完整藏文原文 · 德格版页 当前仅加载第 10 函德格 67a 版页；藏文 NFD、目录标记与异常页序保留在来源切片中，重复版页行以稳定序号区分。
གྱུར་པས་དེའི་ཕྱིར་དགེ་སློང་གཞན་དང་ལྷན་ཅིག་ཁྲི་གཅིག་ལ་ཉལ་དུ་མི་གཞུག་གོ་སྙམ་དུ་དགོངས་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་ཁྱེད་ཀྱིས་དེང་ཕྱིན་ཅད་དགེ་སློང་གིས་ཁྲི་གཅིག་ལ་ཉལ་བར་མི་བྱའོ། །བྱེད་ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་
D6.010.0067a01.01ཀྱིས་དགེ་སློང་གིས་ཁྲི་གཅིག་ལ་ཉལ་བར་མི་བྱའོ་ཞེས་བཀའ་སྩལ་པ་དང་། ཇི་ཙམ་ན་དགེ་སློང་མང་པོ་རྣམས་ལྗོངས་རྒྱུ་ཞིང་དོང་སྟེ། ལྗོངས་རྒྱུ་བ་ན་རི་བྲགས་ཤིག་ཏུ་ཕྱིན་ནས་དེ་དག་གིས་དེར་ཁྲི་བརྙས་པ་དང་། དེ་དག་གིས་ཁྲི་དག་བྱིན་ནོ། །དེ་རྣམས་ཀྱིས་སྨྲས་པ། འདི་དག་ཉུང་གིས་གཞན་
D6.010.0067a02.01ཡང་སྣོམས་ཏེ་སྤྱོན་ཅིག །དེ་དག་གིས་སྨྲས་པ། འཕགས་པ་དག་བདག་ཅག་ནི་ཁྲི་རེ་རེ་ལ་སྐྱེ་བོ་མང་པོ་དག་ཉལ་བར་བགྱིད་ན། ཁྱེད་གཞན་ཡང་གཡོར་རམ། རེ་རེ་ལ་གཉིས་སམ་གསུམ་གཟིམས་པར་མཛོད་ཅིག །དེ་རྣམས་ཀྱིས་སྨྲས་པ། བཅོམ་ལྡན་འདས་ཀྱིས་ཁྲི་གཅིག་ལ་གཉིས་སམ་
D6.010.0067a03.01གསུམ་ཉལ་དུ་མ་གནང་ན་ཇི་ལྟར་ཉལ་བར་བྱ། དེ་དག་གིས་སྨྲས་པ། འཕགས་པ་དག་ཁྲི་གཞན་ནི་མ་མཆིས་སོ། །དེ་སྐད་སྨྲས་པས་ཅང་མི་སྨྲ་བར་འཁོད་པའི་སྐབས་དེ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གང་དག་
D6.010.0067a04.01ངོ་ཚ་ཤེས་ཤིང་འགྱོད་པ་དང་ལྡན་ལ། བསླབ་པ་འདོད་པ་དེ་དག་གིས་དྲན་པ་ཉེ་བར་བཞག་སྟེ། གདིང་བ་བཏིང་བ་ལ་བར་དུ་ཆོས་གོས་ཀྱི་གཏུར་བུའམ། ལྷུང་བཟེད་ཀྱི་སྣོད་དག་བཅུག་ལ་ཉལ་བར་བྱ་སྟེ། འདི་ལ་འགྱོད་པར་མི་བྱའོ། །ཁྲི་ལ་ཇི་ལྟ་བར་རྩྭ་སྟན་དང་གཞན་དག་ལ་ཡང་དེ་དང་འདྲའོ། །
D6.010.0067a05.01སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་མང་པོ་རྣམས་ལྗོངས་རྒྱུ་ཞིང་དོང་བ་དང་། རི་བྲགས་ཤིག་ཏུ་ཕྱིན་ནས་དེ་རྣམས་ཀྱིས་ཁྱིམ་བདག་ཅིག་ལས་བསྟི་གནས་བརྙས་སོ། །གྲང་བའི་དུས་ལ་བབ་པས་དེ་རྣམས་
D6.010.0067a06.01ཀྱིས་གོས་བརྙས་པ་དག་བྲམ་ཟེ་དང་ཁྱིམ་བདག་རྣམས་ཀྱིས་འདི་དག་ནི་རབ་ཏུ་བྱུང་བ་ཡིན་ནོ་སྙམ་སྟེ། སྙིང་རྗེ་ཉེ་བར་བདག་སྟེ་གོས་དག་བྱིན་པ་དང་། གང་གིས་གང་ཐོབ་པ་དེས་དེ་གྱོན་ཏེ་ཉལ་ནས་དགེ་སློང་གཞན་དག་གྲང་བས་སྦྲེབས་པར་གྱུར་པའི་སྐབས་དེ་དགེ་སློང་དག་གིས་བཅོམ་ལྡན་འདས་ལ་གསོལ་པ་
D6.010.0067a07.01