完整藏文原文 · 德格版页 当前仅加载第 10 函德格 194b 版页；藏文 NFD、目录标记与异常页序保留在来源切片中，重复版页行以稳定序号区分。
འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཆོས་གོས་དག་གྱོན་ནས་སྐྲ་དང་ཁ་སྤུ་བྲེག་པར་མི་བྱའི་འོན་ཀྱང་སྐྲ་བཟེད་ཀྱི་གོས་བཅང་བར་བྱ་ཞིང་དེ་བགོས་ནས་སྐྲ་བྲེག་པར་བྱའོ། །བཅོམ་ལྡན་འདས་ཀྱིས་སྐྲ་བཟེད་ཀྱི་གོས་བཅང་བར་བྱའོ་ཞེས་
D6.010.0194b01.01གསུངས་པ་དང་། གཞན་དག་ཅིག་ལ་འབྱོར་པ་མེད་ནས། བཅོམ་ལྡན་འདས་ཀྱིས་བཀའ་སྩལ་པ། གང་དག་ལ་འབྱོར་པ་མེད་པ། དེ་དག་གིས་རྔུལ་གཟན་གྱིས་ལུས་དཀྲིས་ལ་སྐྲ་བྲེག་པར་བྱའོ། །དགེ་སློང་དག་གིས་སྐྲ་དང་ཁ་སྤུ་བྲེགས་ནས་དེ་བཞིན་དུ་སོང་བ་
D6.010.0194b02.01དང་། བྲམ་ཟེ་དང་ཁྱིམ་བདག་དག་ཤཱཀྱའི་བུའི་དགེ་སྦྱོང་རྣམས་ནི་སྤུ་གྲིའི་ལས་བྱས་ནས་ཁྲུས་མི་བྱེད་པས་གཙང་སྦྲ་མེད་པའོ་ཞེས་འཕྱ་བར་བྱེད་དོ། །སྐབས་དེ་བཅོམ་ལྡན་འདས་ལ་དགེ་སློང་དག་གིས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ།
D6.010.0194b03.01སྤུ་གྲིའི་ལས་བྱས་ནས་ཁྲུས་བྱའོ། །དགེ་སློང་གཞན་དག་ཅིག་ནི་རྒས་འཁོགས་ཤིང་ཉམ་ཆུང་བར་གྱུར། གཞན་དག་ཅིག་ནི་ན་ནས་ཁྲུས་ཀྱི་སྦྱོར་བ་མི་བཟོད་པར་གྱུར། གཞན་དག་ཅིག་ལ་ནི་ཆུའི་རྙེད་པ་མེད་ནས། བཅོམ་ལྡན་འདས་ཀྱིས་བཀའ་སྩལ་པ། དེ་
D6.010.0194b04.01དག་གིས་ནི་ཡན་ལག་ལྔ་ཙམ་བཀྲུ་བར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བྲམ་ཟེ་དང་ཁྱིམ་བདག་དད་པ་ཅན་དག་གིས་དགེ་སློང་དག་ལ་མེ་ཏོག་གི་ཕྲེང་བ་འབུལ་
D6.010.0194b05.01བ་དང་། དེ་དག་གིས་མ་བླངས་ནས་བྲམ་ཟེ་དང་ཁྱིམ་བདག་དག་གིས་སྨྲས་པ། འཕགས་པ་དག་གང་གི་ཚེ་སངས་རྒྱས་བཅོམ་ལྡན་འདས་ཞེས་བྱ་བ་ནས། ཅི་བདག་ཅག་འཇིག་རྟེན་འདི་ནས་འཇིག་རྟེན་ཕ་རོལ་ཏུ་དགེ་བའི་ལམ་རྒྱགས་བྲལ་ཏེ་མཆིའམ། བཞེས་ཤིག་
D6.010.0194b06.01ཅེས་བྱ་བའི་བར་སྔ་མ་བཞིན་ནོ། །སྐབས་དེ་བཅོམ་ལྡན་འདས་ལ་དགེ་སློང་དག་གིས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་མེ་ཏོག་གི་ཕྲེང་བ་ལེན་པར་རྗེས་སུ་གནང་ངོ་། །དེ་དག་གིས་བླངས་ཏེ་དེ་དག་ཉིད་ཀྱི་མདུན་དུ་བོར་བ་
D6.010.0194b07.01