完整藏文原文 · 德格版页 当前仅加载第 10 函德格 209b 版页；藏文 NFD、目录标记与异常页序保留在来源切片中，重复版页行以稳定序号区分。
ཕན་ཡོན་འདི་དང་གཞན་དག་ཀྱང་ཡོད་དོ། །དེ་ལྟ་བས་ན་ཇི་ལྟར་ཤཱ་རིའི་བུས་བྱས་པ་ལྟར་དགེ་སློང་དག་གིས་རྣམ་པ་དེས་གཙང་སྦྲ་བྱའོ།། །།སྡོམ་ནི། ཆ་ག་གཟུངས་དང་རྔུལ་གཟན་དང་། །དགེ་སློང་མ་ནི་ཟླ་བ་དང་། །གནས་ནི་བཅའ་བ་དྲུག་ལྡན་དང་། །ཁྲི་ལ་གསུམ་
D6.010.0209b01.01ནི་འདུག་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་དགེ་སློང་དག་གིས་དུས་སུ་བགོས་པའི་ཆོས་གོས་རྣམས་མི་བསྲི་བར་སྤྱད་པས་དེ་དག་གི་མཐའ་མའི་སྐུད་པ་རྣམས་
D6.010.0209b02.01ཟེགས་སོ། །སྐབས་དེ་བཅོམ་ལྡན་འདས་ལ་དགེ་སློང་དག་གིས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཆོས་གོས་ཟེགས་པ་རྣམས་ཀྱི་མཐར་ཆ་ག་གདབ་པར་བྱའོ། །བཅོམ་ལྡན་འདས་ཀྱིས་ཆོས་གོས་ཟེགས་པ་རྣམས་ཀྱི་མཐར་ཆ་ག་གདབ་པར་
D6.010.0209b03.01བྱའོ་ཞེས་གསུངས་པ་དང་། དགེ་སློང་དག་གིས་ཆ་ག་བཏབ་ནས་སྤྱད་པར་བརྩམས་ན། འོན་ཀྱང་སྐུད་པ་རྣམས་ཟེགས་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། བར་བར་དུ་གཟུངས་གདབ་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་
D6.010.0209b04.01བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་སྣམ་སྦྱར་ནི་པགས་པ་དང་འདྲ་བར་བསྲུང་བར་བྱའོ་ཞེས་གསུངས་པ་དང་། དགེ་སློང་གཞན་དག་ཅིག་ལ་གོས་སྤྱད་པར་འོས་པ་གཞན་མེད་ནས་དེ་དག་གིས་རྟག་པར་སྣམ་སྦྱར་བགོས་
D6.010.0209b05.01པས། དེ་སོ་ག་ཚ་བའི་དུས་སུ་མཆན་ཁུང་གི་ཕྱོགས་ཀྱི་རྔུལ་ཟགས་པས་དྲི་མ་ཅན་དུ་གྱུར་ཅིང་དེངས་པ་དང་། དྲི་མི་ཞིམ་པར་གྱུར་ནས། སྐབས་དེ་བཅོམ་ལྡན་འདས་ལ་དགེ་སློང་དག་གིས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། མཆན་ཁུང་གི་ཕྱོགས་སུ་
D6.010.0209b06.01རྔུལ་གཟན་གཞུག་པར་བྱའོ། །བཅོམ་ལྡན་འདས་ཀྱིས་མཆན་ཁུང་གི་ཕྱོགས་སུ་སྣམ་སྦྱར་གྱི་རྔུལ་གཟན་གཞུག་པར་བྱའོ་ཞེས་གསུངས་པ་དང་། དགེ་སློང་དག་གིས་རྔུལ་གཟན་ཇི་ལྟ་བུ་བྱ་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། གོས་ཆུར་ཁྲུ་ཕྱེད་དང་ངོ་། ཞེང་དུ་
D6.010.0209b07.01