完整藏文原文 · 德格版页 当前仅加载第 10 函德格 184b 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱའོ། །དགེ་སློང་དག་གིས་ཁམ་ཕོར་དུ་མཆིལ་མ་བོར་བ་དང་དེ་འདྲིལ་ཏེ་ཆེས་མང་དུ་མ་རུང་བར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། མཆིལ་མ་སྣོད་རྟེན་མ་དང་བཅས་པའམ། ཡང་ན་ཟངས་པོ་ཆེ་གཞག་པར་བྱའོ། །དགེ་སློང་དག་ཟངས་པོ་ཆེ་ཅི་འདྲ་བ་
D6.010.0184b01.01ཡང་རུང་ཉེ་བར་འཇོག་པར་བྱེད་པས་དེ་ཡང་འདྲིལ་ཏེ་ཉེས་དམིགས་དེ་ཉིད་དུ་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། གླང་པོ་ཆེའི་རྐང་པ་ལྟ་བུ་ཉེ་བར་གཞག་པར་བྱའོ། །གཞན་དག་ཅིག་མཆིལ་མ་འདོར་བ་ན་ཟེར་མ་ཡར་ནས། བཅོམ་ལྡན་འདས་ཀྱིས་བཀའ་སྩལ་པ།
D6.010.0184b02.01གཅལ་དགྲམ་པར་བྱའོ། །དགེ་སློང་རྣམས་ཀྱིས་གཅལ་ཅི་ཞིག་གིས་དགྲམ་པ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། སོ་ཕག་གི་བུར་མ་འམ་བྱེ་མའོ། །དེར་སྦྲང་མ་དག་འདུ་ནས་བཅོམ་ལྡན་འདས་ཀྱིས་བཀའ་སྩལ་པ། བསྐྲད་པར་བྱའོ། །དྲི་མི་ཞིམ་
D6.010.0184b03.01པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། དུས་དུས་སུ་བཤལ་བར་བྱའོ། །དགེ་སློང་དག་གིས་བཤལ་ནས་མ་བསྐམས་པ་དང་སྲོག་ཆགས་དག་བྱུང་ནས་བཅོམ་ལྡན་འདས་ཀྱིས་བཀའ་སྩལ་པ། བཤལ་ནས་བསྐམ་པར་བྱའོ། །དགེ་སློང་གཞན་
D6.010.0184b04.01དག་ཅིག་ལུད་པ་བདོ་ནས་དེ་དག་ཇི་སྲིད་དུ་བསྐམས་པ་དེའི་བར་དུ་ཉམ་ང་བར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། ནད་པ་ཚབས་པོ་ཆེ་གང་དག་ཡིན་པ་དེ་དག་གིས་ནི་མཆིལ་མའི་སྣོད་གཉིས་ཉེ་བར་གཞག་པར་བྱའོ། །དགེ་སློང་ཁང་{བཟངས་,བཟང་}དག་ཏུ་
D6.010.0184b05.01ཀློག་པ་དང་། ཁ་ཏོན་བྱེད་པ་དང་། ཆགས་པ་དེ་དག་མཆིལ་མ་བྲོ་བ་དང་། དེ་དག་སེམས་ཡེངས་ཤིང་བབ་བབ་དུ་མཆིལ་མ་འདོར་བར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། བརྗེད་ཕྱལ་བར་གནས་མལ་བཅས་པར་མཆིལ་མ་དོར་བར་མི་བྱའི་
D6.010.0184b06.01འོན་ཀྱང་གཙུག་ལག་ཁང་གི་གྲྭ་བཞིར་ཀ་བའི་དྲུང་དུ་དགེ་འདུན་གྱི་མཆིལ་མའི་སྣོད་བཞི་གཞག་པར་བྱ་ཞིང་དེ་དག་ཏུ་ཀློག་པ་དང་། ཁ་ཏོན་བྱེད་པའམ། འཆགས་པས་དྲན་པ་ཉེ་བར་བཞག་སྟེ་མཆིལ་མ་དོར་བར་བྱའོ། །སངས་རྒྱས་བཅོམ་ལྡན་འདས་རྒྱལ་བུ་རྒྱལ་བྱེད་ཀྱི་
D6.010.0184b07.01