完整藏文原文 · 德格版页 当前仅加载第 10 函德格 216a 版页；藏文 NFD、目录标记与异常页序保留在来源切片中，重复版页行以稳定序号区分。
མ་མཆིས་ན་འོན་ཀྱང་བདག་གིས་བསམས་པ། བདག་ལ་སློབ་དཔོན་གྱིས་ཡོ་བྱད་ཐམས་ཅད་སྦྱར་ན་དོན་ཅི་ཞིག་ལ་འགྲོ་སྙམ་ནས་བདག་སླར་ལོག་པ་ལགས་སོ། །དེས་སྨྲས་པ། བུ་གལ་ཏེ་སླར་ལོག་ན་ལེགས་སོ། །ཁྱོད་ཀྱི་སློབ་དཔོན་ནི་ང་ཉིད་ཡིན་ནོ་ཞེས་སྨྲས་
D6.010.0216a01.01ནས་བསམས་པ། ཅི་འདིའི་གནས་བཅས་པ་དེ་ཁོ་ནས་ཆོག་གམ། འོན་ཏེ་གདོད་སྦྱིན་པར་བྱ་སྙམ་སྟེ། དེས་སྐབས་དེ་དགེ་སློང་དག་ལ་སྨྲས་ནས། དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་གལ་ཏེ་
D6.010.0216a02.01སློབ་དཔོན་གྱིས་མ་བཏང་བ་ལ། ཉེ་གནས་ཀྱིས་བཏང་ན་གནས་བཅས་པ་མ་ཞིག་པ་ཞེས་བརྗོད་དོ། །སློབ་དཔོན་གྱིས་བཏང་ལ་ཉེ་གནས་ཀྱིས་མ་བཏང་ན་གནས་བཅས་པ་མ་ཞིག་པ་ཞེས་བརྗོད་དོ། །སློབ་དཔོན་གྱིས་ཀྱང་མ་བཏང་ལ་ཉེ་གནས་ཀྱིས་ཀྱང་མ་བཏང་ན་གནས་བཅས་
D6.010.0216a03.01པ་མ་ཞིག་པ་ཞེས་བརྗོད་དོ། །སློབ་དཔོན་(ཀྱིས་,གྱིས་)ཀྱང་བཏང་ལ་ཉེ་གནས་ཀྱིས་ཀྱང་བཏང་ན་གནས་བཅས་པ་ཞིག་པ་ཞེས་བརྗོད་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་
D6.010.0216a04.01ན་དགེ་སློང་ཚོགས་ལ་སྟོན་པ་ཞིག་འདུག་པ་དེ་གཞོན་ནུ་མང་པོ་དག་ཀློག་ཏུ་འཇུག་གོ། །དེ་དུས་གཞན་ཞིག་ན་ན་བར་གྱུར་པ་དང་། དེ་དག་གིས་སླར་མ་བལྟས་ཤིང་དེ་བཞིན་དུ་ལན་གསུམ་ན་བར་གྱུར་ཀྱང་དེ་དག་གིས་སླར་མ་བལྟས་སོ། །དེ་དུས་གཞན་ཞིག་ན་སོས་པར་གྱུར་
D6.010.0216a05.01པ་དང་། ཉེ་གནས་དག་དེའི་དྲུང་དུ་འོངས་ཏེ། དེ་ན་གཅིག་གིས་སྨྲས་པ། སློབ་དཔོན་བདག་ལ་ལུང་དབོག་ཏུ་གསོལ། གཞན་ཞིག་གིས་སྨྲས་པ། བདག་ལ་གཡར་ཏོན་དབོག་ཏུ་གསོལ། གཞན་ཞིག་གིས་སྨྲས་པ། ཞུ་བར་འཚལ་ལོ། །དེས་སྨྲས་པ། ཚེ་དང་
D6.010.0216a06.01ལྡན་པ་དག་བདག་ལན་གསུམ་གྱི་བར་དུ་ན་བར་གྱུར་ཀྱང་ཁྱེད་གང་གིས་ཀྱང་སླར་མ་བལྟས་པས་གང་ཞིག་ཁྱེད་ལྟ་བུ་མ་གུས་པ་ལ་གདམས་ངག་དང་། ཁ་ཏོན་དག་འབོགས་པར་བྱེད་པ་དེའི་ཐད་དུ་དེང་ཤིག །སྐབས་དེ་བཅོམ་ལྡན་འདས་ལ་དགེ་སློང་དག་གིས་གསོལ་པ་དང་།
D6.010.0216a07.01