完整藏文原文 · 德格版页 当前仅加载第 10 函德格 308b 版页；藏文 NFD、目录标记与异常页序保留在来源切片中，重复版页行以稳定序号区分。
ཞིག་བྱས་ནས་འཁྲུལ་འཁོར་དེར་མི་ལྔ་བརྒྱ་ཡང་བཅུག །གླང་པོ་ཆེའི་ལྕི་བ་དང་ཆུ་ཡང་མང་དུ་བཅུག་སྟེ། དེ་ནས་མི་དེ་རྣམས་ལ་བསྒོ་བ། ཅི་ནས་ཁྱེད་ཅག་གིས་ཇི་ལྟར་ཀཽ་ཤཱམྦཱིའི་ཉེན་འཁོར་མིག་ལམ་དུ་འབབ་པ་དེ་ལྟར་འཁྲུལ་འཁོར་འདི་དྲོངས་ཤིག །ཇི་སྟེ་རྒྱལ་པོ་ཤར་པའི་བུ་དཔུང་གི་ཚོགས་ཡན་ལག་བཞི་པ་དང་བྱུང་
D6.010.0308b01.01ན་ནི་ཁྱེད་ཀྱིས་དེའི་ལག་ཏུ་མ་སྦྱིན་ཅིག །འོན་ཏེ་གཅིག་པུ་འོངས་ན་ནི་ཟུང་ལ་བཟུང་ནས་མྱུར་དུ་འདིར་ཁྲིད་དེ་ཤོག་ཤིག་ཅེས་བྱས་པ་དང་། དེ་དག་གིས་ཇི་ལྟར་འཁྲུལ་འཁོར་དེ་ཀཽ་ཤཱམྦཱིའི་ཉེན་འཁོར་བལྟར་རུང་བ་དེ་ལྟར་ལེགས་པར་དྲངས་ཏེ་འདུག་པ་དང་། ཕྱུགས་རྫི་དང་། བ་ལང་རྫི་དང་། རྩྭ་ཐུན་དང་། ཤིང་
D6.010.0308b02.01ཐུན་དང་། ལམ་གྱིས་འཚོ་བ་དང་། ལམ་གོལ་བས་འཚོ་བའི་མི་རྣམས་ངོ་མཚར་དུ་གྱུར་པའི་མིག་བགྲད་ནས་བསྐོར་ཏེ་བལྟ་བར་བརྩམས་སོ། །དེ་ན་ཁ་ཅིག་ན་རེ་ཤེས་ལྡན་དག་འདི་ནི་གླང་པོ་ཆེའི་གཙོ་བོ་རྒོད་ཡིན་ནོ་ཞེས་ཟེར་རོ། །གཞན་དག་ན་རེ་འདི་གླང་པོ་ཆེ་རྒོད་མ་ཡིན་གྱི་འཕགས་རྒྱལ་གྱི་རྒྱལ་པོ་གཏུམ་
D6.010.0308b03.01པོ་རབ་སྣང་གི་གླང་པོ་ཆེའི་གཙོ་བོ་འདམ་བུའི་རི་ཞེས་བྱ་བ་བྲོས་པ་དེ་འདིར་འོངས་པ་ཡིན་ནོ་ཞེས་ཟེར་རོ། །དེ་ནས་ཁ་ཅིག་གིས་རྒྱལ་པོ་ཤར་པའི་གན་དུ་སོང་ནས་གཅམ་བུ་གསོལ་པ། ལྷ་འཕགས་རྒྱལ་ན་གནས་པའི་རྒྱལ་པོ་གཏུམ་པོ་རབ་སྣང་གི་གླང་པོ་ཆེའི་གཙོ་བོ་འདམ་བུའི་རི་བྲོས་པར་གྱུར་པ་
D6.010.0308b04.01གང་ལགས་པ་དེ་ནི་ལྷའི་བསོད་ནམས་ཀྱི་མཐུས་འདིར་མཆིས་ཏེ་སྲོག་ཆགས་བརྒྱ་སྟོང་དུ་མ་ལྟར་མཆིས་སོ་ཞེས་བྱས་པ་དང་། རྒྱལ་པོ་ཤར་པའི་བུས་ཐོས་ནས་དགའ་བ་དང་། ཡིད་བདེ་བ་སྐྱེས་ཏེ་དགའ་བའི་རྔ་ནི་བརྡུངས། དུང་ཟུང་ཁ་བསྟམས་པ་ནི་བུས་ནས་སྦྱོར་བ་འཆང་ལ་བསྒོ་བ། སོང་
D6.010.0308b05.01ལ་དཔུང་གི་ཚོགས་ཡན་ལག་བཞི་གོ་སྐོན་ལ་གྲོང་ཁྱེར་དུ་ཡང་དྲིལ་སྒྲོགས་ཏེ། འདི་སྐད་དུ་གྲོང་ཁྱེར་ན་གནས་པ་ཐམས་ཅད་དང་། ཡུལ་སྣ་ཚོགས་ནས་འོངས་པའི་སྐྱེ་བོའི་ཚོགས་རྣམས་ལ་རྒྱལ་པོ་གླང་པོ་ཆེའི་གཙོ་བོ་འདམ་བུའི་རི་འཛིན་ཏུ་གཤེགས་ཀྱིས་མཚོན་ཆ་རྣམ་པ་སྣ་ཚོགས་དང་
D6.010.0308b06.01ཞགས་པ་ཐོགས་ཏེ་ཤོག་ཤིག་ཅེས་བསྒོ་ཤིག །སྦྱོར་བ་འཆང་གིས་དཔུང་གི་ཚོགས་ཡན་ལག་བཞི་པ་གོ་བསྐོན་ཏེ། གྲོང་ཁྱེར་དུ་ཡང་དྲིལ་བསྒྲགས་ནས་འདི་སྐད་དུ་ཤེས་ལྡན་གྲོང་ཁྱེར་ན་གནས་པ་རྣམས་དང་། ཕོ་བྲང་འཁོར་ན་གནས་པ་རྣམས་དང་། ཡུལ་སྣ་ཚོགས་ནས་འོངས་པའི་སྐྱེ་བོའི་ཚོགས་
D6.010.0308b07.01