完整藏文原文 · 德格版页 当前仅加载第 10 函德格 271b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དག་གིས་སྨྲས་པ། ལྷ་བདག་ཅག་ཀྱང་ཞུགས་ཚེ་བགྱིད་དོ། །དེ་དག་གིས་ཀྱང་མེལ་ཙེ་ཅུང་ཟད་ཅིག་བྱས་ནས་སྨྲས་པ། ལྷ་གལ་ཏེ་བདག་ཅག་གིས་རྟག་ཏུ་ཞུགས་ཚེ་བགྱི་ན། ཆོས་དང་མཐུན་པར་རྒྱལ་སྲིད་བགྱི་བའི་རྔོ་མི་ཐོག་གི་སྟེང་དུ་འདི་ནི་བདག་ཅག་གི་སུག་
D6.010.0271b01.01ལས་མ་ལགས་སོ། །དེས་སྨྲས་པ། གལ་ཏེ་འདི་ཁྱེད་ཀྱི་ལས་མ་ཡིན་ན་འོ་ན་སུའི་ལས་ཡིན། དེ་དག་གིས་སྨྲས་པ། ལྷ་ཁྲོམ་གྱི་རུའི་ལས་སོ། །དེས་དེ་དག་བཏང་ནས་ཁྲོམ་གྱི་རུའི་དྲུང་དུ་སོང་སྟེ་སྨྲས་པ། ཤེས་ལྡན་དག་ང་ཡང་མེལ་ཙེ་བྱེད་ན་ཁྱེད་ཅིའི་ཕྱིར་
D6.010.0271b02.01མེལ་ཙེ་མི་བྱེད། ཁྲོམ་གྱི་རུས་སྨྲས་པ། ལྷ་བདག་ཅག་ཀྱང་ཞུགས་ཚེ་བགྱིད་དོ། །དེ་དག་གིས་ཀྱང་མེལ་ཙེ་ཅུང་ཟད་ཅིག་བྱས་ནས་སྨྲས་པ། ལྷ་བདག་ཅག་གིས་རྟག་ཏུ་ཞུགས་ཚེ་བགྱི་ན། ལྷ་ལ་རྒོལ་བ་དང་། ཕྱིར་རྒོལ་བ་རྣམས་དང་ལྷན་ཅིག་གཡུལ་སྤྲད་པའི་རྔོ་མི་ཐོག་
D6.010.0271b03.01གི་སྟེང་དུ་འདི་ནི་བདག་ཅག་གི་སུག་ལས་མ་ལགས་སོ། །དེས་སྨྲས་པ། འདི་ཁྱེད་ཀྱི་ལས་མ་ཡིན་ན་འོ་ན་སུའི་ལས་ཡིན། དེ་དག་གིས་སྨྲས་པ། ལྷ་གྲོང་མི་དང་། ཡུལ་མི་རྣམས་ཀྱི་ལགས་སོ། །དེས་དེ་དག་བཏང་ནས་གྲོང་མི་དང་། ཡུལ་མི་རྣམས་ཀྱི་དྲུང་དུ་སོང་སྟེ་
D6.010.0271b04.01སྨྲས་པ། ཤེས་ལྡན་དག་ང་ཡང་མེལ་ཙེ་བྱེད་ན་ཁྱེད་ཅིའི་ཕྱིར་མེལ་ཚེ་མི་བྱེད། དེ་དག་གིས་སྨྲས་པ། ལྷ་བདག་ཅག་ཀྱང་ཞུགས་ཚེ་བགྱིད་དོ། །དེས་དེ་དག་རྟག་ཏུ་མེལ་ཙེ་བྱེད་པ་བསྐོས་ནས། དེ་དག་རེས་སུ་བཅད་དེ་མེལ་ཙེ་བྱ་བར་བརྩམས་སོ། །ཇི་ཙམ་ན་སྤོས་འཚོང་
D6.010.0271b05.01གི་ཁྱེའུ་ཞིག་ལ་རེས་བབ་པ་དང་། དེ་རྒྱལ་པོ་དེ་གཏུམ་པས་བསད་དུ་དོགས་ཏེ་ཡིད་མི་དགའ་ཞིང་ལག་པ་འགྲམ་པ་ལ་གཏད་ནས་སེམས་ཁོང་དུ་ཆུད་ཅིང་འདུག་པ་དང་། དེ་སེམས་ཁོང་དུ་ཆུད་པ་གྲོགས་པོ་ཞིག་གིས་མཐོང་ནས་སྨྲས་པ། གྲོགས་པོ་ཅི་སྟེ་ལག་པ་འགྲམ་པ་
D6.010.0271b06.01ལ་གཏད་ནས་སེམས་ཁོང་དུ་ཆུད་ཅིང་འདུག །དེས་ཇི་ལྟར་གྱུར་པ་བསྙད་པ་དང་། དེའི་ཁྱིམ་དྲུང་ནས་འཛིན་པ་ཞིག་ཡོད་དེ། དེས་དེ་ལ་སྨྲས་པ། གྲོགས་པོ་ཁྱོད་ཀྱིས་ཁྱིམ་དྲུང་ནས་འཛིན་པ་ཞིག་ཡོད་ན་ཅིའི་ཕྱིར་དེ་ལ་མི་འཆོལ། དེས་སྨྲས་པ། གྲོགས་པོ་ཇི་ལྟར་
D6.010.0271b07.01