完整藏文原文 · 德格版页 当前仅加载第 10 函德格 73a 版页；藏文 NFD、目录标记与异常页序保留在来源切片中，重复版页行以稳定序号区分。
དེར་ཉེ་བར་འགྲོའོ་སྙམ་དུ་རིག་ནས་བཻ་ཌཱུརྱ་ལས་བྱས་པའི་དྲི་གཙང་ཁང་མངོན་པར་སྤྲུལ་ཏེ། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་འཆག་པ་མཛད་པའི་ཞབས་འབྲིང་ན་འཆག་ཅིང་འདུག་གོ། །དེའི་ཚེ་ཡུལ་མ་ག་དྷཱ་པའི་མི་
D6.010.0073a01.01རྣམས་ཁྱེའུ་དང་བུ་མོ་ངུ་བ་གང་ཡིན་པ་དེ་དག་ལ་དེ་རྣམས་གནོད་སྦྱིན་བ་ཀུ་ལའི་མིང་གིས་སྡིགས་པར་བྱེད་དོ། །དེ་ནས་ཚེ་དང་ལྡན་པ་ཀླུ་སྐྱོང་གིས་འདི་སྙམ་དུ་བསམས་ཏེ། ཀྱེ་མ་བཅོམ་ལྡན་འདས་ཧ་ཅང་ཡུན་རིང་དུ་བླ་གབ་མེད་པའི་འཆག་ས་ན་འཆག་པ་མཛད་པས་མ་ལ་བདག་གིས་དེ་ལ་
D6.010.0073a02.01གནོད་སྦྱིན་བ་ཀུ་ལས་བསྡིགས་སོ་སྙམ་དུ་རིག་ནས་ལ་བ་བཟློག་སྟེ་བགོས་ནས་འཆག་སའི་སླད་དུ་འདུག་སྟེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བ་ཀུ་ལ་བ་ཀུ་ལ་དགེ་སྦྱོང་ང་ནི་གནོད་སྦྱིན་བ་ཀུ་ལ་ཡིན་ནོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀླུ་སྐྱོང་ལ་འདི་སྐད་
D6.010.0073a03.01ཅེས་བཀའ་སྩལ་ཏོ། །མི་བླུན་པོ་ཁྱོད་ཀྱང་དེ་བཞིན་གཤེགས་པ་ལ་གནོད་སྦྱིན་བ་ཀུ་ལས་བསྡིགས་པར་སེམས་སམ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི་བསྙེངས་པ་དང་བག་ཚ་བ་དང་བྲལ་བ་སྟེ། དེ་བཞིན་གཤེགས་པ་ལ་བསྙེངས་
D6.010.0073a04.01པའམ། ཞུམ་པའམ། སྤུ་ཟིང་ཞེས་བྱེད་པ་མི་མངའོ། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་མ་དད་པར་གྱུར་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་ཆོས་འདུལ་བ་འདི་ལ་འདི་འདྲ་བའི་གང་ཟག་ཀྱང་མཆིས་སམ། ཀཽ་ཤི་ཀ་ཁྱོད་སྡོད་ཅིག །གཽ་ཏ་མའི་
D6.010.0073a05.01རིགས་ནི་རྒྱ་ཆེ་བ་ཡིན་པས་འདི་ཡང་ཕྱིས་རྣམ་པར་དག་པའི་ཆོས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི་དགེ་སློང་དག་ལ་བ་བཟློག་སྟེ་གྱོན་པ་ལས་གྱུར་པར་མཁྱེན་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་མི་བླུན་
D6.010.0073a06.01པོ་ཀླུ་སྐྱོང་གིས་ལ་བ་བཟློག་སྟེ་བགོས་ནས་དེ་བཞིན་གཤེགས་པ་ལ་བ་ཀུ་ལ་བ་ཀུ་ལ། དགེ་སྦྱོང་ང་ནི་གནོད་སྦྱིན་བ་ཀུ་ལ་ཡིན་ནོ། །ཞེས་ཟེར་ཏེ། དེ་ལྟ་བས་ན་དགེ་སློང་གིས་ལ་བ་བཟློག་སྟེ་བགོ་བར་མི་བྱའོ། །གྱོན་ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་དག་
D6.010.0073a07.01