完整藏文原文 · 德格版页 当前仅加载第 10 函德格 53a 版页；藏文 NFD、目录标记与异常页序保留在来源切片中，重复版页行以稳定序号区分。
བདག་ཅག་འཇིག་རྟེན་འདི་ནས་འཇིག་རྟེན་ཕ་རོལ་དུ་དགེ་བའི་ལམ་རྒྱགས་མ་མཆིས་པར་འཆིའམ་བཞེས་ཤིག །སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་གྱི་ཕྱིར་སྡེར་སྤྱད་དག་
D6.010.0053a01.01བླང་བར་བྱའོ། །བཅོམ་ལྡན་འདས་ཀྱིས་དགེ་འདུན་གྱི་ཕྱིར་སྡེར་སྤྱད་དག་བླང་བར་བྱའོ་ཞེས་བཀའ་སྩལ་པ་དང་། དགེ་སློང་རྣམས་ཀྱིས་དེ་དག་བླངས་ནས་མཛོད་དུ་བཅུག་སྟེ་བཞག་ནས་དེ་བཞིན་དུ་ལྷུང་བཟེད་དག་ཏུ་ཟ་བ་དང་། བྲམ་ཟེ་དང་། ཁྱིམ་བདག་དད་པ་ཅན་རྣམས་ཀྱིས་
D6.010.0053a02.01མཐོང་སྟེ་སྨྲས་པ། འཕགས་པ་དག་བདག་ཅག་གིས་སྡེར་སྤྱད་ཕུལ་བ་དེ་དག་མི་གདའ་ན། དགེ་སློང་རྣམས་ཀྱིས་སྨྲས་པ། བཞིན་{བཟངས་,བཟང་}དག་མཛོད་ན་འདུག་གོ། །དེ་དག་གིས་སྨྲས་པ། འཕགས་པ་དག་ཅི་བདག་ཅག་གི་ཁྱིམ་ན་གནས་མ་མཆིས་ཏེ། བདག་ཅག་གིས་ཁྱེད་ལ་
D6.010.0053a03.01ཕུལ་ལམ། ཡོངས་སུ་ལོངས་སྤྱད་ན་བདག་ཅག་ལ་ཡོངས་སུ་ལོངས་སྤྱད་པའི་རྒྱུ་ལས་བྱུང་བའི་བསོད་ནམས་སུ་འགྱུར་བ་ཞིག་ན་ཁྱེད་ཀྱིས་ཀྱང་མཛོད་དུ་བཅུག་པ་ལྟ། སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། སྦྱིན་
D6.010.0053a04.01བདག་གིས་བྱིན་པའི་སྡེར་སྤྱད་དག་ཡོངས་སུ་ལོངས་སྤྱད་པར་བྱའོ། །བཅོམ་ལྡན་འདས་ཀྱིས་སྦྱིན་བདག་གིས་བྱིན་པའི་སྡེར་སྤྱད་དག་ཡོངས་སུ་ལོངས་སྤྱད་པར་བྱའོ་ཞེས་བཀའ་སྩལ་པ་དང་། དགེ་སློང་རྣམས་ཀྱིས་ཡོངས་སུ་ལོངས་སྤྱད་པར་བརྩམས་སོ། །བྲམ་ཟེ་དང་ཁྱིམ་བདག་གཞན་
D6.010.0053a05.01རྒྱ་ཆེན་པོ་ལ་མོས་པ་དེ་དག་གིས་སྡེར་སྤྱད་ཚད་ཆེན་པོ་དག་ཕུལ་བ་དང་། དགེ་སློང་གནས་བརྟན་གནས་བརྟན་རྣམས་དེ་དག་འཁྲུ་བས་ངལ་བར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། སྡེར་སྤྱད་ཀྱི་ཞལ་ཏ་བ་བསྐོ་བར་བྱའོ། །བཅོམ་ལྡན་འདས་ཀྱིས་སྡེར་སྤྱད་ཀྱི་ཞལ་ཏ་བ་
D6.010.0053a06.01བསྐོ་བར་བྱའོ་ཞེས་བཀའ་སྩལ་པ་དང་། བྱེ་བྲག་མེད་པར་བསྐོས་ནས། བཅོམ་ལྡན་འདས་ཀྱིས་བཀའ་སྩལ་པ། ཆོས་ལྔ་དང་ལྡན་པའི་སྡེར་སྤྱད་ཀྱི་ཞལ་ཏ་བ་མ་བསྐོས་པ་ནི་བསྐོ་བར་མི་བྱ། བསྐོས་པ་ནི་དབྱུང་བར་བྱ་སྟེ་ལྔ་གང་ཞེ་ན་འདུན་པས་འགྲོ་བ་དང་། ཞེ་སྡང་དང་། གཏི་མུག་དང་
D6.010.0053a07.01