完整藏文原文 · 德格版页 当前仅加载第 10 函德格 55b 版页；藏文 NFD、目录标记与异常页序保留在来源切片中，重复版页行以稳定序号区分。
གསུམ་པ་རྣམས་མི་རུང་ངོ་སྙམ་ནས་མི་འཆང་བ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་རྣམས་ཀྱིས་ཀྱང་བྱིན་གྱིས་བརླབས་ཏེ་བཅང་བར་བྱའོ། །གཞན་དག་ཅིག་གིས་ཁྲུས་རས་མ་རྙེད་པ་དང་། བཅོམ་ལྡན་འདས་ཀྱིས་བཀའ་སྩལ་པ། གང་དག་གིས་ཁྲུས་རས་མ་རྙེད་པས་
D6.010.0055b01.01ལོ་མ་དག་གིས་མདུན་དང་རྒྱབ་ནས་གཡོགས་ཏེ། ཕྱོགས་དབེན་པ་གང་ན་གཞན་དག་གིས་མཐོང་ནས་མ་དད་པར་མི་འགྱུར་བར་ཁྲུས་བྱའོ། །དགེ་སློང་རྣམས་ཁྲུས་རས་གཅུས་ཏེ་དེ་དག་འགྱོད་པར་གྱུར་པ་དང་། བཅོམ་ལྡན་འདས་ཀྱིས་བཀའ་སྩལ་པ། རས་ཆིག་རྐྱང་ལ་ནི་སྲོག་ཆགས་དག་
D6.010.0055b02.01མེད་མོད་ཀྱི་འོན་ཀྱང་རས་བཤལ་ནས་གཅུ་བར་བྱ་སྟེ། འདི་ལ་འགྱོད་པར་མི་བྱའོ།། །།སྡོམ་ནི། མོན་སྲན་གྲེའུ་དང་མི་རུང་བའི། །ས་དང་བསྐྱུགས་ཤིང་ཟ་བ་དང་། །བདམས་ཤིང་ཟས་ནི་ཟ་བ་དང་། །འགྱོད་དང་ཁར་བའི་ལྷུང་བཟེད་དོ། །སངས་རྒྱས་བཅོམ་ལྡན་འདས་མཉན་ཡོད་ན་
D6.010.0055b03.01རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཚེ་དང་ལྡན་པ་ནམ་གྲུ་གང་ཅི་ལ་ཡང་ཁུ་ཕྲིག་ཟ་བ་ཅིག་པས་དེའི་མིང་ནམ་གྲུ་ཁུ་ཕྲིག་ཅན་ནམ་གྲུ་ཁུ་ཕྲིག་ཅན་ཞེས་བྱ་བར་ཆགས་སོ། །དེ་དུས་གཞན་ཞིག་ན་ཆབ་ཁུང་སར་ཞུགས་པ་དང་། དེས་དེ་ན་མོན་སྲན་གྲེའུའི་
D6.010.0055b04.01ཞལ་ལུ་ཞིག་མཐོང་ནས་དེ་ཡང་དག་པ་མ་ཡིན་པའི་རྟོག་པ་སྐྱེས་པ་བདག་གིས་ས་བོན་གྱི་ཆོས་མ་རུང་བར་བྱས་སོ་སྙམ་མོ། །ཅི་ཙམ་དུས་གཞན་ཞིག་ན་དགེ་འདུན་ལ་མོན་སྲན་གྲེའུའི་བཟའ་བ་དག་ཅིག་གྲུབ་པ་དེ་མི་ཟ་བར་ལྷུང་བཟེད་བཀབ་སྟེ་འདུག་པ་དང་། ལྷན་ཅིག་གནས་པ་དང་། ཉེ་གནས་
D6.010.0055b05.01དག་གིས་སྨྲས་པ། མཁན་པོ་དགེ་འདུན་ལ་མོན་སྲན་གྲེའུའི་བཟའ་བ་དག་བྱུང་བ་ཅིའི་སླད་དུ་མི་གསོལ། དེས་སྨྲས་པ། བུ་དག་ཁོ་བོས་ས་བོན་གྱི་ཆོས་མ་རུང་བར་བྱས་སོ། །དེ་དག་གིས་སྨྲས་པ། མཁན་པོ་ཇི་ལྟ་བུ་ཞིག་བགྱིས། དེས་ཇི་ལྟར་གྱུར་པ་བསྙད་པ་དང་། དེ་དག་གིས་ཀྱང་མི་
D6.010.0055b06.01བཟའ་བར་བརྩམས་སོ། །དེ་དག་ལ་འགྲོགས་བཤེས་རྣམས་ཀྱིས་དྲིས་པ། ཅིའི་ཕྱིར་མི་ཟ། དེ་དག་གིས་ཇི་ལྟར་གྱུར་པ་བསྙད་པ་དང་། དེ་འཁོར་མང་པོ་ཅན་ཞིག་པས་དེ་ལ་བརྟེན་ནས་དགེ་འདུན་ཐམས་ཅད་ཀྱིས་མ་ཟོས་སོ། །སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་
D6.010.0055b07.01