། ཁྱེའུའི་མིང་ཅིར་གདགས། ཉེ་དུ་རྣམས་ཀྱིས་
D6.010.0056b07.01