完整藏文原文 · 德格版页 当前仅加载第 10 函德格 47b 版页；藏文 NFD、目录标记与异常页序保留在来源切片中，重复版页行以稳定序号区分。
སློང་རྣམས་ལྷུང་བཟེད་ཀྱི་སྣོད་དུ་བཅུག་སྟེ་ལག་པ་ཉིད་ན་ཁྱེར་ཏེ་འདོང་བ་ན་ཉེས་དམིགས་དེ་ཉིད་དུ་གྱུར་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ལྷུང་བཟེད་ཀྱི་སྣོད་ལག་ན་བཀུར་བར་མི་བྱ་བར་ལུང་ཐག་བཏགས་ཏེ་མཆན་
D6.010.0047b01.01ཁུང་གིས་བཀུར་བར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་རྣམས་དོན་མཐུན་དག་དང་ལྷན་ཅིག་ལྗོངས་རྒྱུ་ཞིང་དོང་ངོ་། །ཇི་ཙམ་ན་བྲམ་ཟེ་ཞིག་ན་ནས་དེ་སྨན་པའི་གན་དུ་སོང་སྟེ་སྨྲས་པ། ཀྱེ་བདག་
D6.010.0047b02.01ཉིད་ཆེན་པོ་ཁོ་བོའི་ནད་ཀྱི་རྣམ་པ་འདི་ལྟ་བུའི་སྨན་སྟོན་ཅིག །དེས་སྨྲས་པ། ཇོ་བོ་ཨ་རུ་ར་གསོལ་དང་སྙུན་གདངས་པར་འགྱུར་རོ། །དེས་སྨྲས་པ། ལམ་ཀ་འདི་ན་ཨ་རུ་ར་ག་ལ་ཡོད། དེས་སྨྲས་པ། བྲམ་ཟེ་ཤཱཀྱའི་སྲས་ཀྱི་དགེ་སྦྱོང་འདི་དག་ནི་མཁས་པ་ལགས་པས་འདི་དག་ལ་ཁྱོད་ཀྱིས་བསླངས་
D6.010.0047b03.01ན་འདི་དག་ལ་མཆིས་པར་འགྱུར་གདའོ། །དེ་དགེ་སློང་རྣམས་ཀྱི་དྲུང་དུ་སོང་སྟེ་དྲིས་པ། འཕགས་པ་དག་ལ་ཨ་རུ་ར་ལྟ་མཆིས་སམ། དེ་དག་གིས་སྨྲས་པ། བྲམ་ཟེ་ཡོད་ན་དེ་ཅིར་དགོས། བདག་ལ་སྨན་པའི་མཆིད་ནས་ཨ་རུ་ར་ཚོལ་ཅིག་ཅེས་མཆི་ན་གལ་ཏེ་མངའ་ན་བདག་ལ་སྩལ་དུ་གསོལ།
D6.010.0047b04.01དགེ་སློང་དེས་དེའི་མདུན་དུ་ལྷུང་བཟེད་ཀྱི་སྣོད་ཕྱེ་བ་དང་། དེ་ཉིད་ན་སྨྱུང་བུ་ཡང་འདུག་ཅིང་། དེ་ཉིད་ན་གྲིའུ་དང་། དེ་ཉིད་ན་འབྲེང་བུ་དང་། དེ་ཉིད་ན་སྨན་དག་འདུག་པ་བྲམ་ཟེས་མཐོང་ནས་སྨྲས་པ། འཕགས་པ་དག་ཁྱེད་ནི་ཀུན་དུ་སྤྱོད་པ་མི་གཙང་བ་ཡིན་ཏེ། འདི་འདྲ་བ་ཟ་བ་བས་ནི་བདག་ཤི་ཡང་ཆེས་
D6.010.0047b05.01བླའི་མི་གཙང་བ་ཟ་བ་ནི་དེ་ལྟ་མ་ཡིན་ནོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། སྣོད་གསུམ་བཅང་བར་བྱ་སྟེ། ལྷུང་བཟེད་ཀྱི་སྣོད་དང་། སྨན་སྣོད་དང་། བར་བུར་སྣོད་རྣམས་སོ། །དགེ་སློང་དག་གིས་དེ་དག་གི་
D6.010.0047b06.01ལུང་ཐག་མཉམ་པར་བཏགས་པས་དེ་དག་གིས་མཆན་ཁུང་རློ་བར་གྱུར་པ་དང་། མ་དད་པ་དག་འཕགས་པ་དག་ཅི་ཁྱེད་རྫ་རྔ་ཐོགས་ཏེ་འགྲོའམ་ཞེས་ཅོ་འདྲི་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། མཉམ་པར་གདགས་
D6.010.0047b07.01