完整藏文原文 · 德格版页 当前仅加载第 10 函德格 79a 版页；藏文 NFD、目录标记与异常页序保留在来源切片中，重复版页行以稳定序号区分。
པས་སྨྲས་པ། མིང་པོ་ཅི་བདག་དགོན་པའི་རྩ་བ་དང་། སྡོང་བུ་དང་། ལོ་མ་དང་། མེ་ཏོག་དང་། འབྲས་བུས་འཚོ་བའི་རྔོ་མི་ཐོག་པ་མེད་སྙམ་མམ། བདག་གིས་ནི་ཉོན་མོངས་པ་སྤང་རྔོ་མ་ཐོག་པའི་སླད་དུ་ཁྱོད་ལ་འདི་སྐད་བགྱིས་ཀྱིས། བདག་བྲམ་ཟེ་འདི་ལ་སྩོལ་ཅིག །དེས་
D6.010.0079a01.01སྨྲས་པ། དེ་ནི་ཆོས་དང་འགལ་བས་ངས་ཁྱོད་སྦྱིན་པར་མི་བྱའི་ཁྱོད་ཉིད་ཤེས་པར་ཟད་དོ། །བྲམ་ཟེ་དེས་དེ་དང་དེའི་བསམ་པ་ཤེས་པ་ནས་འབྱོར་པའི་དཔལ་ཆེན་པོས་དེ་བག་མར་བླངས་ཏེ། རང་གི་ཁྱིམ་དུ་བཅུག་གོ། །དེ་ནས་དེའི་མིང་པོ་དེ་ལ་སྨྲས་པ། མིང་པོ་ཚུར་སྤྱོན་ཁྱོད་ཀྱི་ཁབ་
D6.010.0079a02.01དབུབ་པར་མཛོད་ཅིག་དང་ཐབས་ཅིག་ཏུ་བཞུགས་སོ། །དེས་སྨྲས་པ། སྲིང་མོ་ཁོ་བོ་ནི་འདོད་པ་དོན་དུ་མི་གཉེར་ཏེ། ཁྱོད་ཀྱིས་གནང་ན་རབ་ཏུ་འབྱུང་ངོ་། །དེས་སྨྲས་པ། དམ་ཞིག་བཅའ་སྟེ། གལ་ཏེ་ཁྱོད་སྐབས་སྐབས་སུ་བདག་གཟིགས་ཤིང་བྱོན་ན་གནང་བར་བགྱིའོ། །
D6.010.0079a03.01དེས་སྨྲས་པ། ལེགས་ཏེ་དེ་བཞིན་བྱའོ། །དེ་དེས་གནང་ནས་དྲང་སྲོང་རྣམས་ཀྱི་ནང་དུ་རབ་ཏུ་བྱུང་ངོ་། །དེ་དགེ་བའི་རྩ་བ་བསྐྱེད་པ་ཡིན་པས་དེས་སློབ་དཔོན་མེད་པར་བྱང་ཆུབ་ཀྱི་ཕྱོགས་དང་མཐུན་པའི་ཆོས་སུམ་བཅུ་རྩ་བདུན་མངོན་དུ་བྱས་ཏེ་རང་བྱང་ཆུབ་མངོན་སུམ་དུ་བྱས་ནས་དེས་བསམས་པ།
D6.010.0079a04.01བདག་གིས་སྲིང་མོ་དེ་ལ་འོང་ངོ་ཞེས་དམ་བཅས་པས་དེའི་ཕྱིར་དེའི་གན་དུ་འགྲོ་བར་བྱའོ་སྙམ་ནས། དེ་དེའི་གན་དུ་སོང་ངོ་། །སོང་ནས་འབར་བ་དང་། གསལ་བ་དང་། ཆར་འབབ་པ་དང་། གློག་འབྱུང་བའི་ཆོ་འཕྲུལ་དག་བྱ་བར་བརྩམས་པ་དང་། སོ་སོའི་སྐྱེ་བོ་དག་ནི་རྫུ་འཕྲུལ་ལ་མྱུར་དུ་དད་པ་
D6.010.0079a05.01ཡིན་པས་དེ་ཤིང་དྲུངས་ནས་བཅད་པ་བཞིན་དུ་རྐང་པ་ལ་ཕྱག་འཚལ་ཏེ་སྨྲས་པ། མིང་པོ་ཁྱོད་ཀྱིས་ཡོན་ཏན་གྱི་ཁྱད་པར་འདི་ལྟ་བུ་ཐོབ་བམ། ཐོབ་བོ། །གལ་ཏེ་དེ་ལྟ་ན་ཁྱོད་ནི་བསོད་སྙོམས་དོན་དུ་གཉེར་བ་ལགས། བདག་ཀྱང་བསོད་ནམས་དོན་དུ་གཉེར་བ་ལགས་པས་དེའི་སླད་དུ་འདི་
D6.010.0079a06.01ཉིད་དུ་བཞུགས་ཤིག་དང་། ཁྱོད་ལ་བདག་གིས་བསོད་སྙོམས་དབུལ་བར་བགྱིའོ། །དེས་སྨྲས་པ། སྲིང་མོ་ཁྱོད་ནི་གཞན་ལ་རག་ལས་པ་ཡིན་གྱིས། ཁྱིམ་ཐབ་ལ་ཇེ་དྲིས་ཤིག །ལེགས་ཏེ་དེ་བཞིན་བགྱིའོ། །དེས་ཁྱིམ་ཐབ་ལ་སྨྲས་པ། རྗེའི་སྲས་བདག་གི་མིང་པོ་རབ་ཏུ་བྱུང་བ་
D6.010.0079a07.01