完整藏文原文 · 德格版页 当前仅加载第 10 函德格 73b 版页；藏文 NFD、目录标记与异常页序保留在来源切片中，重复版页行以稳定序号区分。
གིས་ལ་བ་བཟློག་སྟེ་བགོ་བར་མི་བྱའོ། །གྱོན་ན་འགལ་ཚབས་ཅན་དུ་འགྱུར་རོ་ཞེས་བཀའ་སྩལ་པ་དང་། དགེ་སློང་བ་ལང་གི་གནས་ན་འཁོད་པ་དེ་དག་གིས་དེར་ལ་བའི་བགོ་བ་དག་རྙེད་པ་དང་། དེ་དག་ལ་ཤིག་ཞུགས་ཏེ། དགེ་སློང་རྣམས་ཤིག་གིས་ཟོས་པས་བདེ་བ་མི་འཐོབ་པའི་སྐབས་དེ་དགེ་
D6.010.0073b01.01སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ལ་བ་བཟློག་སྟེ་གྱོན་པས་འདུག་པར་བྱ། ཉལ་བར་བྱའི་བཅག་པར་ནི་མི་བྱའོ།། །།སྡོམ་ནི། བེའུ་རས་དང་ནི་ལ་བ་དང་། །དེ་བཞིན་ལ་བའི་མཆོག་དང་ནི། །སྒྲོག་མིག་སྒྲོག་རྟེན་མདུད་པ་
D6.010.0073b02.01དང་། །སྐ་རགས་དག་ནི་གསུམ་ཡིན་ནོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་གལ་ཏེ་དགེ་འདུན་ལ་བེའུ་རས་
D6.010.0073b03.01གྲུབ་ན་ཡང་གནང་ལ། གང་ཟག་ལ་ཡང་གནང་ངོ་། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཤིང་སྔ་མ་བཞིན་ཏེ། དགེ་འདུན་ལ་ལ་བ་གྲུབ་ན་ཡང་གནང་ལ། གང་ཟག་ལ་ཡང་གནང་ངོ་། །སངས་རྒྱས་བཅོམ་
D6.010.0073b04.01ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཤིང་སྔ་མ་བཞིན་ཏེ། དགེ་འདུན་ལ་ལ་བ་མཆོག་གྲུབ་ན་ཡང་གནང་ལ། གང་ཟག་ལ་ཡང་གནང་ངོ་། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་
D6.010.0073b05.01གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་དགེ་སློང་བསོད་སྙོམས་པ་ཞིག་འདུག་པ་དེ་སྔ་དྲོ་ཤམ་ཐབས་དང་ཆོས་གོས་བགོས། ལྷུང་བཟེད་ཐོགས་ཏེ་མཉན་ཡོད་དུ་བསོད་སྙོམས་ཀྱི་ཕྱིར་ཞུགས་སོ། །དེ་བསོད་སྙོམས་ཀྱི་ཕྱིར་རྒྱུ་བ་ན་ཆོས་གོས་ནར་ནས། དེས་མྱུར་བ་མྱུར་བར་ལྷུང་བཟེད་
D6.010.0073b06.01ས་ལ་བཞག་ནས། དེ་ཚགས་བྱས་པ་དང་། དེ་བྲམ་ཟེ་དང་ཁྱིམ་བདག་རྣམས་ཀྱིས་མཐོང་ནས་འཕྱ་ཞིང་དགེ་སློང་ཤཱཀྱའི་བུ་རྣམས་ནི་གཙང་སྦྲ་མེད་དེ། ལྷུང་བཟེད་བབ་བབ་ཏུ་འཇོག་གོ་ཞེས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་
D6.010.0073b07.01