完整藏文原文 · 德格版页 当前仅加载第 10 函德格 133b 版页；藏文 NFD、目录标记与异常页序保留在来源切片中，重复版页行以稳定序号区分。
འཁོར་རམ། ཟླ་བའི་དཀྱིལ་འཁོར་སྤྲིན་ཆེན་པོས་ཁེབས་པར་གྱུར་པ་རླུང་ཆེན་པོས་གཏོར་ན་ཡོངས་སུ་དག་པ་དང་། ཡོངས་སུ་བྱང་བར་འགྱུར་རོ། །དགའ་བོ་དེ་བཞིན་དུ་ཞག་བདུན་པ་{བཅྭ་,བཅོ་}བརྒྱད་པ་ལ་ཡང་མངལ་ན་གནས་པ་དེ་ལ་མའི་ལྟོའི་ནང་དུ་རླུང་དྲི་མ་མེད་པ་ཞེས་བྱ་བ་དག་
D6.010.0133b01.01ལངས་ན་དེ་དག་གིས་དེའི་སྐྱེ་མཆེད་རྣམས་ཡོངས་སུ་དག་པ་དང་། ཡོངས་སུ་བྱང་བར་འགྱུར་རོ། །དགའ་བོ་ཞག་བདུན་པ་བཅུ་དགུ་པ་ལ་ནི་མངལ་ན་གནས་པ་དེས་མའི་ལྟོའི་ནང་དུ་དབང་པོ་བཞི་པོ་མིག་གི་དབང་པོ་དང་། རྣ་བའི་དབང་པོ་དང་། སྣའི་དབང་པོ་དང་། ལྕེའི་དབང་པོ་འཐོབ་
D6.010.0133b02.01པར་འགྱུར་རོ། །དབང་པོ་གསུམ་པོ་ལུས་ཀྱི་དབང་པོ་དང་། ཡིད་ཀྱི་དབང་པོ་དང་། སྲོག་གི་དབང་པོ་དག་ནི་དེས་སྔོན་མའི་མངལ་དུ་ཞུགས་པ་ན་ཐོབ་པར་འགྱུར་རོ། །དགའ་བོ་ཞག་བདུན་པ་ཉི་ཤུ་པ་ལ་ནི་མངལ་ན་གནས་པ་དེ་ལ་རླུང་སྲ་བ་ཞེས་བྱ་བ་དག་ལྡང་སྟེ། དེ་དག་གིས་
D6.010.0133b03.01མངལ་ན་གནས་པ་དེའི་རྐང་པ་གཡོན་པ་ལ་བརྟེན་ནས་རུས་པ་ཉི་ཤུ་སྐྱེད་པར་བྱེད། རྐང་པ་གཡས་པ་ལ་བརྟེན་ནས་རུས་པ་ཉི་ཤུ་སྐྱེད་པར་བྱེད། ལོང་བུའི་རུས་པ་བཞི་དང་། རྗེ་ངར་གྱི་རུས་པ་གཉིས་དང་། པུས་མོའི་རུས་པ་གཉིས་དང་། བརླའི་རུས་པ་གཉིས་དང་། མཇུག་དོའི་རུས་པ་གསུམ་
D6.010.0133b04.01དང་། སྒལ་ཚིགས་ཀྱི་རུས་པ་{བཅྭ་,བཅོ་}བརྒྱད་དང་། རྩིབ་མའི་རུས་པ་ཉི་ཤུ་རྩ་བཞི་དང་། རྐེད་པའི་རུས་པ་གསུམ་སྐྱེད་པར་བྱེད་དོ། །ལག་པ་གཡོན་པ་ལ་བརྟེན་ནས་རུས་པ་ཉི་ཤུ་སྐྱེད་པར་བྱེད། ལག་པ་གཡས་པ་ལ་བརྟེན་ནས་རུས་པ་ཉི་ཤུ་སྐྱེད་པར་བྱེད། དཔུང་པའི་རུས་པ་གཉིས་དང་།
D6.010.0133b05.01ལག་ངར་གྱི་རུས་པ་བཞི་དང་། བྲང་གི་རུས་པ་བདུན་དང་། སོག་ཕྲག་གི་རུས་པ་བདུན་དང་། སྒྲོག་རུས་དང་། འགྲམ་སླང་གི་རུས་པ་གཉིས་དང་། སོ་རྩའི་རུས་པ་སུམ་བཅུ་རྩ་གཉིས་དང་། མགོའི་ཐོད་པའི་རུས་པ་བཞི་སྐྱེད་པར་བྱེད་དོ། །དགའ་བོ་དཔེར་ན་གཟུགས་
D6.010.0133b06.01མཁན་ནམ། གཟུགས་མཁན་གྱི་སློབ་མ་མཁས་པ་དང་པོར་ཤིང་གི་དུམ་བུ་སྲ་བ་དག་སྲད་བུས་བཅིངས་ནས་དེ་དང་དེའི་ཁ་དོག་དང་དབྱིབས་ཀྱི་གཟུགས་མངོན་པར་སྒྲུབ་པར་བྱེད་དོ། །དགའ་བོ་དེ་བཞིན་དུ་ལས་ཀྱི་རྣམ་པར་སྨིན་པ་ལས་སྐྱེས་པའི་རླུང་དེ་དག་ཀྱང་རུས་པའི་ལུས་དེ་ལྟ་བུ་
D6.010.0133b07.01