完整藏文原文 · 德格版页 当前仅加载第 10 函德格 166a 版页；藏文 NFD、目录标记与异常页序保留在来源切片中，重复版页行以稳定序号区分。
སྟེ་དྲན་པ་མངོན་དུ་བཞག་ནས་འདུག་གོ། །ཆུ་བོ་སྙན་ལྡན་གྱི་འགྲམ་གྱི་དགེ་སློང་རྣམས་ཀྱང་གཙུག་ལག་ཁང་གི་ཕྱི་རོལ་དུ་རྐང་པ་བཀྲུས་ནས་གཙུག་ལག་ཁང་དུ་དོང་སྟེ་རང་གི་སྟན་བཤམས་པ་ལ་སྐྱིལ་མོ་ཀྲུང་བཅས་ཏེ་ལུས་དྲང་པོར་བསྲང་ནས་
D6.010.0166a01.01དྲན་པ་མངོན་དུ་བཞག་སྟེ་འཁོད་དོ། །ང་བསམ་གཏན་དང་པོ་ལ་སྙོམས་པར་ཞུགས་ན། ཆུ་བོ་སྙན་ལྡན་གྱི་འགྲམ་གྱི་དགེ་སློང་རྣམས་ཀྱང་བསམ་གཏན་དང་པོ་ལ་སྙོམས་པར་ཞུགས་སོ། །ང་བསམ་གཏན་དང་པོ་ལས་ལངས་ཏེ་འདུ་ཤེས་མེད་འདུ་ཤེས་
D6.010.0166a02.01མེད་མིན་སྐྱེ་མཆེད་ཀྱི་བར་ལ་སྙོམས་པར་ཞུགས་ན། ཆུ་བོ་སྙན་ལྡན་གྱི་འགྲམ་གྱི་དགེ་སློང་རྣམས་ཀྱང་བསམ་གཏན་དང་པོ་ལས་ལངས་ནས་འདུ་ཤེས་འདུ་ཤེས་མེད་མིན་སྐྱེ་མཆེད་ཀྱི་བར་ལ་སྙོམས་པར་ཞུགས་སོ། །ང་འདུ་ཤེས་མེད་འདུ་ཤེས་མེད་
D6.010.0166a03.01མིན་སྐྱེ་མཆེད་ལས་ལངས་ནས་ཅི་ཡང་མེད་པའི་སྐྱེ་མཆེད་ལ་སྙོམས་པར་ཞུགས་ན། ཆུ་བོ་སྙན་ལྡན་གྱི་འགྲམ་གྱི་དགེ་སློང་རྣམས་ཀྱང་འདུ་ཤེས་མེད་འདུ་ཤེས་མེད་མིན་སྐྱེ་མཆེད་ལས་ལངས་ནས་ཅི་ཡང་མེད་པའི་སྐྱེ་མཆེད་ལ་སྙོམས་པར་ཞུགས་སོ། །
D6.010.0166a04.01ང་ཅི་ཡང་མེད་པའི་སྐྱེ་མཆེད་ལས་ལངས་ནས་སྔ་མ་བཞིན་དུ་བསམ་གཏན་དང་པོའི་བར་ལ་སྙོམས་པར་ཞུགས་པ་དང་། ཆུ་བོ་སྙན་ལྡན་གྱི་འགྲམ་གྱི་དགེ་སློང་རྣམས་ཀྱང་ཅི་ཡང་མེད་པའི་སྐྱེ་མཆེད་ལས་ལངས་ནས་སྔ་མ་བཞིན་དུ་བསམ་གཏན་དང་པོའི་བར་
D6.010.0166a05.01ལ་སྙོམས་པར་ཞུགས་སོ། །དེ་ལ་ང་འདི་སྙམ་དུ་སེམས་ཏེ། ང་བསམ་གཏན་དང་པོ་ལ་སྙོམས་པར་ཞུགས་ན། ཆུ་བོ་སྙན་ལྡན་གྱི་འགྲམ་གྱི་དགེ་སློང་རྣམས་ཀྱང་བསམ་གཏན་དང་པོ་ལ་སྙོམས་པར་ཞུགས། ང་བསམ་གཏན་དང་པོ་ལས་ལངས་
D6.010.0166a06.01ཏེ་སྔ་མ་བཞིན་དུ་འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་བར་ལ་སྙོམས་པར་ཞུགས་ན། ཆུ་བོ་སྙན་ལྡན་གྱི་འགྲམ་གྱི་དགེ་སློང་རྣམས་ཀྱང་བསམ་གཏན་དང་པོ་ལས་ལངས་ནས་སྔ་མ་བཞིན་དུ་འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་བར་ལ་
D6.010.0166a07.01