完整藏文原文 · 德格版页 当前仅加载第 10 函德格 43b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་པོས་ཆེན་པོ་ལ་འོས་པའི་གོས་ཁྱེར་ནས་རྒྱལ་བྱེད་ཀྱི་ཚལ་དུ་སོང་ངོ་། །དེའི་ཚེ་ན་ཚེ་དང་ལྡན་པ་ཀུན་དགའ་བོ་རྒྱལ་བྱེད་ཀྱི་ཚལ་གྱི་སྒོ་ན་འཆག་ཅིང་འདུག་ནས་རྒྱལ་པོ་གླང་པོ་ཆེ་ལས་བབས་ནས་རྐང་པ་གཉིས་ལ་ཕྱག་འཚལ་ཏེ་སྨྲས་པ། འཕགས་པ་ད་ནང་སྐད་ཀྱི་གཏང་རག་གིས་ཆོས་སྨྲས་པའི་འཕགས་པ་
D6.010.0043b01.01དེ་གང་ལགས། དེས་སྨྲས་པ། རྒྱལ་པོ་ཆེན་པོ་དེ་ཅིར་འཚལ། འཕགས་པ་དེ་ལ་ན་བཟའ་དབུལ་ལོ། །དེས་བསམས་པ། ཚེ་དང་ལྡན་པ་སྙན་པ་བཟང་ལྡན་གྱིས་སྐད་ཀྱི་གཏང་རག་གིས་ཆོས་དག་ནི་སྨྲས་ན་དེ་ནི་མདོག་ངན་ཞིང་ལུས་ཆུང་ལ་རྒྱལ་པོ་འདི་ནི་རྒྱ་ཆེན་པོ་ལ་མོས་པ་ཡིན་པས་འདིས་དེ་
D6.010.0043b02.01མཐོང་ན་གལ་ཏེ་མ་དད་པར་འགྱུར་བའི་གནས་ཡོད་པར་འགྱུར་སྲིད་ཀྱིས་ཐབས་ཀྱི་རྣམ་པ་ཞིག་བྱའོ་སྙམ་ནས་སྨྲས་པ། རྒྱལ་པོ་ཆེན་པོ་བདག་ལ་སྩོལ་ཅིག་དང་། བདག་གིས་དེ་ལ་དབུལ་བར་བགྱིའོ། །རྒྱལ་པོས་སྨྲས་པ། འཕགས་པ་བཅོམ་ལྡན་འདས་ཀྱིས་རང་གི་ལག་ནས་དབུལ་བ་
D6.010.0043b03.01བསྔགས་པས་རང་གི་ལག་ཉིད་ནས་དབུལ་གྱིས་དེ་སྟོན་ཅིག །དེའི་ཚེ་ན་ཚེ་དང་ལྡན་པ་སྙན་པ་བཟང་ལྡན་ཉིན་མོ་སྤྱོད་པའི་ཕྱིར་ཤིང་ལྗོན་པ་ཞིག་གི་དྲུང་ན་ཉེ་བར་རྟེན་ཅིང་འདུག་གོ། །དེ་ནས་ཚེ་དང་ལྡན་པ་ཀུན་དགའ་བོས་སྨྲས་པ། རྒྱལ་པོ་ཆེན་པོ་དེ་ནི་ཤིང་ལྗོན་པ་ཞིག་གི་དྲུང་ན་ཉེ་བར་རྟེན་ཅིང་མཆིས་
D6.010.0043b04.01ཀྱིས་བཞུད་ཅིག །དེ་དེའི་གན་དུ་སོང་སྟེ་བལྟས་པ་དང་། རེ་ཞིག་ན་དེ་ཤིན་ཏུ་མི་སྡུག་པ་མཐོང་བ་དང་། དེ་མ་དད་པ་སྐྱེས་ནས་མི་དགའ་སྟེ་བཞིན་ཕྱིར་ཕྱོགས་ནས་གོས་འཕངས་ཏེ་ཕྱིར་སོང་ངོ་། །ཚེ་དང་ལྡན་པ་སྙན་པ་བཟང་ལྡན་གྱིས་དེའི་ཚེ་ཚིགས་སུ་བཅད་པ་དག་སྨྲས་པ། གང་དག་ང་ཡི་
D6.010.0043b05.01གཟུགས་ལ་རྟོག །སྒྲ་ལའང་རྗེས་སུ་འབྲང་བྱེད་པ། །འདོད་པའི་དབང་དུ་གྱུར་པ་ཡི། །སྐྱེ་བོ་དེ་དག་ང་མི་མཐོང་། །གལ་ཏེ་ནང་ནི་ཤེས་གྱུར་ཅིང་། །ཕྱི་རོལ་དག་ལ་མི་ལྟ་བ། །ནང་གི་འབྲས་བུ་མཐོང་བ་གང་། །དེ་ཉིད་སྒྲ་ཡིས་ཁྲིད་པར་འགྱུར། །གལ་ཏེ་ནང་ནི་མི་ཤེས་ཤིང་། །ཕྱི་རོལ་རྣམ་པར་མཐོང་
D6.010.0043b06.01གྱུར་པ། །ཕྱི་རོལ་འབྲས་བུ་མཐོང་བ་གང་། །དེ་ཡང་སྒྲ་ཡིས་ཁྲིད་པར་འགྱུར། །གལ་ཏེ་ནང་ཡང་མི་ཤེས་ཤིང་། །ཕྱི་རོལ་དག་ཀྱང་མ་མཐོང་བ། །ཀུན་ཏུ་རྨོངས་པའི་བྱིས་པ་དག །དེ་ཡང་སྒྲ་ཡིས་ཁྲིད་པར་འགྱུར། །གལ་ཏེ་ནང་ཡང་རབ་ཤེས་ཤིང་། །ཕྱི་རོལ་དག་ཀྱང་མཐོང་བ་ཡི། །བརྟན་པོ་ཤེས་
D6.010.0043b07.01