完整藏文原文 · 德格版页 当前仅加载第 10 函德格 299a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་པོ་དེའི་ཁྱིམ་དུ་འོངས་སོ། །དེས་ཀྱང་རྒྱལ་པོ་ལ་འོས་པའི་དྲིལ་ཕྱི་དག་གིས་ཕྱིས་ནས་དྲི་སྣ་ཚོགས་ཀྱིས་བསྒོས་པའི་ཆུས་ནི་བཀྲུས། བྱུག་པ་རྣམ་པ་སྣ་ཚོགས་ཀྱིས་ནི་བྱུགས། གོས་རྣམ་པ་སྣ་ཚོགས་ནི་བསྐོན་ཏེ། རྒྱལ་པོ་
D6.010.0299a01.01ལ་འོས་པའི་བཤོས་གསོལ་ནས་གསོས་པ་དང་ལྷན་ཅིག་ཏུ་གཏམ་དག་གླེང་ཞིང་འདུག་པ་ན་དེས་ཀྱང་ཡོལ་བས་བསྐོར་བའི་ནང་ནས་ཕོ་ལོང་འཕངས་ནས་དེས་ཡོལ་བ་བཟློག་སྟེ་ཡབ་གཅིག་ཕོ་ལོང་སླར་སྩོལ་ཅིག་ཅེས་སྨྲས་པ་དང་། དེ་ན་ཚོད་གཞོན་ཞིང་
D6.010.0299a02.01མཛེས་པ་རྒྱལ་པོས་མཐོང་ངོ་། །མཐོང་མ་ཐག་ཏུ་ཆགས་པར་གྱུར་ཏེ་སྨྲས་པ། གསོས་པ་འདི་སུའི་བུ་མོ་ཡིན། ལྷ་བདག་གི་བུ་མོ་ལགས་སོ། །གསོས་པ་ཅི་འགའ་ཞིག་ལ་བྱིན་ནམ། ལྷ་མ་སྩལ་ཏོ། །གསོས་པ་གལ་ཏེ་དེ་ལྟ་ན་ཅིའི་
D6.010.0299a03.01ཕྱིར་ང་ལ་མི་སྦྱིན། ལྷ་འབུལ་བར་འཚལ་ལོ། །དེ་རྒྱལ་པོ་གཏུམ་པོ་རབ་སྣང་གིས་དཔལ་གྱི་འབྱོར་པ་ཆེན་པོས་ཆུང་མར་བླངས་སོ། །སར་པས་རྙིང་པ་ཐམས་ཅད་ཟིལ་གྱིས་གནོན་པ་འདི་ནི་ཆོས་ཉིད་ཡིན་པས། རྒྱལ་པོ་ཡང་དེ་ལ་གཅིག་ཏུ་
D6.010.0299a04.01བལྟ་ཞིང་སེམས་ཆགས་པས་ལས་གཞན་བཏང་སྟེ་དེ་ཁོ་ན་ལྷུར་ལེན་ཅིང་འདུག་གོ། །གསོས་པས་བསམས་པ། སྔོན་དམ་བཅས་པ་བྱ་བའི་དུས་དེ་ནི་འདི་ཡིན་ནོ་སྙམ་ནས་བུ་མོ་ལ་འདི་སྐད་ཅེས་སྨྲས་སོ། །བུ་མོ་ཁྱོད་ཀྱིས་རྒྱལ་པོ་འདིའི་རྒྱབ་ཏུ་ཞོན་ནས་
D6.010.0299a05.01རྟ་སྐད་ཟེར་དུ་གཞུག་པར་ནུས་སམ། དེས་ཅུང་ཟད་ཅིག་བགད་ནས་སྨྲས་པ། ཡབ་གཅིག་རེ་ཞིག་གལ་ཏེ་རྔོ་ཐོག་གམ་མི་ཐོག་བལྟ་བར་བགྱིའོ།། །།འདུལ་བ་ཕྲན་ཚེགས་ཀྱི་གཞི། བམ་པོ་ཉི་ཤུ་བདུན་པ། བུད་མེད་རྣམས་ནི་མ་
D6.010.0299a06.01བསླབས་པར་མཁས་པ་ཡིན་པས་དེ་གོས་དྲི་མ་ཅན་བགོས་ནས་ཁྲིའུ་དྲ་བ་ཅན་གྱི་སྟེང་ན་ཉལ་ཞིང་འདུག་པ་དང་། རྒྱལ་པོས་སྨྲས་པ། ལྷ་མོ་འདི་ཅིའི་ཐ་ཚིག །དེས་སྨྲས་པ། ལྷ་ལྷ་རྣམས་འཁྲུགས་པར་གྱུར་ཏོ། །དེས་སྨྲས་པ། ཁྱོད་ཀྱིས་ལྷ་
D6.010.0299a07.01