完整藏文原文 · 德格版页 当前仅加载第 10 函德格 276a 版页；藏文 NFD、目录标记与异常页序保留在来源切片中，重复版页行以稳定序号区分。
མི་ཆུང་བར་བདག་གཏང་དུ་གསོལ། དེས་སྨྲས་པ། བུ་གལ་ཏེ་དེ་ལྟ་ན་སོང་ལ་ཇི་ལྟར་ང་དང་། བཙུན་མོའི་འཁོར་དང་། གཞོན་ནུ་དང་། བློན་པོ་དང་། ཕོ་བྲང་འཁོར་གྱི་མི་དང་། ཡུལ་སྣ་ཚོགས་ནས་འོངས་པའི་སྐྱེ་བོའི་ཚོགས་རྣམས་མྱ་ངན་སྐྱེ་བར་མི་འགྱུར་བ་དེ་ལྟར་ཁྱོད་ཀྱིས་
D6.010.0276a01.01བག་ཡོད་པར་གྱིས་ཤིག །དེས་ལྷ་ཅིའི་སླད་དུ་དེ་ལྟར་གྱུར། བདག་གིས་ནད་པའི་སེམས་བསྲུང་རྔོ་ཐོག་གོ་ཞེས་བྱས་པ་དང་རྒྱལ་པོ་ཅང་མི་ཟེར་བར་འདུག་གོ། །འཚོ་བྱེད་ཀྱིས་འཕར་མ་པའི་མི་དེ་ལ་དྲིས་པ། ཀྱེ་སྐྱེས་བུ་རྒྱལ་པོ་དེའི་སྤྱོད་པ་ནི་ཅི་འདྲ་བ་ཞིག་ནད་ནི་ཇི་ལྟ་བུ་ཞིག་གིས་ཐེབས།
D6.010.0276a02.01དེས་ཇི་ལྟར་གྱུར་པ་རྒྱས་པར་བསྙད་དོ། །དེ་ནས་འཚོ་བྱེད་ཀྱིས་ཆང་གི་ཁ་དོག་དང་། ཆང་གི་དྲི་དང་། ཆང་གི་རོ་བྲོ་བའི་མར་སྦྱར་ནས་དགེ་མཚན་དང་། བཀྲ་ཤིས་དང་། བདེ་ལེགས་དག་བྱས་ཏེ་གྲོགས་པོ་དང་། གཉེན་དང་། ཕུ་ནུ་བོ་རྣམས་ལ་སྦྲན་ནས་ཡུལ་འཕགས་རྒྱལ་དུ་སོང་ངོ་། །
D6.010.0276a03.01དེ་མཐར་གྱི་ཡུལ་ཀ་ནྱཱ་ཀུབ་ཛར་ཕྱིན་པ་དང་། དེ་ན་གནས་པའི་སྨན་པའི་ཁྱེའུ་ཞིག་ཡོད་པ་དེས་ཇི་ལྟར་སྨན་པའི་རྒྱལ་པོའི་འཚོ་བྱེད་འོངས་ཏེ་འཕགས་རྒྱལ་དུ་འགྲོ་བ་ཐོས་སོ། །དེས་ཨ་རུ་ར་གཅིག་ཁྱེར་ཏེ་དེའི་དྲུང་དུ་སོང་སྟེ་ཕན་ཚུན་ཡང་དག་པར་དགའ་བ་དག་བྱས་ནས། འཚོ་བྱེད་ཀྱིས་
D6.010.0276a04.01སྨྲས་པ། ཀྱེ་ཆོས་ཀྱི་སྤུན་རྒྱལ་པོ་གཏུམ་པོ་རབ་སྣང་དེ་ནད་ཇི་ལྟ་བུ་ཞིག་གིས་ཐེབས། ཁྱེད་ཅག་གིས་དེའི་དཔྱད་མ་བྱས་སམ། དེས་སྨྲས་པ། རྒྱལ་པོ་དེ་གཉིད་མེད་པའི་ནད་ཀྱིས་ཐེབས་ཏེ། དེ་ལ་མར་ཕན་ན་དེ་མར་ལ་ནི་སྡང་། ཆང་ལ་ནི་དགའ་ཞིང་གཏུམ་སྟེ། གང་ཞིག་དེའི་མདུན་དུ་མར་གྱི་
D6.010.0276a05.01མིང་འབྱིན་པ་དེའི་མགོ་དྲུངས་ནས་བཅད་དེ་ས་ལ་འདོར་བས་དེ་དག་འཇིགས་ནས་འབྲོས་ན་སུ་ཞིག་དེའི་དཔྱད་བྱེད་པར་ནུས། འཚོ་བྱེད་ཀྱིས་སྨྲས་པ། དེའི་ཕྱིར་ངས་ཆང་གི་ཁ་དོག་དང་། ཆང་གི་དྲི་དང་། ཆང་གི་རོ་བྲོ་བའི་མར་བསྐོལ་ཏེ་ཁྱེར་ཏེ་འོངས་ཀྱིས་འདོང་། གང་གི་ཚེ་ངས་ཁྱོད་ལ་བརྡ་བྱས་པ་
D6.010.0276a06.01དེའི་ཚེ་ཁྱོད་ཀྱིས་མར་འདི་ཙམ་གྱི་ཚོད་ཅིག་བྱིན་ཅིག །ང་ནི་དེའི་མདུན་ནས་འགྲོ་ཡིས་ཁྱོད་ཀྱིས་རེ་ཞིག་ཙམ་ཞིག་དེའི་རིམ་གྲོ་གྱིས་ཤིག་དང་། སོས་ནས་ངས་ཁྱོད་ལ་རྔན་པ་རབ་ཏུ་མང་པོ་སྦྱིན་ཞིང་སྦྱིན་དུ་ཡང་གཞུག་གོ། །དེས་སྨྲས་པ། ལེགས་ཀྱིས་བཞུད་དོ་ཞེས་དེ་དེ་དང་ལྷན་ཅིག་དོང་ངོ་། །འཚོ་
D6.010.0276a07.01