完整藏文原文 · 德格版页 当前仅加载第 10 函德格 33a 版页；藏文 NFD、目录标记与异常页序保留在来源切片中，重复版页行以稳定序号区分。
གིས་ཕུར་བུར་བརྒྱངས་པ་དང་རལ་ནས། བཅོམ་ལྡན་འདས་ཀྱིས་བཀའ་སྩལ་པ། བུ་གུ་བྱས་ལ་སྒྲོ་གཟུངས་ཀྱིས་བརྒྱང་བར་བྱའོ། །གླེང་གཞི་ནི་མཉན་ཡོད་ནའོ། །བཅོམ་ལྡན་འདས་ཀྱིས་ཆོས་གོས་རྣམ་པ་གསུམ་པོ་ཆེན་པོ་དང་། འབྲིང་དང་། ཆུང་ངུའོ་ཞེས་བཀའ་སྩལ་པས་ཆོས་
D6.010.0033a01.01གོས་ཆེན་པོ་བརྒྱང་པའི་གཏན་པ་གང་ཡིན་པ་དེ་ལ་འབྲིང་པོ་དང་ཆུང་ངུ་བརྒྱང་དུ་མི་རུང་ནས། བཅོམ་ལྡན་འདས་ཀྱིས་བཀའ་སྩལ་པ། གཏན་པ་མང་པོ་དག་བྱའོ།། །།སྡོམ་ལ། མེ་ལོང་དང་ནི་ཆུ་དག་དང་། །དེ་བཞིན་སོ་{མངས་,མང་}སྨྱུག་ཤད་གཉིས། །གཙུག་ཕུད་དང་ནི་སྐྲ་{རིངས་,རིང་}དང་། །བསྲོ་གང་
D6.010.0033a02.01ལིད་ཚ་ཆེན་པོའོ། །གླེང་གཞི་ནི་མཉན་ཡོད་ནའོ། །དྲུག་སྡེ་དག་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ། མཉན་ཡོད་དུ་བསོད་སྙོམས་ལ་ཞུགས་པ་དང་། དེ་དག་གིས་བྲམ་ཟེ་དང་ཁྱིམ་བདག་དག་གིས་བྱི་དོར་གྱི་ཡོ་བྱད་གོས་ཀྱི་སྤྲོག་མའི་སྟེང་དུ་བཞག་པ་མཐོང་ནས། དྲུག་
D6.010.0033a03.01སྡེ་དག་གིས་དེ་དག་གི་མེ་ལོང་བླངས་ཏེ་བཞིན་བལྟས་ནས་སྨྲས་པ། དགའ་བོ་ཉེ་དགའ་བོ་ཇི་ལྟ་བདག་ཅག་བཟང་ངམ། བྲམ་ཟེ་དང་ཁྱིམ་བདག་དག་གིས་སྨྲས་པ། འཕགས་པ་དག་ཁྱེད་མགོ་ནི་བྲེགས་ལ་མཆན་ཁུང་ནི་རལ་བུ་ཅན་དུ་འདུག་ན་ཁྱེད་ཀྱི་གདོང་མཛེས་པར་ག་ལ་འགྱུར། དགེ་
D6.010.0033a04.01སྦྱོང་འདི་དག་ནི་འདོད་པའི་ཡོན་ཏན་དག་གིས་གཟིར་བར་ངེས་སོ་ཞེས་བྱས་པ་དང་། དེ་དག་ཅང་མི་སྨྲ་བར་འཁོད་པའི་སྐབས་དེ་དགེ་སློང་དག་གིས་ཐོས་ནས། བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་གིས་མེ་ལོང་ལ་བཞིན་བརྟག་པར་
D6.010.0033a05.01མི་བྱའོ། །རྟོག་པར་བྱེད་ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་མེ་ལོང་ལ་བཞིན་བརྟག་པར་མི་བྱའོ་ཞེས་བཀའ་སྩལ་པ་དང་། དེ་དག་གིས་ཆུ་དག་ལ་བཞིན་བརྟག་པར་བརྩམས་ནས། བཅོམ་ལྡན་འདས་ཀྱིས་བཀའ་སྩལ་པ། ཆུ་ལ་ཡང་བཞིན་བརྟག་པར་མི་
D6.010.0033a06.01བྱའོ། །བཅོམ་ལྡན་འདས་ཀྱིས་དགེ་སློང་གིས་ཆུ་ལ་ཡང་བཞིན་བརྟག་པར་མི་བྱའོ་ཞེས་བཀའ་སྩལ་པ་དང་། དགེ་སློང་དག་ཆུ་ལ་རྟོག་པར་བྱེད་པ་ན་བཞིན་མཐོང་ནས་དེ་དག་འགྱོད་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། ཆུ་བརྟག་པ་དང་། རྨ་དང་། གཉེར་མ་དང་། རྒས་པ་དང་།
D6.010.0033a07.01