完整藏文原文 · 德格版页 当前仅加载第 10 函德格 243a 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་མཽད་གལ་གྱི་བུ་ཆེན་པོས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས་ཀུན་ཏུ་རྒྱུ་དབྱུག་ཐོགས་སྤྱི་ཕུད་ཅན་རྣམས་ཀྱིས་འདིའི་ཡན་ལག་དང་། ཉིང་ལག་འདམ་བུ་བཞིན་དུ་
D6.010.0243a01.01བཅོམ་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་མཽད་གལ་གྱི་བུ་འདི་ཉིད་ཀྱིས་ལས་བྱས་ཤིང་བསགས་པ། ཚོགས་རྙེད་པ། རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བ་ཞེས་བྱ་
D6.010.0243a02.01བ་ནས། ལུས་ཅན་རྣམས་ལ་འབྲས་བུར་སྨིན་ཅེས་བྱ་བའི་བར་སྔ་མ་བཞིན་ནོ། །དགེ་སློང་དག་སྔོན་བྱུང་བ་རི་འོར་ཞིག་ན་བྲམ་ཟེ་ཞིག་གནས་པ་དེས་རིགས་མཉམ་པ་ལས་ཆུང་མ་བླངས་དེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་
D6.010.0243a03.01དོ། །དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས་དུས་གཞན་ཞིག་ན་ཆུང་མ་ལ་སེམས་ཅན་ཞུགས་པར་གྱུར་ཏོ། །དེ་ཟླ་བ་བརྒྱད་དམ་དགུ་འདས་ནས་ཁྱེའུ་ཞིག་བཙས་ཏེ་ཞག་བདུན་གསུམ་ཉི་ཤུ་གཅིག་ཏུ་དེ་བཙས་པའི་བཙས་སྟོན་རྒྱས་པར་བྱས་
D6.010.0243a04.01ནས་མིང་བཏགས་ཏེ་བསྐྱེད་བསྲིངས་ནས་ཆེན་པོར་གྱུར་ཏོ། །ཕས་དེའི་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་ཅིང་དེ་ལ་ཡང་རབ་ཏུ་ཆགས་སོ། །དེ་ལ་དེའི་མས་རྟག་ཏུ་ཚིག་ཡིད་དུ་མི་འོང་བ་ངན་པར་སྨྲ་བ་དག་གིས་སྤྱོས་
D6.010.0243a05.01པ་དང་། དེས་ཁྱོ་ལ་བཟླས་ནས་དེས་དེ་ཅི་ནས་ཀྱང་མ་ལ་ཤིན་ཏུ་བྱམས་པ་མེད་པ་དང་། དེའི་བྱ་དགུ་ལ་ཕྱི་ལང་བྱེད་པ་དེ་ལྟ་དེ་ལྟར་བསླུས་སོ། །དེས་སྨྲས་པ། ཁྱོད་གང་གི་ཕྱིར་དེ་ལ་ཤིན་ཏུ་ཆགས་པས་ང་ལ་ཕྱིར་ལང་བྱེད་དམ། དེ་ངོ་ཚ་ནས་ཅང་མི་ཟེར་བར་འདུག་པ་དང་། དེའི་ཆུང་
D6.010.0243a06.01མས་བསམས་པ། རེ་ཞིག་ཁ་དུག་ཅན་འདི་ལང་ཚོ་ཡལ་ཡང་རང་གི་ཁྱོ་ལ་ཆགས་པ་ཅུང་ཟད་ཀྱང་མི་གཏོང་ཞིང་བདག་གི་ཁྱོ་ལ་གཤེ་བར་བྱེད་དོ་སྙམ་དུ་རིག་ནས་དེ་གླགས་ཚོལ་བར་ཞུགས་སོ། །ཇི་ཙམ་ན་དུས་གཞན་ཞིག་ན་དེའི་མ་སྐར་མ་དང་སྦྱར་ཏེ་ཁྲུས་བྱས་ནས་དྲི་དང་མེ་ཏོག་དག་
D6.010.0243a07.01