完整藏文原文 · 德格版页 当前仅加载第 10 函德格 219a 版页；藏文 NFD、目录标记与异常页序保留在来源切片中，重复版页行以稳定序号区分。
དེས་སྨྲས་པ། བྲམ་ཟེའི་ཁྱེའུ་ཡང་རྒྱོབ་ཤིག །དེས་དེ་ལ་ལན་གཉིས་སུ་ལྟག་དབྱུག་གིས་བརྒྱབ་པ་དང་། ཚེ་དང་ལྡན་པ་དགའ་བོས་བསམས་པ། བདག་གིས་བལྟས་ཏེ་ཅི་རུང་འགྲོའོ་སྙམ་སྟེ་སོང་ངོ་། །རྒྱལ་བྱེད་ཀྱི་ཚལ་དུ་ཕྱིན་ནས་ཟས་ཀྱི་བྱ་བ་བྱས་ཏེ་ལྷུང་བཟེད་
D6.010.0219a01.01བཀྲུས་ནས་དགེ་སློང་དག་ལ་སྨྲས་པ། ཚེ་དང་ལྡན་པ་དག་སྲང་ཆེ་གེ་མོ་ཞེས་བྱ་བར་མ་འདོང་ཤིག །དགེ་སློང་དག་གིས་སྨྲས་པ། ཅིའི་ཕྱིར་དེས་སྨྲས་པ། དེ་ན་བྲམ་ཟེ་གཏུམ་པོ་གཟུ་ལུམས་ཅན་རྩུབ་མོ་ཞིག་བྲམ་ཟེའི་ཁྱེའུ་ལྔ་བརྒྱ་ཙམ་ཞིག་ལ་བྲམ་ཟེའི་གསང་ཚིག་ཀློག་ཏུ་
D6.010.0219a02.01འཇུག་པ་འདུག་སྟེ། དེས་བདག་ལ་ལྟག་དབྱུག་གཉིས་བསྣུན་ནོ། །དེ་དག་གིས་སྨྲས་པ། ཁྱོད་ཀྱིས་ཅི་ཉེས། དེས་སྨྲས་པ། ཚེ་དང་ལྡན་པ་དག་གཅིག་ནི་ཉེས། གཉིས་པ་ནི་མ་ཉེས་སོ། །ཇི་ལྟར་ནི་ཉེས་ཇི་ལྟར་ནི་མ་ཉེས། གཅུགས་མེད་པར་དེས་ཁོ་བོ་ལ་ལྟག་དབྱུག་གིས་
D6.010.0219a03.01བསྣུན་ནས་ཁོ་བོས་ལོག་སྟེ་བལྟས་པ་དང་། དེས་ལན་གཉིས་བསྣུན་ནས་ཁོ་བོས་དེ་ལ་ལོག་སྟེ་བལྟས་པ་གང་ཡིན་པ་དེ་ནི་ཉེས་སོ། །སྔ་མ་ནི་མ་ཉེས་སོ། །ཚེ་དང་ལྡན་པ་ཉེ་{དགའས་,དགས་}ཐོས་ནས། དེས་སྨྲས་པ། འཕགས་པ་ཅི་ཞིག་གསུང་། དེས་སྨྲས་པ། ཆེན་པོ་མ་
D6.010.0219a04.01ལགས་སོ། །ཉེ་{དགའས་,དགས་}སྨྲས་པ། འཕགས་པ་དེ་བདག་གིས་ཐོས་ཀྱིས་ཡང་གསུངས་ཤིག །དེས་ཇི་ལྟར་གྱུར་པ་སྨྲས་པ་དང་། ཉེ་{དགའས་,དགས་}མགོ་ལན་གསུམ་གཅོགས་ནས་མཇལ་ཏོ་ཞེས་བྱས་ཏེ་མི་དགའ་བར་བྱའོ། །སྙམ་ནས་དེ་མགོ་བཟླས་ཏེ་བྲེགས་ནས་ཏིལ་མར་
D6.010.0219a05.01གྱིས་བསྐུས་ཏེ་བཀྲུས་ནས་སྔ་དྲོ་ཤམ་ཐབས་བགོས་ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་སོ། །དེ་རིམ་གྱིས་སྲང་དུ་ཕྱིན་ན་བྲམ་ཟེ་དེ་གཞན་དུ་ཡེངས་པས་དེས་དེ་མ་མཐོང་ངོ་། །ཚེ་དང་ལྡན་པ་ཉེ་དགའ་དེའི་མདུན་དུ་འཆག་པར་བརྩམས་པ་དང་།
D6.010.0219a06.01བྲམ་ཟེ་དེས་མཐོང་ནས་དེས་བྲམ་ཟེའི་ཁྱེའུ་ཞིག་ལ་སྨྲས་པ། བྲམ་ཟེའི་ཁྱེའུ་སོང་ལ་དགེ་སྦྱོང་མགོ་རེག་འདིའི་མགོར་ལྟག་དབྱུག་གིས་སྣུན་ཅིག །ཚེ་དང་ལྡན་པ་ཉེ་{དགའས་,དགས་}དེ་ཐོས་ནས་སྨྲས་པ། བཀྲེན་པ་འོ་ནི་གཏང་ཅི་དགོས། ཁྱོད་ཉིད་ཚུར། དེ་སྐད་སྨྲས་པ་དང་། བྲམ་ཟེ་དེ་ཁྲོས་
D6.010.0219a07.01