完整藏文原文 · 德格版页 当前仅加载第 10 函德格 56a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ས་བོན་གྱི་རིགས་ཚོས་དཀའ་བ་ཞེས་བྱ་བ་ཡོད་དེ། དེ་ཡང་རླངས་པ་བྱུང་ན་ཚོས་སོ་ཞེས་བྱས་ནས་བཟའ་བར་བྱ་སྟེ། འདི་ལ་འགྱོད་པར་མི་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་
D6.010.0056a01.01བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཚེ་དང་ལྡན་པ་ཉེ་བ་འཁོར་གྱིས་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་མི་རུང་བའི་ས་ནས་ཤིང་འཁྲུངས་ལ་རུང་བའི་སར་འབྲས་བུ་ལྷགས་ན་ཡོངས་སུ་ལོངས་སྤྱད་པར་བགྱིའམ། ཡོངས་སུ་ལོངས་སྤྱད་
D6.010.0056a02.01པར་མི་བགྱི། བཅོམ་ལྡན་འདས་ཀྱིས་བཀའ་སྩལ་པ། ཉེ་བ་འཁོར་ཡོངས་སུ་ལོངས་སྤྱད་པར་མི་བྱའོ། །བཙུན་པ་རེ་ཞིག་མི་རུང་བའི་ས་ནས་ཤིང་འཁྲུངས་ལ་མི་རུང་བའི་སར་འབྲས་བུ་དག་ལྷགས་ན་ཡོངས་སུ་ལོངས་སྤྱད་པར་བགྱི་འམ། ཡོངས་སུ་ལོངས་སྤྱད་པར་མི་བགྱི། ཉེ་བ་འཁོར་
D6.010.0056a03.01ཡོངས་སུ་ལོངས་སྤྱད་པར་མི་བྱའོ། །བཙུན་པ་རེ་ཞིག་རུང་བའི་ས་ནས་ཤིང་འཁྲུངས་ལ་མི་རུང་བའི་སར་འབྲས་བུ་དག་ལྷགས་ན་ཡོངས་སུ་ལོངས་སྤྱད་པར་བགྱིའམ། ཡོངས་སུ་ལོངས་སྤྱད་པར་མི་བགྱི། ཉེ་བ་འཁོར་གལ་ཏེ་ཞག་ཏུ་མ་ལོན་ན་ཡོངས་སུ་ལོངས་སྤྱད་པར་བྱའོ། །བཙུན་པ་རེ་ཞིག་
D6.010.0056a04.01རུང་བའི་ས་ནས་ཤིང་འཁྲུངས་ལ་རུང་བའི་སར་འབྲས་བུ་དག་ལྷགས་ན་ཡོངས་སུ་ལོངས་སྤྱད་པར་བགྱི་འམ། ཡོངས་སུ་ལོངས་སྤྱད་པར་མི་བགྱི། ཉེ་བ་འཁོར་ཡོངས་སུ་ལོངས་སྤྱད་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་
D6.010.0056a05.01ཀུན་དགའ་ར་བ་ན་བཞུགས་སོ། །མཉན་ཡོད་ན་བྲམ་ཟེ་ཞིག་གནས་པ་དེས་སློང་མོ་བཏབ་པས་གླང་ཞིག་རྙེད་དོ། །དེའི་འོག་ཏུ་བ་ཞིག་རྙེད་དོ། །དེའི་འོག་ཏུ་ཡང་གླང་ཞིག་རྙེད་དོ། །དེའི་འོག་ཏུ་ཡང་བ་ཞིག་རྙེད་དེ་དེའི་བ་ལང་ཁྱུ་ལོངས་པར་གྱུར་ཏོ། །བྲམ་ཟེ་དེས་ཐོག་མར་རྙེད་པའི་གླང་ལ་བཀྲ་ཤིས་ཀྱི་
D6.010.0056a06.01བློ་བྱུང་ནས། གླང་དེ་ཡན་དུ་བཏང་ངོ་། །དུས་གཞན་ཞིག་ན་དེ་རྒས་འཁོགས་ཉམ་ཆུང་བར་གྱུར་ཏེ། དེ་ཆུ་འདོད་ནས་ཆུ་བོ་དྲེགས་ལྡན་གྱི་འགྲམ་དུ་སོང་བ་ལས་འདམ་དུ་སོང་ངོ་། །ཚེ་དང་ལྡན་པ་ཤཱ་རིའི་བུ་ཡང་ལམ་དེར་སོང་བ་ལས། དེས་དེ་མཐོང་ནས་བསམས་པ། གླང་འདི་ལ་དགེ་བའི་རྩ་བ་ལྟ་
D6.010.0056a07.01