完整藏文原文 · 德格版页 当前仅加载第 10 函德格 285a 版页；藏文 NFD、目录标记与异常页序保留在来源切片中，重复版页行以稳定序号区分。
མོའི་འཁོར་དང་། གཞོན་ནུ་དང་། བློན་པོ་དང་། འཕགས་རྒྱལ་ན་གནས་པའི་སྐྱེ་བོའི་ཚོགས་དང་བཅས་པ་ལ་སོམས་ཤིག །བཙུན་པ་དེ་ལྟར་འཚལ་ལོ་ཞེས་ཚེ་དང་ལྡན་པ་ཀ་ཏྱའི་བུ་ཆེན་པོས་བཅོམ་ལྡན་འདས་ཀྱི་ལྟར་མཉན་ཏེ། དེ་ཉིད་ཀྱི་མཚན་མོ་འདས་
D6.010.0285a01.01ནས་སྔ་དྲོ་ཆོས་གོས་དང་ཤམ་ཐབས་བགོས། །ལྷུང་བཟེད་ཐོགས་ཏེ་བཱ་རཱ་ཎ་སཱིར་བསོད་སྙོམས་ལ་ཞུགས་སོ། །བཱ་རཱ་ཎ་སཱིར་བསོད་སྙོམས་སྤྱད་ནས་ཟས་ཀྱི་བྱ་བ་བྱས་ཏེ་ཟས་ཕྱིས་ལེན་པ་སྤངས་ནས། གནས་མལ་ཇི་ལྟར་སྤྱད་པ་ཆམ་དུ་ཕབ་སྟེ། ལྷུང་བཟེད་དང་ཆོས་
D6.010.0285a02.01གོས་ཐོགས་ནས་འཁོར་ལྔ་བརྒྱ་དང་འཕགས་རྒྱལ་གང་ན་བ་དེར་རྒྱུ་ཞིང་སོང་ངོ་། །དེའི་ཚེ་ཡུལ་ཀ་ནྱཱ་ཀུབ་ཛ་ན་ཚེ་དང་ལྡན་པ་ཀ་ཏྱའི་བུ་ཆེན་པོའི་སྔོན་ཁྱིམ་པའི་མཛའ་བོ་བྲམ་ཟེ་ཞིག་གནས་པ་དེའི་བུ་མོ་གཟུགས་ཁྱད་པར་ཅན་དང་ལྡན་པས་ཚེ་རབས་སྔ་མའི་མིང་དང་མཐུན་
D6.010.0285a03.01པར་སྐྲ་ཅན་ཞེས་བཏགས་སོ། །ཇི་ཙམ་ན་ལྷོ་ཕྱོགས་ནས་གར་མཁན་གྱི་སློབ་དཔོན་ཞིག་འོངས་ཏེ་དེས་དེའི་སྐྲ་བཟང་བར་མཐོང་ནས་བྲམ་ཟེའི་དྲུང་དུ་འོངས་ཏེ་དེས་སྨྲས་པ། ཀྱེ་བྲམ་ཟེ་ཆེན་པོ་བུ་མོ་འདིའི་སྐྲ་རྣམས་བདག་ལ་བྱིན་ཅིག་དང་། ཀཱར་ཥཱ་པ་ཎ་སྟོང་སྦྱིན་ནོ་ཞེས་སྨྲས་པ་
D6.010.0285a04.01དང་། དེས་སློབ་དཔོན་བདག་ཅག་ནི་བྲམ་ཟེ་ཡིན་ཏེ། བདག་ཅག་སྐྲ་འཚོང་དུ་མི་རུང་ན་ཇི་ལྟར་སྐྲ་བཙོང་ཞེས་སྨྲས་པ་དང་། གར་མཁན་གྱི་སློབ་དཔོན་དེ་ཅང་མི་ཟེར་བར་སོང་ངོ་། །བྲམ་ཟེ་དེ་ཡང་ཕྱི་དེ་ཉིན་དུས་ལས་འདས་སོ། །དེའི་ཆུང་མས་ཇི་ལྟར་འཕགས་པ་ཀ་ཏྱའི་
D6.010.0285a05.01བུ་ཆེན་པོ་འཁོར་ལྔ་བརྒྱ་དང་དེ་ནས་ཐག་མི་རིང་བ་ཞིག་ན་འདུག་སྟེ། འཕགས་རྒྱལ་དུ་འོང་བར་འདོད་དོ་ཞེས་ཐོས་སོ། །ཁྱོ་དང་བྲལ་བས་སྡུག་བསྔལ་བ་དང་ཡིད་མི་བདེ་བ་སྐྱེས་པ་དེ་ཚེ་དང་ལྡན་པ་ཀ་ཏྱའི་བུ་ཆེན་པོ་འོང་བ་ཐོས་ནས་ལག་པ་འགྲམ་པ་ལ་གཏད་དེ་སེམས་ཁོང་དུ་
D6.010.0285a06.01ཆུད་ཅིང་འདུག་གོ། །བུ་མོ་སྐྲ་ཅན་མས་མ་དེ་ལྟར་འདུག་པ་མཐོང་ངོ་། །མཐོང་ནས་ཀྱང་སྨྲས་པ། མ་ཅིའི་ཕྱིར་ལག་པ་འགྲམ་པ་ལ་གཏད་དེ་སེམས་ཁོང་དུ་ཆུད་ཅིང་འདུག །དེས་སྨྲས་པ། བུ་མོ་འཕགས་པ་ཀ་ཏྱའི་བུ་ཆེན་པོ་ཁྱོད་ཀྱི་ཕའི་ཆུང་པོ་གྲོགས་འདི་ནས་མི་རིང་བ་ཞིག་ན་འདུག་
D6.010.0285a07.01