完整藏文原文 · 德格版页 当前仅加载第 10 函德格 290b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་སྒྲོམ་དེ་ལ་རྒྱ་སྐྱེགས་ལ་རྒྱ་བཏབ་སྟེ་བྲན་མོ་ལ་བྲན་མོ་ཁྱོད་སྒྲོམ་འདི་ཁྱེར་ཏེ་སོང་ལ། རྒྱལ་པོའི་ཁབ་ཀྱི་སྒོར་དཀྱིལ་འཁོར་གྱིས་ལ་མར་མེ་བུས་ཏེ་ཞོག་ཤིག །བཞག་ནས་ནམ་སུས་བླངས་ཀྱི་བར་དུ་ཕྱོགས་གཅིག་ཏུ་འཁོད་ཅིག་ཅེས་བསྒོ་བ་དང་། དེས་དེ་བཞིན་དུ་
D6.010.0290b01.01བྱས་སོ། །ཇི་ཙམ་ཞིག་ན་བ་ལང་ལམ་དེ་ནས་འགྲོ་བ་དག་གིས་སྒྲོམ་དེ་བསྐོར་ཏེ་འཁོད་དོ། །རེ་ཞིག་ཅིག་ན་རྒྱལ་པོ་གཏུམ་པོ་རབ་སྣང་བཙུན་མོ་ཞི་བ་དང་ལྷན་ཅིག་ཁང་{བཟངས་ཀྱི་,བཟང་གི་}སྟེང་དུ་སོང་སྟེ་འདུག་པ་དེས་དེ་བསྐོར་ཏེ་འདུག་པའི་བ་ལང་དེ་དག་མཐོང་སྟེ་དེས་ཞོ་ཤས་འཚོ་བ་
D6.010.0290b02.01རྣམས་ལ་བཀའ་སྩལ་པ། ཤེས་ལྡན་དག་བ་ལང་གིས་བསྐོར་ཅིང་འདུག་པ་དེ་ཅི་ཡིན་ལྟོས་ཤིག །དེ་དག་གིས་མཐོང་ནས་སྨྲས་པ། ལྷ་སྒྲོམ་རྒྱ་སྐྱེགས་ལ་རྒྱ་བཏབ་པ་ཞིག་མཆིས་སོ། །རྒྱལ་པོས་སྨྲས་པ། ཁྱེར་ཏེ་ཤོག་ཤིག །བཙུན་མོ་ཞི་བས་ལྷ་སྒྲོམ་
D6.010.0290b03.01དེའི་ནང་ན་རྫས་ཅི་མཆིས་པ་དེ་བདག་ལ་སྩོལ་ཅིག་ཅེས་གསོལ་པ་དང་། རྒྱལ་པོས་སྨྲས་པ། ལེགས་ཀྱིས་དེ་བཞིན་དུ་བྱའོ། །ཇི་ཙམ་ན་སྒྲོམ་དེ་རྒྱལ་པོའི་ཐད་དུ་བླངས་ནས་རྒྱལ་པོས་ཁ་ཕྱེ་སྟེ་བལྟས་ན་རེ་ཞིག་ན་མུ་ཏིག་གི་སེ་མོ་དོ་དང་བུ་ཞིག་མཐོང་སྟེ། དེས་མུ་ཏིག་གི་སེ་
D6.010.0290b04.01མོ་དོ་ངོ་ཤེས་ནས་དེ་འདི་ནི་བདག་གི་བུ་ཡིན་ནོ་སྙམ་པའི་སེམས་སྐྱེས་ནས། དེས་དེ་ཞི་བ་ལ་འདི་ནི་ཁྱོད་ཀྱི་བུའོ་ཞེས་གཏད་དོ། །དེས་སྨྲས་པ། ལྷ་ཁྱེའུ་འདིའི་མིང་ཇི་སྐད་དུ་གདགས། དེས་སྨྲས་པ། ཁྱེའུ་འདི་བ་ལང་དག་གིས་བསྐྱངས་པས་དེའི་ཕྱིར་འདིའི་མིང་བ་ལང་སྐྱོང་དུ་
D6.010.0290b05.01གདགས་སོ་ཞེས་དེའི་མིང་བ་ལང་སྐྱོང་ཞེས་བྱ་བར་བཏགས་སོ། །དེ་ནས་བཙུན་མོ་ཞི་བས་དེ་བསྐྱེད་པས་ན་དེའི་མིང་ཡང་བ་ལང་སྐྱོང་གི་མ་ཞེས་བྱ་བར་ཆགས་སོ། །དེའི་ཚེ་ཡུལ་རྡོ་འཇོག་ན་རྒྱལ་པོ་པད་མའི་སྙིང་པོ་ཅན་ཞེས་བྱ་བ་རྒྱལ་སྲིད་བྱེད་དུ་འཇུག་སྟེ། འབྱོར་པ་ཞེས་བྱ་བ་
D6.010.0290b06.01ནས་ཆོས་དང་མཐུན་པས་རྒྱལ་སྲིད་བྱེད་དུ་འཇུག་གོ་ཞེས་བྱ་བའི་བར་དུ་སྔ་མ་བཞིན་ནོ། །དེའི་ཡུལ་ན་དུས་བཞིན་དུ་ཆར་བབ་པས་ཤིང་རྣམས་ཀྱི་མེ་ཏོག་དང་། འབྲས་བུ་ཡང་རྟག་ཏུ་ཆགས། ས་ལ་ལོ་ཡང་ལེགས་ཏེ་སློང་མོ་བས་ཀྱང་ཟས་རྙེད་སླའོ། །ཇི་ཙམ་དུ་དུས་
D6.010.0290b07.01