完整藏文原文 · 德格版页 当前仅加载第 10 函德格 187b 版页；藏文 NFD、目录标记与异常页序保留在来源切片中，重复版页行以稳定序号区分。
རོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་དགེ་སློང་གིས་བཙོ་བླག་མཁན་གྱི་འཁྲུ་སར་སོང་སྟེ། བཙོ་བླག་མཁན་བཞིན་དུ་སྔམ་པ་སུ་སུ་ཞིང་བདག་ཉིད་ཀྱིས་གོས་དག་
D6.010.0187b01.01བཀྲུ་བར་མི་བྱའོ། །ཞེས་བཀའ་སྩལ་པ་དང་། དྲུག་སྡེ་རྣམས་ཤིང་ལེབ་ལ་འཁྲུ་བར་བྱེད་དེ་ཉེས་དམིགས་དེ་ཉིད་དུ་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། ཤིང་ལེབ་ལ་གོས་དག་བཀྲུ་བར་མི་བྱའི་འོན་ཀྱང་གཞོང་ཁུང་དུ་ཆུ་འཇམ་ཙམ་གྱི་ནང་དུ་དལ་བུས་བཟློག་
D6.010.0187b02.01ཅིང་བཟློག་ཅིང་བདག་ཉིད་ཀྱིས་བཀྲུ་བར་བྱའོ། །བཅོམ་ལྡན་འདས་ཀྱིས་གཞོང་ཁུང་དུ་དལ་བུས་བཟློག་ཅིང་བཟློག་ཅིང་བཀྲུ་བར་བྱའོ་ཞེས་བཀའ་སྩལ་པ་དང་། དགེ་སློང་གཞན་དག་ཅིག་གིས་ལག་པ་གཉིས་ཀྱིས་བཀྲུ་བར་མ་ནུས་ནས། བཅོམ་ལྡན་འདས་ཀྱིས་བཀའ་
D6.010.0187b03.01སྩལ་པ། གང་དག་ལག་པ་གཉིས་ཀྱིས་འཁྲུ་བར་མི་ནུས་པ་དེ་དག་གི་རྐང་པ་གཉིས་ཀྱིས་བཀྲུ་བར་བྱའོ། །གཞན་དག་ཅིག་གི་ལག་པ་གཉིས་ཀྱིས་ཀྱང་མ་ནུས་ལ། རྐང་པ་གཉིས་ཀྱིས་ཀྱང་མ་ནུས་ནས། བཅོམ་ལྡན་འདས་ཀྱིས་བཀའ་སྩལ་པ། དེ་དག་གི་ཞལ་
D6.010.0187b04.01ཏ་གྱིས་ལ་གཞན་དག་འཁྲུར་ཆུག་ཤིག། །།སྡོམ་ནི། ཕྱི་བ་དང་ནི་སྦྲུལ་གྱི་རྙི། །རྡོ་ཕྲུ་འགྱོད་པ་ཉིད་དང་ནི། །ཚོན་གྱི་གཞོང་ཁུང་རྩིག་པ་དང་། །ཚོན་རྩི་རྣམ་པ་བཞི་ཡིན་ནོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་
D6.010.0187b05.01མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་རྣམས་ཁྲུས་བྱས་ནས་ལུས་གཤེར་བཞིན་དུ་ཆོས་གོས་དག་གྱོན་པ་དང་། དེ་དག་ཁྲ་བོ་དང་དྲི་མི་ཞིམ་པར་གྱུར་ཏོ། །སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་
D6.010.0187b06.01ཀྱིས་བཀའ་སྩལ་པ། དེ་ལྟ་བས་ན་གནང་གིས་ལུས་ཕྱི་བ་བཅང་བར་བྱའོ། །བཅོམ་ལྡན་འདས་ཀྱིས་ལུས་ཕྱི་བ་བཅང་བར་བྱའོ་ཞེས་བཀའ་སྩལ་པ་དང་། དགེ་སློང་གཞན་དག་ཅིག་ལ་དེ་མི་བདོག་ནས། བཅོམ་ལྡན་འདས་ཀྱིས་བཀའ་སྩལ་པ། གང་དག་ལ་མི་བདོག་
D6.010.0187b07.01