完整藏文原文 · 德格版页 当前仅加载第 10 函德格 89a 版页；藏文 NFD、目录标记与异常页序保留在来源切片中，重复版页行以稳定序号区分。
འཚལ་ཏེ། དེང་ཁོ་ན་གདུགས་ཀྱང་བཟང་། ཡུད་ཙམ་ཡང་བཟང་། སྐར་མ་ཡང་བཟང་། བསོད་ནམས་ཀྱི་གདུགས་ཀྱང་བཟང་བས་ལྷ་དེ་དག་གིས་ངོ་ལོན་མ་བཤམས་པར་དེང་ཉིད་གཤེགས་པའི་རིགས་སོ། །དེ་ནས་འཕགས་སྐྱེས་པོ་མ་ལ་གནོད་ཀྱིས་བསླུས་པས་དཔུང་གི་ཚོགས་
D6.010.0089a01.01ཡན་ལག་བཞི་པ་གླང་པོ་ཆེའི་ཚོགས་དང་། རྟ་པའི་ཚོགས་དང་། ཤིང་རྟའི་ཚོགས་དང་། དཔུང་བུ་ཆུང་གི་ཚོགས་གོ་བསྐོན་ནས་སེར་སྐྱའི་གཞི་ན་གནས་པའི་ཤཱཀྱ་རྣམས་གསད་པའི་ཕྱིར་མཉན་ཡོད་ནས་སེར་སྐྱའི་གཞིར་ཆས་སོ། །སྐབས་དེ་ལྟ་བུ་ལ་སངས་རྒྱས་བཅོམ་ལྡན་འདས་རྣམས་ལ་མི་མཁྱེན་
D6.010.0089a02.01པའམ། མི་གཟིགས་པའམ། རྣམ་པར་མི་མཁྱེན་པ་ཅུང་ཟད་ཀྱང་མི་མངའ་སྟེ། དེ་སེར་སྐྱ་ན་གནས་པའི་ཤཱཀྱ་རྣམས་ཀྱི་ལས་ཆུད་མི་ཟ་བར་མཁྱེན་ནས་ཆེས་སྔར་མཉན་ཡོད་ནས་སེར་སྐྱའི་གཞིར་གཤེགས་སོ། །དེ་ནས་བཅོམ་ལྡན་འདས་ལམ་ཀར་ཤིང་ཤཱ་ཀོ་ཊ་ཀ་ཤུན་པ་ར་རི་འཆུས་ཤིང་མི་སྡུག་
D6.010.0089a03.01པ། ལོ་མ་སྲབ་པ། གྲིབ་མ་ཆུང་བ་ཞིག་གི་དྲུང་དུ་སྐྱིལ་མོ་ཀྲུང་བཅས་ཏེ་ཉིན་མོའི་གནས་པས་བཞུགས་སོ། །རྒྱལ་པོ་འཕགས་སྐྱེས་པོས་བཅོམ་ལྡན་འདས་ཐག་རིང་པོ་ནས་མཐོང་ངོ་། །མཐོང་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །
D6.010.0089a04.01བཙུན་པ་ཤིང་ལོ་མ་སྡུག་ཅིང་གྲིབ་མ་ཆུང་ངུ་མ་ལགས་པ་གཞན་དག་མཆིས་ན་ཅིའི་སླད་དུ་བཅོམ་ལྡན་འདས་དེ་དག་སྤངས་ཏེ། ཤིང་ཤཱ་ཀོ་ཊ་ཀ་ཤུན་པ་འཆུས་ཤིང་མི་སྡུག་པ། ལོ་མ་སྲབ་པ། གྲིབ་མ་ཆུང་ངུ་འདིའི་དྲུང་ན་བཞུགས། བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་གཉེན་
D6.010.0089a05.01བཤེས་རྣམས་ལ་ནི་གཉེན་བཤེས་ཀྱི་གྲིབ་མ་བསིལ་ལོ། །འཕགས་སྐྱེས་པོས་བསམས་པ། བཅོམ་ལྡན་འདས་ལ་གཉེན་རྣམས་ལ་གཟིགས་ཤིང་། ཐུགས་བརྩེ་བ་མངའ་སྟེ། ཀྱེ་མ་བཅོམ་ལྡན་འདས་ནི་གཉེན་རྣམས་ལ་ཐུགས་བརྩེ་བ་མཛད་དོ་སྙམ་དུ་རིག་ནས་དེ་ཉིད་ནས་སླར་ལོག་གོ། །བཅོམ་
D6.010.0089a06.01ལྡན་འདས་ཀྱིས་དགོངས་པ། གལ་ཏེ་སེར་སྐྱ་ན་གནས་པའི་ཤཱཀྱ་རྣམས་ཀྱིས་བདེན་པ་མ་མཐོང་བར་འཕགས་སྐྱེས་པོའི་དམག་གིས་ཐེབས་ན་བདེན་པ་དག་མཐོང་བའི་སྣོད་དུ་མི་འགྱུར་རོ་སྙམ་དུ་མཁྱེན་ནས། ཤཱཀྱ་རྣམས་ཀྱི་ནང་དུ་ལྗོངས་རྒྱུ་ཞིང་གཤེགས་པ་ལས་སེར་སྐྱའི་གཞིར་བྱོན་ཏེ། སེར་སྐྱའི་གཞི་
D6.010.0089a07.01