完整藏文原文 · 德格版页 当前仅加载第 10 函德格 199a 版页；藏文 NFD、目录标记与异常页序保留在来源切片中，重复版页行以稳定序号区分。
པ། གང་དག་བགོ་བ་དེ་དག་ནི་སྟེང་དུ་བཞག་ལ། ལྷག་མ་དག་ནི་འོག་ཏུ་གཞག་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་
D6.010.0199a01.01མི་རྒོད་དག་གིས་འགྲོན་པ་བཅོམ་ནས་ཕན་ཚུན་ཁུས་འདེབས་ཤིང་བྲོས་པ་དང་། སོ་སོའི་གྲོང་ན་གནས་པ་དག་ཁྱིམ་ནས་ལྷགས་ཏེ་མི་རྒོད་དག་བཏགས་རབ་ཏུ་བཏགས་ནས། མགོན་མེད་ཅིང་སྐོམ་པས་གདུངས་ཏེ། གཅིག་ནས་གཅིག་ཏུ་ཆུ་བཙལ་བའི་
D6.010.0199a02.01ཕྱིར་རྨེད་ཅིང་ཁྲོན་པ་ཞིག་ཏུ་ཕྱིན་པ་དང་། རྐུན་པོའི་སྡེ་དཔོན་གྱིས་སྨྲས་པ། ཤེས་ལྡན་དག་འདིར་ཆུ་སྣོད་དང་། ཐག་པ་དག་ལྟོས་ཤིག །བལྟས་ན་ཐག་པ་ཡང་མེད། ཆུ་སྣོད་ཀྱང་མེད་དོ། །སྡེ་དཔོན་གྱིས་སྨྲས་པ། ཤེས་ལྡན་དག་གལ་ཏེ་འགྲོན་པ་འགའ་
D6.010.0199a03.01ཞིག་འོང་ན་དེ་ལ་ཐག་པ་དང་། ཆུ་སྣོད་བརྙས། ཤིང་ལ་འཛེགས་ཏེ་ལྟོས་ཤིག །དེ་དག་གིས་ཤིང་ལ་འཛེགས་ཏེ་བལྟ་བར་བརྩམས་ན། ཇི་ཙམ་ན་ཐག་རིང་བ་ཞིག་ནས་དགེ་སློང་དག་ཅིག་འོང་བ་མཐོང་སྟེ། དེ་དག་གིས་སྨྲས་པ། སྡེ་དཔོན་ཤཱཀྱའི་བུ་
D6.010.0199a04.01མང་ཞིག་འོང་ངོ་། །དེས་སྨྲས་པ། ཤེས་ལྡན་དེ་དག་ནི་མཁས་པ་ཡིན་པས་གདོན་མི་ཟ་བར་དེ་དག་ལ་གདང་ཐག་དང་། ཆུ་སྣོད་ཡོད་དོ། །དེ་དག་གིས་སྨྲས་པ། སྡེ་དཔོན་གལ་ཏེ་དེ་དག་ལ་ཡོད་ན་དེ་ལྟ་ན་ལེགས། ཇི་སྟེ་མེད་ན་དེ་དག་གི་ལྟོ་དྲལ་ཏེ་ཁྲག་
D6.010.0199a05.01བཏུང་བར་བྱའོ། །དེ་དག་གིས་དེ་ལྟར་གྲོས་བྱས་ཏེ་བསྡད་པ་དང་། དགེ་སློང་དག་ཀྱང་ལྷགས་སོ། །མི་རྒོད་དག་གིས་དྲིས་པ། འཕགས་པ་བདག་སྐོམ་ན་ཁྱོད་ལ་གདང་ཐག་དང་། ཆུ་སྣོད་ཡོད་དམ། དེ་དག་གིས་སྨྲས་པ། བཞིན་{བཟངས་,བཟང་}མེད་དོ། །མི་
D6.010.0199a06.01རྒོད་དག་འཁྲུགས་པར་གྱུར་ཏེ་མཚོན་ཆ་ལ་ནོམ་པ་དང་། དེ་ན་དགེ་འདུན་གྱི་གནས་བརྟན་དགྲ་བཅོམ་པ་ཞིག་གིས་ཅིའི་ཕྱིར་འདི་དག་འཁྲུགས་ཤིང་མཚོན་ཆ་ལ་ནོམ་ཞེས་བསམ་པ་ལ་ཞུགས་པ་དང་། དགེ་སློང་དག་གསད་པར་འདོད་པར་མཐོང་ནས། དེས་
D6.010.0199a07.01